Eric

2026.03.15 追夢時光 音樂劇計劃 - 總結演出 話說小弟其實都幾鍾意音樂劇，上年睇到宣傳元朗原來有音樂劇搞喎，就mark實佢個報名時間報嚟試吓啦。好耐之前都有玩合唱團搞嘅musical做群眾跳下舞，今次玩嘅劇就好好咁俾我哋每位參加者都有講對白嘅機會，不過做戲呢壇野真係好大壓力，講野速度要適中、咬字要清晰、入場timing等等好多學問，雖然台詞得幾句但係都夠炸爆個腦🤯上戲劇堂嘅時候Calvin 帶嘅戲劇訓練好好玩，不過我啲轉數唔夠快，即興創作真係搞唔掂😂但又有種接觸新屎坑嘅感覺，感受下咩叫導演未叫停都要將個情緒延續落去，睇到其他同學嘅創意同反應呢下都幾佩服，有人帶住我做戲成件事即刻放心好多😬 黎玩musical最想做嘅就係跳舞呢part，睇就睇得多，真係自己落場又跳又唱都幾難handle。4首歌入面最鍾意All for one，唱完呢首唔好講笑真係索晒氣🤪然後仲要好快出場接對白，原來musical就係咁😬😬😬另外好開心Annie 幫我哋排What is this feeling電影入面果隻舞，當然係簡單版，但都心滿意足！ 我發覺我哋班啲同學真係好犀利，dress run仲未順嘅嘢上到台全部得左，起碼成個作品都叫冇咩甩漏完完整整咁表演出嚟！好慶幸有你哋一齊練習，Gladys 都好有耐性咁除咗唱歌之外仲幫手睇埋成個畫面嘅流暢度，上堂都驚架，鬼叫你練得唔夠熟咩🫣 前排俾人話個人又削左，次次上堂跳親都出晒汗証明真係有認真練架🤪多謝晒有黎支持嘅朋友，引到你哋笑已經覺得成功左😂終於放低左呢塊心頭大石，我當完左夢架啦🤩係度放附上少少rehearsal 片自己留念，好想快啲有片睇on show做成點😬 #musical #追夢時光 #表情管理0分 #完show謝到個樣冇表情

2026.04.02 St. John Passion St. Dominic‘s Church 玫瑰聖母堂 自從聽過西敏寺嘅choral service, 一直念念不忘喺教堂聽classical choral works 果種神聖同震撼，仲無聊望下究竟點先有得join😬估唔到今年就有機會喺復活節前去做呢件事。 第一次唱受難曲嘅我真係有種越級挑戰嘅感覺，指揮嘅速度又比預期唔同好多，不過自我調整都係chorister嘅本分嚟嘅，頂硬上😂 第一次入玫瑰堂唱No.1 嘅第一句herrrr 果下真係有啲震撼，原意導賞講係雷嗚般嘅呼求，平時練果陣都覺得冇咩特別，但喺玫瑰堂入面嘅回音令到成件事震撼左十倍，好正！ 練Bach 呢個作品真係好痛苦，但係唱到No.40最後一句，又有種唔捨得嘅感覺，係矛盾嘅，不過放低本野之後我唔會想第時再唱第二次🤪 去呢啲trip好處係平時摺嘅我都有social下，等自己都唔好太抽離，希望第時有機會衝出大灣區🫡 特別嗚謝 @pasuyip 安排餐廳🫶🫶同埋辛苦晒Betty嘅所有安排🫶🫶 #hkphil #moc #macau #stdominicchurch #stjohnpassion

