陳秄沁

. 【個獎今日終於到手咁就湊吓舞台劇獎嘅熱鬧出個post～】 肥哥哥問：「你有無唔開心呀？」 真心， 唔開心講唔上， 但坦白講點都有少許失落的。 但作為第一次去舞台劇獎頒獎禮嘅我， 尋晚真係比嗰種開心興奮熱情嘅氣氛淹蓋， 加上見到好多好多我欣賞嘅劇場好友們同作品獲獎， 再加上一晚見到好多好多劇場好友， 每一個真誠嘅擁抱同祝福與鼓勵， 其實尋晚真係全晚都好high好開心的～ 縱然失落， 但我真係從來都無諗過我會有機會得到劇協嘅提名， 所以我真係滿足到漏了～ 原來諗住吖如果真係咁堅有機會三個獎拍埋一齊影張相咁就型喇， 好可惜型唔哂了， 但學朋友傳嚟嘅msg話齋： 我都想你食大三元， 但小三元都好難食到！ 好啦， 讚多次自己叻叻， 然後就重新出發， 對自己少少欣賞、點點質疑、多多鞭策， 繼續勇往直前～

【一個份量很重的肯定】  雖然不是昨天才知道獲獎， 但我仍然在一片迷迷糊糊的感覺中。  對我來說， 藝術新秀獎（戲劇）對我感覺很遙遠， 我常想：過去得奬的有她有他有她還有她他她， 我憑甚麼拿一個跟她跟他齊名的獎？ 我何德何能？  然後拿着這份從別人手上得到但從自己身上找不到的肯定， 由無形的握手擁抱與道謝， 到實實在在握在手上的獎座， 腦裡閃過的是這十多年來走過的路， 看到一個也許我未懂得欣賞但還是很多衷心多謝的自己。  頒獎禮上大會的發言時間有限制， 未能把全部的道謝說出， 就在這裡用長文一一記下。  第一位必需要多謝的是釗叔叔，謝謝他作我的提名人，還有當日交表時的鼓勵與支持。很想感謝釗叔叔用心的為我寫了一封推薦信，有時當我對自己的否定去到極致時，我會偷偷重看信中的文字，好讓自己取取暖。也要謝謝前進進戲劇工作坊，感謝這幾年來的所有機會與信任，在這裡我總是會為自己找到無限的可能與進步向前的空間與動力。  也要感謝為我寫過推薦信的羅冠蘭老師及Weigo，謝謝你們當日義不容辭，百忙中一口答應幫忙。感激在學院時期遇上兩位，畢業後亦能在不同的工作與分享中繼續在你們身上學習，謝謝兩位的教導與鼓勵。  特別感謝的是馮程程阿Vee，當日要不是她讓我參與了前進進的讀劇演出，也許就不會有後續跟前進進一切的合作機會，她總是能在我身上看到一些我意想不到的可能性，每次在她的手上，我總是能擴大自己的光譜。有時我覺得，看着她就如看着鏡，從反射中看到一個無論已是多努力也無法認同自己努力的人，很想給她肯定但就是無法給予對自己同樣的肯定。可愛又可惡的處女座，共勉共抱。  也很想謝謝拔濤，很感激你一直以來的信任、機會，還有一切任何形式的肯定，我知道這一刻你的高興一定不比我少。  還有要感謝APA的每一位老師、未代文憑的每一位同學。感謝老師們的每一句教導，畢業後九年的今天，你們的每一句叮嚀與鞭策還是會常時在我腦中響起；未代文憑的每一位，感謝你們在我人生最醜陋的面向展露的時期與我同行（也許都只是被迫同行🤭），但無論如何，你們每一位都是我很好的學習對象，感謝5年來的同行與成長的陪伴。  感謝這些年來每一個合作單位、每一位工作伙伴，真的謝謝每一位，是每一位！謝謝當中每一位導演給予的機會與指導、謝謝每一位工作伙伴的同行與分享，每一次的合作都是最好的學習，從你們身上我總是看到自己有多不足然後可以如何再進步，沒有你們就沒有現在的我。  感謝ADC的評審們對我的肯定，這是個滿有分量的肯定與鼓勵，尤其在這個以甚麼層面來說也是艱難的時間。  感謝我的家人、特別是父母由始至終的放任，讓我可以毫無負擔的去做我喜歡的事。  一定要多謝的是老公肥哥哥，感謝你一年365日每日24小時無間斷對我的欣賞與支持，特別在我有時都不喜歡自己的時候你總是會讓我知你有多喜歡與欣賞我在做的事。多謝你給我的自由度，讓我可以無憂無慮的去工作。每次演出有赤度或意識上的憂慮時，你總是會說「你ok我ok！」；引述阿Vee一句「咁嘅老公邊度搵？！」  最後必需要多謝的是「自己」，回頭看來，其實每次想跟妳說「其實妳已很了不起」，頭兩個字漏出口就有愧的不敢說下去。但我是很感激這些年內妳的堅定、堅持與堅守，每次的打不死，還有那每次毫不保留一頭栽進去做到至死方休的心態。在謝謝妳過後，我會繼續努力學習去欣賞妳。  無論一說出口後對自己有多質疑， 現在就先一句： 陳秄沁，你好叻！繼續向前跑吧！  #香港藝術發展局 #香港藝術發展獎 #第十五屆香港藝術發展獎 #藝術新秀獎戲劇

