@moving.journal MJ Instagram profile, stories

Download

👨🏻‍🌾 販行其道：深水埗戰後草根經濟展覽分享另一個今個週末就結束嘅展覽（最近努力趕展覽尾班車🚌）「一個人的空間，或是被劃分的街道，或是不大帶邊際的空地，人的聚集和物的交換，足以構成市場和承載生活。」喺仲未有規劃嘅年代會因為有人、有碼頭、有貨源、有需求而出現小販、天光墟、夜冷舖等各自為求謀生或便利而出現嘅草根經濟及至後來亦會因為唔同行業聚集而形成獨特嘅街道生態展覽由19世紀末去講深水埗嘅小販文化由自發嘅墟市叫賣到規管下嘅流動/固定攤檔再到市區重建再度規劃下嘅現況印象最深刻嘅係呢幾十年黎嘅小販數目變化最高峰嘅時期原來有超過十萬個小販！睇完展覽之後搵返關於小販牌照嘅資料截至2024年流動和固定小販牌照加埋大約5000 但40歲以下嘅小販牌照持有人只有不足3%（約150人）推算有機會喺2033年就唔會再有小販小販其實唔係淨係指流動推車仔大部分的其實係喺港島九龍成日見到嘅鐵皮排檔（綠色、紫色、粉紅色嗰啲！）呢類型嘅固定小販攤位需要每日「朝桁晚拆」有整鎖匙、擦鞋、賣二手古物…… 各自喺高樓大廈之中打造一片小小嘅生存空間希望真係有機會重新發牌保留城市特色風景之餘更重要係留返呢個草根經濟空間🌱 分享俾大家有時間可以去睇下從深水埗嘅變遷去了解小販文化 👨🏻‍🌾 販行其道：深水埗戰後草根經濟 📍香港文化古蹟資源中心 @hkrcheritage 📅 展期至4月26日（11am-6pm） p.s 錯過咗係第一階段喺深水埗嘅展覽所以去咗第二階段喺西營盤嘅展覽喺西營盤嘅古蹟入面睇關於深水埗社區嘅展覽莫名有種surreal嘅感覺💫 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong 📸 Fujifilm X100-F #香港 #香港展覽 #深水埗 #小販 #社區展覽

15 0

22 days ago

Download

趁展覽最後兩日把握時間去咗睇 🔙 《後退風景》 @wongmeiyin @galleryexit 一開始踏入展覽嘅時候望住一塊塊同樣大小嘅畫作🖼️ 雖然唔係繪畫緊同一個地方/城市但莫名有一種連貫睇住窗外風景略過嘅感覺🚄 睇到香港相關嘅作品嘅時候會不自覺去估到底係畫緊咩地方想嘗試從建築、天橋等蛛絲馬跡去猜測🏙️ 同時又會覺得好神奇每個城市嘅風景都彷彿有自己嘅「身分證」一睇就會認得出係自己熟悉、去過嘅城市🇭🇰 睇完展覽之後搭咗一條未搭過嘅巴士路線🚌 坐咗一個鐘頭多啲由田灣搭咗去筲箕灣望住車窗外嘅風景突然諗起：有啲景色係坐喺車上、列車內先見到的可能係因為根本就無得俾人行嘅隧道、高速公路可能係就算行喺同一條街上都唔同視線level 可能係車窗賦予咗一個觀賞嘅畫框令景色變得不一樣好似搭咗一程車嘅睇展體驗💨 分享幾張特別喜歡嘅作品🩶 雖然展覽得返最後一日但都想分享一下💫 🔙 《後退風景》 📍 @galleryexit （香港仔田灣大生工業大廈3/F） 🎨 @wongmeiyin 黃美賢 📅 展期至4月25日（12-6pm） 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong 📸 Fujifilm X100-F #香港 #香港展覽 #藝術展覽

29 1

22 days ago

Download

📍悦和醬園 @yuetwo1945 之前終於報到 @hongkonghistoricalshops 嘅導賞團，有機會參觀另一間喺古洞䇄立多年嘅香港醬園！創於1945年嘅悦和醬園，早年廠房設於荃灣（而家荃灣都仲有門店！）後來因為政府要發展荃灣新市鎮，就搬咗去古洞。悦和而家由第三代傳人接手，呢幾年都見到佢地同其他品牌合作整新產品，亦都緊貼住最新嘅宣傳手法✨ 除咗豉油之外，悦和醬園更加有製作唔同嘅醬料、醋同獨家釀製嘅酒（係少數有埋酒牌嘅醬園）雖然古洞收地發展，但悦和依然諗住繼續喺香港設廠，所以呢幾年都一直努力覓地搬遷，但呢個過程並唔容易。好欣賞老闆堅持「香港製造」，努力保留呢四個字背後代表住嘅品質保證，希望佢哋盡快能夠搵到合適嘅地方，延續呢個香港製造嘅醬園🇭🇰 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong 📸 Fujifilm XT-5 #悦和醬園 #yuetwo1945 #古洞 #香港 #香港製造