2026.04.05 聲的形狀3.0 頻譜穿梭 結業音樂會 每次返聲形嘅第一堂總會有一種期待，「究竟首歌編曲會係點呢？」「今次會同咩人一齊夾呢？」「形體上會有咩搞作呢？」只能夠講，聲形呢個團隊真係唔會令人失望。 今次有份玩嘅4首歌都係偏輕快同有態度嘅類型，本來以為進階果期已經表演過「last dance 」同埋「世界以痛吻我而我歌唱」，咁形體應該好快搞掂啦，喂sorry，全能型導師 Astrid係幫我哋砍掉重練，不過就係咁先好玩。 歌好快就練熟（辛苦晒新加入嘅同事，你哋真係好叻），所以對我嚟講今次最多嘅時間係用喺思考形體呢件事上面。如果係齋排舞，跳幾十次總會練得齊啲動作，起碼會跟得到個隊形唔好咁突兀。但係形體呢壇嘢真係太多可能性，自己嘅體會係做咩都好似冇錯，不過要做到好睇真係唔容易，而正正呢兩首歌就係需要學習去思考呢件事。例如連簡簡單單行路挺胸都成日唔記得，隻手又要諗點郁先配合到個隊形又唔好擋住自己塊面，仲有唔小心gut起左個law俾隊友發現（機心boy？）。好彩唱果方面我就比較輕鬆，又係咁勁煩地問啲同事點做先好睇，自己今次上台都算比較淡定同享受。 「說走就走」嘅同事們你哋真係好正，其實將每班再分成兩個小組係今次聲形新搞作，所有野都係由組員自己安排同設計。呢首歌真係偏難，仲要望住隔離劇棚組一晚ko 左首歌，好彩cls Friedrich一晚幫我哋吞晒成份譜，寫埋sofa name重新寫返出嚟，仲幫我哋諗好首歌要表達嘅意思同唱法。當然仲有mil mil幫我哋諗好首歌嘅走位同畫面，再加埋大家嘅創意，最後作為節目opening之後嘅第一首歌，我相信我哋絕對係承接到個氣勢，俾到觀眾耳目一新嘅感覺。 呢班隊友真係好犀利，個個都會自chur之餘仲互相幫忙，假都唔放約出嚟加排，最後出嚟嘅效果真係好好睇好鍾意。可惜嘅係自己有好多堂同加排都撞左其他project嚟唔到，其實自己都有內疚。不過隊友們真的好好好好，佢哋係會寫返啲notes 出嚟提要做啲咩，仲會整埋圖同片講解走位係點，到我上返堂仲捉住我講有啲咩新改動，等我嚟唔到都唔會落後得太多，好多謝你哋。 特別要多謝 @astridwt__ 每次嘅提點，當個腦集中左形體表演嘅時候就將聲音忽略咗。有時都覺得驚嘆嘅係，今次係聲形有史以來最多人一班（20人），究竟點先可以照顧到晒每個人嘅聲音之餘，仲可以舞得掂咁多個人嘅排位。總之有你喺度我都就會好放心。 咁快就踏入第三年，1.0嘅我揸住支咪踏上葵青劇院舞台，真係會有種說不出的恐懼。當時 @andrewwmc 原來明白我好驚喺speaker聽到自己把聲，教我去學習適應，面對自己嘅恐懼放膽去唱。到3.0嘅今日，我覺得我應該已經學習到點去做，多謝你。 聲形團隊真係好痴線 Andrew @shape.of.harmony.3 @choisalai @bosco.holy_531 @bronson_.lpc ，呢件事係咁嘅組合可以完成嘅咩？辛苦晒你哋同埋其他台前幕後，我每次都會覺得作為表演者真係一件好幸福嘅事，我會好好珍惜。 每一次嘅聲形結業表演都好似製作一個回憶盒咁，每首歌齊台燈聲嘅機會只有一次，表演過嘅回憶最後都會塵封喺呢個盒入面。希望我以後打返開嘅時候都會記得返，每一次喺葵青劇院舞台上嘅心情，仲有同咁多素未謀面嘅人共同創造嘅回憶。 好開心聲形黎緊會繼續有4.0，終於要同葵青劇院講再見。寫到呢度諗起A班喺ending前唱嘅「約定的夢幻島」歌詞，用呢首歌作結真係好有感觸。 始終我們痛快過 還盡情放肆過 誰又能評論什麼 不管世事再變過 同路行的你 又會拉起我 就由過去過去麼 笑也會過麼 喊也會過麼 只要夢更多 未知仙島我陪你闖過 下年見！ @cys_friedrich @himo____o @savoyvoy @akiwgul_ @winnie.yang.852 @misformargaret @jasmine11242 @mil_milllll_c @__torizzz @melody_lui_ @vancyau @ckm.0_0 @daydream_kt #Yolanda @wkinc @py_har @ansoncyy @ts01336809 @otis.com.hk #聲的形狀3 #shapeofharmony3 #acapella @18d.art #18有藝