. 【係我第一個全馬所以篇嘢同賽道一樣咁長】 跑一場全馬應該係我最無諗過會做嘅事。 ⁡ 上年完成半馬， 就被慫恿跑全馬， 同自己講就用一年時間好好準備。 ⁡ 課表一直跑得唔錯， 直到10月傷咗， 有段時間起身連企同企唔到， 單腳企完全無力， 着褲都只可以坐喺度着， 被醫生勒令停跑兩星期又兩星期； 兩個月後身再出現狀況， 體能斷崖式下降， 就咁一停就停咗兩個幾月。 ⁡ 結果喺淨返嘅一個月鬆， 只係跑咗一課半馬TT、一課26K、最後做埋終極長課35K， 其餘只係跑easy， 咩課表都無跑過。 由好猶豫諗要唔要棄賽， 到最後尋日上線其實已經好想喊。 我同自己講： 唔駛跑得快， 但要跑得好。 有上次兔仔跑跟大隊跑爆咗嘅經驗， 起步時不停提自己冷靜啲， 唔好跟大隊跟自己pacing跟自己體感！ 頭3、4K一直check錶check體感， keep到個靚心率， 心裡不斷同自己講「you are good! You’re in a good shape！」， 腳感好好， 一路上到3號幹線準備上昂船州大橋， 喺迎接日出嘅同時， 發現腳仔無傷無痛， 係完全順住跑嘅感覺， 心裡同自己講咗句：「可以無痛咁跑真係好好呀」， 然後又眼濕濕咗。 好彩軍師 @fatwing.run 提我可寫定補給䇿略喺手， 我望住頭14K都補到亂亂哋🤣 差啲鹽丸又食漏BCCA又唔記得🫠 跑前最恐懼嘅昂船州大橋同汀九橋順利完成， 體會到 @singlsw 嘅體感控速之真係無斜路🤣 唯獨去到西隧前對鞋夾腳嘅情況越嚟越嚴重， 停低咗2次調鞋帶（但最終都係夾住返終點，除鞋時個腳趾外翻位變咗紫色）， 一路跑到37、38先發現： 仲有4、5K咋喎！ 以往長課17、8K我一定撞一次牆， 終極長課23、4K又撞一次， 而我無跑長過35K我唔知後面會唔會撞， 但我竟然無捱住跑無撞牆咁一直跑到終點！ ⁡過終點一刻即刻淚奔淚流， 我無諗過我一腳無行過全程跑返嚟， 我真係跑咗42.195K！ 然後一見到 @singlsw 又再淚奔淚流， 多謝你嘅教導， 全程全靠你嘅12字口訣同埋「放鬆彈彈彈」咁完成， 過程中我不時有諗「如果星sir喺度見住我跑希望佢會讚我跑得好！」 我想講我到衝線嗰刻都有keep到個form！ 體感控速同彈彈pat真係幫到好多， 真係好多謝你！ 另外一定要多謝軍師 @fatwing.run 一直又push又鼓勵， 上年完成半馬後本來諗住今年跑多次半馬的， 就係你一句「你仲跑乜鬼半馬吖你跑全馬啦！」， 我今日先會完成到呢件自己都唔相信自己做到嘅事。 受傷前嘅課表好幫到手， 又有你同我哋review， keep住睇到自己進步好開心， （休息過後會重啟返，希望追得返傷前嘅追度） 多謝你成日比我問問問又不厭其煩哋答答答。 仲有多謝肥哥哥 @eggypoppy （肥哥哥都完成咗初半馬仲比平日練習快咗！） 成日陪我跑長課， 連課26K都同我一齊跑， 又食咗我喺受傷時期嘅負能量， 出年希望我哋可以喺同一條賽道上一齊努力。 最後一定要多謝自己， 多謝你嘅努力同堅持， 上年你覺得自己完成半馬唔係咩一回事， 今年完成咗全馬我請你公道啲， 認同吓自己真係做咗件好了不起嘅事！ 賽前開比自己高標445低標sub5完成， 最終個人時間448都好開心， 比起報名時目標有啲距離， 但今年時間跑得唔靚仔， 出年就可順利PB了～ ⁡ 我唔會話俾你知同自己有幾過唔去先會走去跑個全馬， 但我會話俾你知， 下一年我都會再跑。 ⁡ （跑完又迷又攰又激動完全唔記得同個奬牌合照🫠） （上年得肥哥哥一個抽唔到，今年終於同大佬 @runwithphilip 嫂嫂 @angela_110828 4個人齊完賽一齊拎住牌合照！） ⁡ #跑步日誌 #一步一累積 #唔求跑贏其他人但一定要跑贏自己 #以唔上車為目標靚時間為bonus #渣打馬拉松2026

