2026年，半馬pb仲停留喺1:11:55，d人問起我都唔好意思答嘅時間。諗住今次台北馬怒刷一波pb，都係做唔到😐
今次備戰交足貨了，星期三熱完身卻椎間盤突出(人生第四次，之前因重訓，今次不知原因) ，對腳完全向唔到後摺，企多過半個鐘就開始痛。多謝師傅幫我急救，
@pheobe_chow 每日幫我擦藥膏，各位隊友遷就我，先可以短時間跑返步。如果可以出賽，我都希望係最佳狀態，所以今個星期冇跑過強度，總係覺得爭咗d嘢。每日都寄託喺睡眠可以令我快d好返，事實每日瞓醒真係會好d，但期待嘅奇蹟都係冇發生。
呢幾日諗緊要唔要DNS，人生路不熟真係唔要上岸。直到星期五先敢俾力跑少少速度，不過有推背感...上身要刻意前傾先冇不適。賽前一日跑幾隻加速跑又感覺良好，決定放手一搏。
自我催眠下，頭幾k真的很興奮，好似狀態沒有消失過，不過都追唔到第一集團。3k幾開始吃力，感覺沒有辦法維持到完賽，呢個念頭一出現配速就開始倒水咁跌。每次我俾人過時，總會作出無謂？嘅掙扎，格硬再加速嘗試喚返起狀態，最後都是徒勞，由3:20/k一路到4分都係咁樣掙扎，臨尾仲要拉親多次搏頭...可能我保守d個時間唔會咁核突，不過呢個跑法唔喺我計劃中，所以爆就爆啦。下年再嚟💪😎
