非常社區 Space+

【非常社區學堂——公開課招募 第三彈📢】申請場地牌照嘅秘訣係？！ 成日有社福朋友嚟問我哋：「幾時再搞社區節呀？」、「我哋中心都好想喺公共空間搞多啲活動🥳，可唔可以分享前4屆社區節嘅場地申請經驗？」 你就係個位「社福朋友」？咁就啱喇！😎 係今次嘅工作坊，我哋會同大家「大揭秘」！（Juicy Juicy👀）對以下題目感興趣✨，記得報名我哋嘅「場地牌照實戰工作坊」喇！ 🌶️ 以往4屆社區節，場地申請係點樣傾得成？ 🌶️ 我哋遇過乜嘢疑難雜症？ 🌶️ 搞活動需要申請幾多個牌照？ 🌶️ 要預幾多時間申請？ 🌶️ 係咪要畀好多錢？ 🌶️ 9月社區節想join！點展開合作？ 除咗齋聽，仲有Q&A環節，開放即場問問題！🔮係咪即刻自信心都返曬嚟🤓，心郁郁想搞返個活動呢？搓一搓期待嘅小手仔🫸🏻🫷🏻。 機會嚟喇！💜 到時我哋會介紹今屆沙田區「非常社區節」嘅活動場地同詳情，誠意邀請沙田區社福朋友，成為我哋嘅合作夥伴，一齊實踐地方營造，社區見！ 節目內容太豐富，拿拿聲諗定個9月小企劃先！🤩 ▼ ▼ 「場地牌照實戰工作坊」 ▼ ▼ 日期：6月25日（四） 時間：晚上7時-9時 地點：沙田區（地點將於活動前一星期通知） 對象：非牟利機構（沙田區優先，每個團體最多兩位成員參加） 按金：$100（於活動完結後全數退還） 截止報名日期：6月15日（一） 報名按此：（link in bio） ——————————————— 📍 𝑭𝑶𝑳𝑳𝑶𝑾 𝑼𝑺 📍 了解更多地方營造及公共空間議題💚！ 非常香港：@veryhongkong 非常協作： 非常社區：@spaceplushk 樓下：@lauhaa_hk 「非常社區」由非常香港主辦，何鴻毅家族香港基金贊助 。

