Afondamos con Montse Piñeiro na súa fascinación polo analóxico e a importancia de recuperar a ollada curiosa sobre o funcionamento físico do mundo.
Unha aposta pola técnica artesá que foxe da sobreestimulación dixital para reivindicar o aburrimento, a observación da natureza e a introspección como as fases necesarias onde realmente quenta o motor da creatividade.
A artista tamén comparte a súa visión sobre a democratización da cultura co seu proxecto Lanterna Máxica, unha iniciativa que busca levar a cultura a calquera recuncho fóra das grandes cidades. Monste defende unha arte accesible, capaz de facerse sen grandes medios técnicos pero con moito impacto emocional.
Unha conversa inspiradora que podes saborear aquí e desfrutar completa na túa plataforma favorita.
📸 @_rlede
Entrevistamos a Montse Piñeiro (@montsepinheiro ), artista plástica e creadora escénica.
Unha conversa que nos ensina que a arte é unha ferramenta fundamental para facer do mundo un lugar un pouco máis amable.
Finalista da «Bolsa ensaia» en 2024 polo seu talento e capacidade investigadora, fálanos sobre a importancia de habitar o aburrimento para cultivar a creatividade.
Xa dispoñible 💧
🎤 @cintiasalido_
📸 @_rlede
Quen protagoniza unha novela mariñeira?
Nerea Pallares comparte o punto de vista das que tecen rede, comunidade, coidados e son sostén na sua premiada obra «Punto de araña».
Escoita a conversa completa no noso podcast «As follas novas».
Adestrar a mirada para descubrir a fascinación no que nos rodea. Esta proposta de Nerea Pallares quédanos gravada.
Exploramos a épica do invisible e a importancia de soster o relato das mulleres dende a cotidianidade coa autora da exitosa novela «Punto de araña», que invita a manter vivo o tecido social da nosa costa.
Xa podes escoitar a conversa completa nas plataformas e desfrutar deste resumo visual grazas ao traballo do gran Ricardo Lede.
| Agradecemento especial a @librerialibrouro
Unha sorte escoitar a unha das voces máis xenuínas e potentes da narrativa galega actual: @nerea_pallares
A través da súa obra, convídanos a desacostumar a mirada para descubrir o misterio e a fascinación que se agochan no que damos por feito.
Coa sorte de coñecela por ter sido finalista da «Bolsa ensaia» en 2023 polo seu talento investigador e literario, fala da épica do invisible. Premio García Barros en 2025 coa obra «Punto de araña» que está a traducirse a cinco idiomas, invítanos a entender a escrita como un acto de amor destinado a impactar positivamente no mundo.
Corenta minutos de agasallo que xa podes desfrutar na nosa bio💧
| Entrevista: @cintiasalido_
| Foto: @_rlede
| Agradecemento: @librerialibrouro
Unha deseñadora que, máis alá das xoias, representa unha declaración de intencións dignificando cada residuo rescatado para devolverlle o seu valor como parte da nosa historia colectiva.
Nesta reportaxe descubrimos a unha deseñadora e artesá que entende que a verdadeira innovación nace de respectar a memoria mariñeira e o impacto directo que cada peza ten no medio que habitamos.
A través da súa mirada fuximos da negatividade para abrazar un activismo que celebra a capacidade de atopar tesouros onde outros ven abandono. Unha lección de orgullo e de pertenza que nos lembra a importancia de crear desde a identidade e desde a casa.
Xa podes mergullarte nesta viaxe desfrutando da conversa completa na ligazón do noso perfil.
📷 @_rlede
🎤 @cintiasalido_
💎 @lixo.atelier • @mariadedina
O lixo non existe cando a mirada é a de María Candamo.
Hoxe en «As follas novas» visítanos unha das deseñadoras máis xenuinas da terra que, co seu taller de Louro deseña pezas únicas que, por riba de todo, teñen a capacidade de transformar o residuo en tesouro, demostrando que unha rede abandonada pode conter toda a alma do noso océano e a memoria da nosa cultura mariñeira.
Nesta conversa descubrimos unha filosofía que racha cos esquemas tradicionais e afondamos no seu xeito de entender o deseño como unha ferramenta para darlle un propósito as pezas. Un encontro sobre o orgullo de pertencer a unha terra e a maxia de converter o que o mar bota fóra nunha linguaxe artística que preserva a nosa cultura.
Xa podes escoitar o novo episodio na ligazón que tes no noso comentario e mergullarte nesta lección de deseño, de activismo e de vida tan ben retratada pola nosa presentadora Cintia Salido e polo noso fotógrafo Ricardo Lede.