21 0

27 days ago

Download

🎏 茶果嶺村的最後時光上年年尾再去咗一次茶果嶺村同一年前相比已經再冷清咗好多近油塘個邊亦已經開始咗清拆工程好似空咗一忽咁茶果嶺村至今已經有400年歷史係碩果僅存嘅寮屋村落之一亦係「九龍十三鄉」僅餘三條仍然未拆曬嘅鄉村（但黎緊茶果嶺村同牛池灣村拆埋之後就只剩鯉魚門村）喺村入面偶爾仲會見到一兩隻貓🐈‍⬛閒逛曬太陽☀️ 亦有幾間店舖堅持營業到最後一日喺進一步收地拆村前留低一份記錄希望以後仍會有人記得茶果嶺呢個地方! 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong 📸 Fujifilm XT-5 #茶果嶺 #茶果嶺村 #寮屋區 #香港歷史 #香港

26 0

1 month ago

Download

📍78年老字號廣德隆醬園位於古洞嘅廣德隆醬園，係其中一間因為古洞地發展而決定光榮結業嘅醬園。喺醬園結業前有幸參加咗 @traveltailor.hk 嘅導賞團，先發現原來廣德隆一直使用完全天然生囇嘅方法製作醬油！☀️ 相比起市面上大牌子使用化學方法製造醬油，傳統方法往往都需時數月，亦都受天氣因素所影響。呢種慢工岀細貨嘅方法，喺嗰個效率嘅香港已經買少見少。因為全部伙計都年紀老邁，所以今次收地都已經決定唔會再另覓地方開廠，但就會留到最後一刻❤️‍🔥 參觀嘅時候見到佢地全部都好chill，我哋參觀完嘅時候佢地已經準備好收工😆 醬園入面嘅每一件工具、記帳簿、醬缸、醬油包裝、各樣陳設都好似停留咗喺過去嘅時空。臨走前都特登買咗佢哋出品嘅豉油同麵豉返屋企🏠 希望「香港製造」嘅故事可以一直延續✨ 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong 📸 Fujifilm XT-5 #古洞 #廣德隆醬園 #旅遊製作 #導賞團 #香港製造

25 0

1 month ago

Download

🕰️ 中電鐘樓文化館唔知大家搭車經過亞皆老街嘅時候有無留意到呢座紅磚鐘樓呢？中電鐘樓係1940年落成前身係中電總部 2018年被評為一級歷史建築而家就做咗有定期展覽、導賞嘅博物館參加過何文田社區同加多利山嘅導賞都係好難得好豐富嘅分享！不過今年2月起文化館因為內部裝修暫時關閉到年尾希望開返嘅時候有機會再參加佢地嘅活動🤎 同大家分享裝修前嘅中電鐘樓文化館期待新面貌✨ 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong #中電鐘樓文化館 #CLP #clpulse #中電 #香港古蹟 @clpulsehk @clphk @hongkongheritageproject

9 0

2 months ago

Download

1月頭去咗喺M+嘅展覽: 「身臨夢境：1950年代至今的女性藝術家環境作品」🪶 第一次除住鞋又爬又攤咁睇展覽🧦 好欣賞展覽囊括咗好多以前曾經喺唔同地方展出過嘅裝置藝術而每一件作品都係鼓勵緊大家開放五官去感受係一場難忘嘅多重感官體驗🤍 會聽到莫名心煩嘅噪音、踏入滿屋軟熟嘅羽毛、平躺喺熟悉安心嘅床墊、探索幽暗嘅身體歷程🌈 我哋都喺定型中探索發現時而接納時而掙扎🫶🏼 雖然展覽已經結束但係好想同大家分享少少片段✨ 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong #M+ #香港展覽 #westkowloon #西九文化區 #藝術展覽 @mplusmuseum @haus_der_kunst

8 0

3 months ago

Download

近日去咗西九睇咗呢個古埃及文明大展──埃及博物館珍藏，呢個展覽係由香港故宮文化博物館同埃及最高文物委員會聯合主辦。展覽展岀咗嚟自七間埃及博物館嘅250件文物展覽分為「法老的國度」、「圖坦卡門的世界」、「薩卡拉的秘密」同「古埃及與世界」四個單元，分別介紹咗埃及嘅政治、信仰、文化習俗等唔同嘅面向，展期去到8月31號！建議趁平日朝早人少啲嘅時候去！星期二休館！ 📅:即日至2026年8月31號 🕦:星期一、三、四、日：上午10時至下午6時星期五、六及公眾假期：上午10時至下午8時星期二（公眾假期除外）、農曆年初一及年初二休館 📍:香港故宮文化博物館展廳9 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong @westk.hk @hongkongpalacemuseum