【 非常社區學堂——公開課招募 第二彈📣！！】 如果你有一個空間，你會用來做甚麼？🐥 會對外開放嗎？會害怕倒閉嗎？😆 近年來沙田正經歷著微妙的「新舊更替」，七、八十年代的新市鎮發展為沙田人帶來安居樂業的環境✨。如今過了半個世紀，面對圍村文化保育、傳統設施及服務固化，我們應往哪裏走呢？🫧最近香港常常提及社區中心功能轉型，我們該如何嘗試溫柔的打破「中心」圍牆，營造一個真正舒服、有機的社區聚點，讓更多可能性發生？💭 ▼ ▼ 「 真 · 社區人圖書館 」 ▼ ▼ 今次真人圖書館邀請了四個社福機構分享活用空間的攻略📢，以下逐一介紹✨～ ▷ 生活書院 ☘️ @schoolofeverydaylife 生活書院紮根社區多年，2021年從大埔搬到屯門一間前身為佛教幼稚園的合院空間。生活書院多年來策動各種生命、文藝及食農等教育項目，如生活行者、社區暖太郎等，旨在鼓勵更多朋友探索自己、連結社區。多年來不少街坊得到療癒和啟發，選擇成為義工繼續實踐「共學共好」。 🔥 期待爆料： 1️⃣知道原初書院坐落在大埔，進駐屯門時有經歷陣痛期嗎？ 2️⃣想請教如何能夠吸引不同世代嘅街坊持續地參與，在營運空間上有什麼小技巧/心法去平衡不同年齡層的街坊需要？🤓 ▷ 貫文空間 📷 @koonmanspace ​荃灣川龍除了茶樓和西洋菜田，還有一個由村校改建而成的「貫文空間」！🌱貫文空間近年展開「川龍視覺誌」研究，邀請各專家夥伴，以攝影、整理文獻和口述歷史等方法介入社區，力求建立一個屬於川龍村的綜合視覺資料庫。 🔥 期待爆料： 1️⃣攝影師點樣收集故事，建立資料庫？很想聽聽怎樣打開村民的口，令他們分享故事？和村民合辦過哪些很好玩的活動？ 2️⃣如何轉化地方特色，吸引更多人認識川龍土地孕育的故事和生態智慧？🫧 ▷ 轉角 🎨 「轉角：」計畫近年策動了導賞團、藝術裝置、搭建臨時遊樂場和舞蹈劇場等系列活動，以藝術遊走社區。透過藝術這顆種子，在大角咀播下關於連結、想像與共構的可能，造一場關於地方營造的集體實驗🪴。 🔥 期待爆料： 1️⃣有人形容大角咀是性格特殊的社區👀，什麼都能找到又什麼都收收埋埋🦔。很想知道轉角為什麼選擇在大角咀策動項目？ 2️⃣在不同的公共空間走出走入有遇到困難嗎？那些散落在社區的藝術裝置後來怎樣了？ ▷ 舍區 🫱🏻‍🫲🏼 @quarryside.hk 在鰂魚涌海濱旁的糖廠和造船廠舊址 ，搖身一變成為讓創意成為日常的開放空間。舍區定期策劃以健康、社區及永續生活相關的活動，亦支持不同的文藝團體租用場地舉辦活動。由此，不只街坊，很多朋友也透過參加形形式式的活動認識舍區🌻。 🔥 期待爆料： 1️⃣多用途創意公共空間在香港並不常見，像「場主」般對外開放更是罕有🦾，在營運初期有遇到意想不到的難題嗎？ 2️⃣能夠持續與不同機構共同協作，尤是商界合作，共同凝聚社區是一大學問。當中是如何暢順對接「空間理念」與「對方需求」，轉化為可持續的社區參與模式？😆 日期：5月21日 (四) 時間：晚上7時 - 9時 地點：沙田區（成功報名後通知地址） 分享機構：生活書院﹑貫文空間﹑轉角及舍區 按金：$100（於活動完結後全數退還） 報名按此：https://forms.gle/UBFVNrVzNghmeFQr8 (link in bio) 歡迎有興趣了解空間營運同社區工作嘅你參與交流💜！ ——————————————— 📍 𝑭𝑶𝑳𝑳𝑶𝑾 𝑼𝑺 📍 了解更多地方營造及公共空間議題💚！ 非常香港：@veryhongkong 非常協作： 非常社區：@spaceplushk 樓下：@lauhaa_hk 「非常社區」由非常香港主辦，何鴻毅家族香港基金贊助 。

【「非常社區」學堂（沙田區）💜：從 Sim City 學習讓社區「聲細細」嘅聲音被聆聽🐥】 學堂頭兩堂，學員先簡單認識來自不同沙田區社福機構嘅小夥伴，一齊玩 Sim City 初步認識城市規劃。純玩？梗係冇咁簡單！ 😳VeryHK team 特登設計符合沙田語境嘅「非常城」，非常城就像沙田咁，早期發展新市鎮，而家開始日漸老化👴🏻👩🏻‍🦳。好多人第一時間諗到嘅解決方法就係「重建」、「活化」......唔通事情真係咁快就解決到？ 🚩學員任務：表決「將原本用途單一嘅河道，打造成親水文化區」活化動議 💡抽到「居民根叔」角色卡嘅學員知道活化之後買餸會方便啲，即刻聲大大📢，率先發力遊說其他人支持，仲替他人解難。例如，抽到「茶餐廳老細」嘅學員話擔心工程搞好耐影響生意👉🏻👈🏻，根叔就話活化完之後生意會更加好。似乎所有活化過程遇到嘅壞處，都可以被根叔化解👀。 過程中大家越嚟越投入，講出一啲角色卡都冇嘅資訊。「社區導賞員」林太開口驚人，問大家知唔知四大文明嘅起源都係始於「河流」🌊，所以活化令到河流成為凝聚街坊嘅地方，應該係所有人都樂見！！😎上升到呢個哲學高度，唔少學員被策反🙈🙈🙈。 最後活化動議成功以小數服從多數，高票通過yeahhhh🍻有人歡喜有人愁，只有「龍舟隊隊長」賣慘失敗total loss，活化之後冇得扒龍舟啦🥲🥲🥲 ▹ 透過遊戲，我哋可以見到城市規劃嘅大概形狀。學員喺過程入面逐漸意識到...... 🔮 立場嘅偏差，係對話嘅開始！ 無論係兒童、學生、師奶、阿伯，所有人（連河道條魚）都有Say！😎每個人發表嘅意見立場都唔同，想法有好大偏差係好正常🤓，慢慢來~我哋唔急於抹平偏差，因為「衝突」正正反映社區最真實嘅渴望！ 🔮 總有啲人係聲大大，蓋過其他人。🤦🏻‍♂️ 知道大家有乜嘢意見，先可以考慮大家嘅需要。🤝所以，做地方營造工作時，要細心留意討論嘅張力，搭建平台同機制令「聲細細」嘅人🐥都願意發聲！ 🔮 少數服從多數下，總係有「輸家」？ 遊戲中雖然高票通過，但龍舟隊長嘅遺憾提醒了我哋規劃並非數字遊戲🤖。多數人的共識不等於絕對的正確，少數人所珍重嘅事物都值得被重視。尋找最大公約數同共存空間，係地方營造工作者嘅智慧同畢生學習的課題🦆！ ▹ 🤖下個回顧同大家睇真啲，點樣發掘社區資產，透過留意社區嘅「人、文、地、景、產」，更細水長流地回應社區需要！🦆 💌最新消息：學員已組隊，約埋夜晚食飯傾計🍻，期待會揼出好玩嘅沙角提案！💜💜💜💜 ——————————————— 🤨有關「非常社區」學堂：搞地方營造......公共空間同社福服務有咩關係❔ 由社福服務去到地方營造，其實「公共空間」係好值得發掘嘅寶藏🎂。我哋嘅學員們（社福同工）成日拍住街坊喺centre搞活動。如果可以多加利用公共空間😏，帶街坊探索社區咁咪無敵🤝？於是，同學各位找個位！「非常社區」學堂上堂喇！🥳 ——————————————— 📍 𝑭𝑶𝑳𝑳𝑶𝑾 𝑼𝑺 📍 了解更多地方營造及公共空間議題💚！ 非常香港：@veryhongkong 非常協作： 非常社區：@spaceplushk 樓下：@lauhaa_hk 「非常社區」由非常香港主辦，何鴻毅家族香港基金贊助 。