. 報個平安 一切順利 已回家休養 msg繼續有限度回覆 終於可以好好沖個涼洗個頭 但最爽嗰個唔係我 係黐喺大脾嗰個 謝謝各位關心 好快我又會繼續跑跑跳跳

. 小維修一下 呢幾日覆msg可能慢少少

. 好耐無咁一口氣地睇哂一本書 原生家庭呢個議題總係會吸引住我 感謝譚蕙芸嘅勇氣與善良 都好耐無睇書睇到喊了

. 翻來覆去 一份將近8年的等待 思緒在腦海中指頭在鍵盤上奔馳的感覺很𣎴錯 是一種實在的愉快

. 所有媽媽都媽媽節快樂🧡

. 又再拜拜李斯德林國了～ 三年前嘅重返大計眨吓眼就夠期 正如呢個旅程眨吓眼咁就完結 多謝呢個令人又放鬆又玩到好忙碌嘅國度 今次旅程由第一日勁驚間resort有啲伏 到一日比一有驚喜 玩得非常之盡興 感謝整個旅程上天對我哋嘅眷顧 幸運仔步步跟實我哋 又係時候返去努力做吓有用嘅人 期待下次再返嚟做廢柴～

. 係一趟期待咗3年嘅結婚紀念旅行！ 24/4 - 2/5 不在港 有咩仍可WhatsApp、FB、IG、Email聯絡～ 無咩我就去專心做廢柴了～

. 感謝Andrew @andrewtheatre 及魚姐 @chanshuiyu 的邀請 十年前的《哈姆萊特機器》後再次與愛麗絲劇場實驗室合作 謝謝台前幕後各位大大 carry 住 各位有緣再聚江湖再見 #愛麗絲劇場實驗室 #冬天物語

. 短毛嘢：「咦！係咪到我哋演啦？」 哨牙仔：「掂哂啦你睇啲鬚同我哋面型咁fit！」 短毛嘢：「但鬚就得一執，咁你做定我做？」 哨牙仔：「咁⋯都係留返比佢哋做～ 大家good show咯～」 入台演出一直匆匆忙忙， 成個星期到closing先醒起唔記得同呢兩隻嘢影相🫠 《冬天物語》 good closong啦～～