11 0

3 months ago

️山海·古今@hkcoastaltrailchallenge , M & J | Hong Kong#HongKongCTC #HKCTC202526 #香港島環島徑挑戰 #香港

Download

⛵️山海·古今 @hkcoastaltrailchallenge 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong #HongKongCTC #HKCTC202526 #香港島環島徑挑戰 #香港

10 0

4 months ago

Download

1842年創立嘅新藝城，喺剛過去嘅除夕正式結束營業。 1950年代開始，喺深水埗一直用雨傘為街坊遮風擋雨，除咗售賣雨傘之外更加提供維修服務。有時候爛咗嘅嘢都唔一定要即刻棄置，而係可以維修再用，甚至可以有second life。非常欣賞第五代老闆威哥嘅匠人精神，能夠喺呢個速食文化盛行嘅年代，繼續堅持品質，實在唔容易。但願呢份精神繼續流傳落去。喺呢度謹祝老闆身體健康，生活愉快🫶🏻 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong #新藝城 #新藝城傘皇 #香港老舖 #深水埗 #街坊小店

11 0

4 months ago

Download

🐈 香港職貓由以前商店會放隻舖頭貓幫手看舖捉老鼠，到而家大家會將舖頭貓叫做「貓店長」，甚至會有關注組、fans page同貓店長選舉，舖頭貓唔單止係一份「貓職」，而係一份陪伴同連繫。佢哋有時喺棚頂監視住舖面，有時攤喺當眼位置求關注，有時就匿埋喺檯底凳腳休息，有時仲會行出舖頭外面散步曬太陽，每次經過都總會以唔同嘅姿態遇上，而唔同舖頭生活嘅貓貓都彷彿有唔同嘅性格。分享幾張喺展覽見到嘅貓店長，又有無你地熟悉嘅貓影呢🐈‍⬛ 🐱「香港職貓」相展 📸 @hkreminiscence 📅 至12月31日 🕑 12:00-19:00 📍 不二：藝術空間 @noii.arthouse （深水埗醫局街170號二樓）*需預約到訪 p.s 展覽空間喺一座1910-20年代嘅唐樓入面，仲可以睇到當年嘅手繪地磚同金字頂設計，睇展嘅時候記得留意一下✨ 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong 📸 Fujifilm X100-F ｜ Fujifilm XT-5 #香港 #香港展覽 #攝影展 #舖頭貓 #貓店長

18 0

4 months ago

Download

而家嘅西區社區中心前身係1922年落成嘅贊育醫院。贊育醫院由華人公立醫局委員會設立，係一間專為華人婦女而設嘅產科醫院。正門仍然保留住「好生之謂得保赤以為懷」嘅對聯，表明咗呢度作為產科醫院嘅用途。除咗提供婦產科服務之外，呢度更加培訓咗第一批嘅華人助產士！1955年贊育醫院就搬咗去附近嘅醫院道，而呢個舊址喺1961年改為社區中心，租用比唔同嘅社會團體，繼續為區內嘅市民提供服務。今次有幸參加到古蹟周遊樂嘅導賞團，參觀咗內部嘅旋轉樓梯結構、其中一間可以俾大眾租用嘅活動室同埋連接住舊職員宿舍嘅天橋。非常感謝當日嘅導賞員，好專業咁同我哋深入淺出咁介紹咗呢個地方。話俾大家聽一個小彩蛋，社區中心向住第三街嘅出入口保留咗一個舊款紅色嘅圓形郵筒，都算係幾罕有！大家去參觀嘅話記得睇埋呢一個郵筒！ @hkheritagelive 𝙬𝙖𝙣𝙙𝙚𝙧 𝙢𝙤𝙧𝙚, 𝙬𝙤𝙣𝙙𝙚𝙧 𝙢𝙤𝙧𝙚 💭 M & J | Hong Kong 📸 Fujifilm XT-5 #香港 #香港古蹟 #古蹟周遊樂 #古蹟 #西區社區中心 #贊育醫院 #贊育醫院舊址 #贊育醫院古蹟 #古蹟建築 #古蹟導覽 #長春社文化古蹟資源中心 #長春社 #西營盤 #社區 #社區中心

11 0

5 months ago