【非常社區（觀塘區）｜地膽X上班族の火花💥♡正片登場！♡】 之前睇完預告，大家係咪期待咗好耐正片呢？🥳收到你！🫡 即刻同大家揭秘上年深受大家喜愛嘅非常社區節，背後發生了......(⁠◍⁠•⁠ᴗ⁠•⁠◍⁠) 時光倒流社區節前十個月！✨✨十個月可以有咩變化？學員每星期放工後，辛苦抽時間到學堂學「地方營造」、揼社區節提案又係為咗咩？我哋一齊跟隨 2 位學員「捐窿捐罅」，解鎖佢哋眼中嘅觀塘啦！ 📍 Wilson｜從政府文件睇觀塘嘅上班族 由大西北走入順利返工嘅 Wilson，因為工作需求，不時研究政府文件🤓。久而久之，Wilson 發覺自己可以宏觀地從一片片地盤，大致拼砌出觀塘社區嘅未來🫧。但講到地方營造，Wilson 就微觀地睇，覺得社區印象其實係回憶嘅累積，好似拍拖咁！💕 有人話工作地係第二個家，喺觀塘返工耐到可以拎「觀塘永久性居民身份證」嘅Wilson又點睇呢？ 📍 Celine｜重新認識觀塘嘅地膽 🩴 喺觀塘土生土長嘅 Celine，經歷學堂後反思自己因為平時「點對點」生活、太熟悉同習慣同一片風景，有時會選擇忽略社區細節👀。不過，原來只要浸得耐，微小嘅社區故事、生活習慣，例如識得走秘道避開陽光💛，無處不反映自己的確係「地膽」呀！ 對於今次旅程，Celine 喺度諗社區工作應唔應該「結果為本」、唔夠時間建立關係點算？🤔 📍Very Hong Kong｜我哋覺得呢...... 講到底，社區工作係「人」的工作。社福同工用咩視覺同心態持續介入社區，社區就會以我哋想邁向嘅方向變化。所以，今趟旅程就想陪住大家轉個角度，再睇一睇社區。而 Celine 同 Wilson，佢哋喺呢趟旅程解鎖咗一個點樣嘅觀塘呢？🤩 去片！🔜 —————————————————— 💚 非常社區｜搞乜東東？ 2025 年 5 月，「非常社區（觀塘區）」正式發動！🕺🏻 40 位熱心學員同改造師從零開始，喺觀塘區公共空間深度冒險。🕵 經過大半年腦力激盪，上年 11 月嘅「非常社區節」，佢哋將觀察化作提案🧐，用創意回應樂華邨街坊最純粹嘅回憶同願望。🎊 —————————————————— 📍 𝑭𝑶𝑳𝑳𝑶𝑾 𝑼𝑺 📍 了解更多地方營造及公共空間議題💚！ 非常香港：@veryhongkong 非常協作： 非常社區：@spaceplushk 樓下：@lauhaa_hk 「非常社區」由非常香港主辦，何鴻毅家族香港基金贊助 。

