Ola amig*s,
este cartel estupendo do concerto é obra do artista
@rubendomingvez , quen de cando en vez deriva en
@ulopantis , así que as outras participantes que somos
@_clo_plas_ imos aportar a literatura.
Ás veces esquecemos que a nosas lembranzas non son un arquivo fixo nin unha copia do que aconteceu e teñen que vir os ritmos electrizantes, os sintes envolventes, a voz espacial e a escrita co corazón na boca de Pantis en ‘Memoria nova’ a recordárnolo. Afundimos no seu “río doente de pasados e futuros” pero emerxemos máis posibles, máis abertas.
Este disco que presenta Rubén é luminosamente escuro e o directo crepita. É coma un eclipse de luces largas onde pode cheirar a roda a queimada porque o de San Vicente no escenario leva o lume dentro.
Clo Plas tivemos xa a sorte de acompañalo este inverno na estrea que montou na Casa da Cultura do seu lugar natal e foi precioso ver aquel sitio convertido nunha especie de
@acefala por unhas horas.
Agora volvemos con el ao que xa é o lugar no que máis veces tocamos nós. Como mostra de amor e respeto a este feito estamos preparando un bolo un pouco diferente aos que fixemos aí ata agora ;)
Se queredes acompañarnos este 10 de abril tedes que escribir a
[email protected] e a doazón será de 10 euros.
Temos moitas ganas de estar aí berrando canda vós ‘Aire, aire! Aire, aire!’