【娛樂城係沙田人禁地？】 大家覺得沙田娛樂城係一個點樣嘅地方？👀有朋友話媽咪唔俾佢去咁「雜」嘅地方💥、有朋友中學時期鍾意玩機舖，但係唔夠膽搭𨋢往上探索🦔。 睇返娛樂城嘅演變，由大家覺得以前好多古惑仔、到經歷戲院倒閉、教會進駐，中間發生嘅事情好似無可奈何🙂‍↔️，但其實係呢個城市同居民一同經歷唔同階段嘅結果🤝。 當一個地區居民平均年齡唔夠30歲，一棟充滿娛樂設施、「狂野浪漫」嘅草根場所理所當然地受歡迎！✨✨而設施變舊，新城市廣場落成，街坊轉移陣地出去玩，到而家個個注重健康，開247也是很自然🐥，亦證明一件事情：建築嘅靈魂唔係設計，係「人」！！係居民同時間共同協作，滿足需求嘅產物。 睇完post，你對娛樂城有咩想像💡，會想前往探險嗎？🥳沙田地膽又有冇耐人尋味嘅回憶，歡迎留言分享！🤓 —————————————————— 📍 𝑭𝑶𝑳𝑳𝑶𝑾 𝑼𝑺 📍 了解更多地方營造及公共空間議題💚！ 非常香港：@veryhongkong 非常協作： 非常社區：@spaceplushk 樓下：@lauhaa_hk 「非常社區」由非常香港主辦，何鴻毅家族香港基金贊助 。

社區好好玩！Ep. 2：吹波膠🫧 → 柔光濾鏡 ✨ 最近 CCD 相機風潮咁勁，有冇諗過靚靚濾鏡喺文具舖只係賣緊幾蚊？ 落街唔知玩咩好？不如試吓「吹波膠」！以前細個超鍾意玩（雖然聞落覺得有毒🙈）。估唔到大個發現咗新功能→「手動柔光濾鏡」💕。只要對準鏡頭，平平無奇嘅屋邨走廊、公園，即刻多咗層夢幻嘅朦朧感，懷舊感 Level Up！ 以前覺得地方營造好難，好似要放曬煙花咁大壇嘢🎆。今次喺沙田圍沙角邨玩吹波膠，發現日日行過嘅樓下原來可以停低玩！🥳嘻嘻，只要打開眼睛觀察社區肌理，加少少創意👀，就會發現實踐地方營造可以由好簡單開始🤸🏻‍♂️。 你對上一次玩吹波膠係幾時？🫧快啲send俾朋友落街玩啦！

落街唔知有咩好玩？🐥約埋friend就地取材啦！木棉花=無限毽供應👀✨✨

【 非常社區學堂——公開課招募📣!! 】 如果你有一個空間，你會用來做甚麼？🐥 會對外開放嗎？會害怕倒閉嗎？😆 近年來沙田正經歷著微妙的「新舊更替」，七、八十年代的新市鎮發展為沙田人帶來安居樂業的環境✨。如今過了半個世紀，面對圍村文化保育、傳統設施及服務固化，我們應往哪裏走呢？🫧 最近香港常常提及社區中心功能轉型，我們該如何嘗試溫柔的打破「中心」圍牆，營造一個真正舒服、有機的社區聚點，讓更多可能性發生💭？ ▼▼ 「亞洲空間分享改造」 ▼▼ 這次活動邀請了兩位來自馬來西亞和成都的夥伴——李順榮與胡燕子在線上與大家交流🥳～ 𖤘 李順榮 @長頸鹿故事館 來自馬來西亞華人社區，擁有建築設計背景的順榮，由2011年起與在地媽媽和居民一起營運故事館🏡。據說，故事館經營不靠管理員，借還圖書只需在whatsapp通知🫧、看書累了還可以吃東西，不時會舉辦說故事和手作等活動！ 順榮將分享故事館的運作、以及在獨立經營下，如何「自由而辛苦」地永續守護這個連接家庭和社區情感的有機空間，孕育屬於地方的文化與記憶🌿。 𖤘 胡燕子 @童年秘密檔案館 藝術工作者燕子，是「童年秘密檔案館」的發起人。她收集了數千份上至百歲老人、小到5歲孩童的的童年檔案，看見每個年代的「關鍵詞」🔍：從 40 年代的「荒饉」、90年代的「獨生家庭矛盾」到 10 後的「虛擬與身份認同」。這些發現應該如何轉化？ 燕子將分享她如何將這些隱形的「秘密」轉化為藝術行動🌻，讓檔案館成為承載集體記憶、支持不同社區朋友發起公共活動（如「自由生長」性教育計劃）的溫暖基地💡。 日期：5月14日 (四) 時間：晚上7時 - 9時 形式：Zoom線上進行 語言：嘉賓會以普通話進行分享 分享夥伴：李順榮（馬來西亞「長頸鹿故事館」館長）、胡燕子（成都「童年秘密檔案館」發起人） 報名：https://forms.gle/UBFVNrVzNghmeFQr8 (link in bio) 歡迎對社區發展、空間營運及社區工作感興趣的你參與交流💜！ ——————————————— 📍 𝑭𝑶𝑳𝑳𝑶𝑾 𝑼𝑺 📍 了解更多地方營造及公共空間議題💚！ 非常香港：@veryhongkong 非常協作： 非常社區：@spaceplushk 樓下：@lauhaa_hk 「非常社區」由非常香港主辦，何鴻毅家族香港基金贊助 。

【沙田人都唔識！點解要搭紅的？】 講起新界，大家腦海應該係 🟢 🟢 🟢。但係喺沙田，明明係新界中心，偏偏滿街都係 🔴 🔴 🔴！如果喺沙田市中心想等綠的，可能等到天黑都未有一架，太震驚了吧？！（畢竟貴幾蚊🫪） 好奇寶寶嘅我即刻搵下資料（碌下Threads同Google），再去考考身邊嘅沙田朋友們！✨✨無意中聽到，有朋友竟然因為唔識分邊界，嫌麻煩而唔搭的士/只選擇紅的？只能說：沙田友少少weak啊！📢 明明綠的，轉眼變成紅的🎶 你又知唔知點解沙田係坐紅的？仲有，原來去某啲地方，綠的係可以接旗㗎！🤩想認識多啲沙田區嘅發展脈絡，想超有自信咁樣喺沙田區截的士？即刻睇睇個post先~~ —————————————————— 📍 𝑭𝑶𝑳𝑳𝑶𝑾 𝑼𝑺 📍 了解更多地方營造及公共空間議題💚！ 非常香港：@veryhongkong 非常協作： 非常社區：@spaceplushk 樓下：@lauhaa_hk 「非常社區」由非常香港主辦，何鴻毅家族香港基金贊助 。

快啲send畀有選擇困難嘅同事同朋友一齊玩啦！💜

落沙田區玩colour hunt，邊個影得最靚？揀紫色投降輸一半？留言話畀我哋知啦💜💜 #非常社區 #colourwalk

【有一種安全感，叫 $4 蛋撻 🥧】 有人話曲奇皮先有口感ʘ⁠‿⁠ʘ，有人話酥皮先係靈魂(⁠✷⁠‿⁠✷⁠)。但當佢只賣…… $4 蚊一件？唔好意思，小編選擇障礙症即時痊癒：我全都要！💸 點解無啦啦返下工去咗食蛋撻？事源同乙明街坊傾傾計，🙋🏻‍♂️伯伯：「附近幾條邨啲街坊都喺過嚟我哋呢度買包食㗎！」（超自豪樣） 今時今日喺香港，連搭程車都過 $4 啦🚌，竟然仲有小店物價好似停留咗喺 10 年前咁？有啲幸福✨~~ 其實，「物價」呢樣嘢，其實反映嘅唔止係錢，仲係我哋對一個地方嘅「安全感」🤸🏻‍♂️同「歸屬感」🍚。屋企樓下，仲有一間好似「家囍餅店」咁嘅小店，做街坊嘅「社區補給站」，承載住社區不同階層嘅生活，正啊！(⁠ ⁠ꈍ⁠ᴗ⁠ꈍ⁠) 大家食開曲奇定酥皮蛋撻？請留言！💜 —————————————————— 📍 𝑭𝑶𝑳𝑳𝑶𝑾 𝑼𝑺 📍 了解更多地方營造及公共空間議題💚！ 非常香港：@veryhongkong 非常協作： 非常社區：@spaceplushk 樓下：@lauhaa_hk 「非常社區」由非常香港主辦，何鴻毅家族香港基金贊助 。