2025係好大起伏嘅一年 離開咗一班好同事 去咗睇一直好想睇嘅音樂劇 考到車牌claim到錢 目睹櫻島火山爆發 轉左新工作環境壓力爆煲 認識咗一班好幫得手嘅新同事 學多咗自我情緒管理 唱少左classical choir 唱多咗pop acapella 認識咗一大班鍾意音樂同表演藝術嘅新朋友 認識咗一位好好嘅新導師 去咗非洲睇動物同用肉眼睇銀河 食咗好多好西 唱咗好多好歌 由頭再上一次樂理同合唱理論課 參加左音樂劇體驗班 今年好貪心好多野都想做，搞到同時間報咗好多活動，忙到有少少時間管理失衡嘅感覺，chur 得黎但又真係袋咗好多野落袋。最重要係喺工作同埋音樂上，都認識咗好多對我好好同埋啟發我進步嘅人，呢件事係有少少意想不到嘅。2025過得好充實，2026繼續學習👍🏻 #bye2025 #這章節現在未如意 #繼續去寫要一直試

用背脊唱情歌 @ popcorn Tech 問題？最緊要有神隊友救場🫶 @gimmefivehkg #acapella #用背脊唱情歌 #隊到支咪埋嘴都冇乜聲

逆流之歌 @ popcorn 好正可以唱到RB嘅歌，多謝Vi上次完show講完咁快就編左出嚟！技術問題我支咪嘅聲由細變大，唱得勁辛苦，不過咪當龍舟由遠處游緊過黎都好似幾合理？😂 好笑嘅係我每次都升唔到key 但@ilinngan @benbtse @vivwylam 都仲捉得返我個key😂😂😂 @ansoncyy vp好掂！期待下次再一齊出show，2025終於唱完，2026繼續唱！ 記得follow @gimmefivehkg #acapella #rubberband #逆流之歌 #感激音樂路上遇見的每一位

2025.12.05-06 Brahms - Nänie 今次唱短短十五分鐘嘅《悲歌》，串聯埋近排發生嘅大小事，令到自己對音樂會增添多一份感受，格外沉重。 #感激音樂路上遇見的每一位 #farewell #hkphil #hkphilchorus #人來人往

2025.11.09 聲的形狀3.0 黃昏音樂會 好開心可以返番嚟聲形舞台，一如既往今次嘅黃昏音樂會繼續喺返青衣露天廣場，冇諗過呢日天氣仲有成29度，去到真係一身濕晒🤪 相比起唱歌，今次自己比較花時間學扮樂器聲，對呢方面冇咩研究嘅我真係有啲吃力，但同時都訓練到自己留意多咗嘴形對聲音嘅形響，仲有隊友一齊研究點先做得更似真係好好玩🤟🏻 今次確實試盡晒我嘅full range，由世界以痛吻我而我歌唱入面扮電結他嘅D#5 (hit唔到），到Last Dance 扮double bass嘅Eb2 (落唔到），世界嘅runs 又係我好少練嘅野，last dance超難嘅jazz bass(?)🤯 為咗背佢仲將佢分咗做6種patterns先搞得掂。雖然整體自己execute 得唔太完整，但係好鍾意創意爆棚嘅形體同埋成team呈現出嚟嘅vibe，已經心滿意足！ 一定要多謝 @astridwt__ 花好多好多好多好多好多私人時間每星期個別跟進大家演繹上嘅問題，每堂都針對整體較弱嘅範疇設計class exercise ，分享咗好多扮樂器聲嘅心得俾我，有時都會諗點解你會咁癲可以上通天文下通地理？！ 仲有 @andrewwmc 編得好有feel嘅Last Dance，雖然我每分每秒都呻緊話好難唱，今次表演花最多時間練嘅都係呢首，但其實我都幾享受練習嘅過程，特別襯呢次機會正視返自己低音上嘅問題，多謝你對我嘅信任 今次繼續冇同singing buddies同班，but 你哋嘅無條件support我真係聽到😂😂 @daydream_kt @aresthercheung @tweetylam 📸 @yuen1011 超級有行動力嘅teammates同你哋演出真係好好玩，期待下次一齊上葵青劇院🤟🏻 @ansoncyy @machai302 @ts01336809 #yolanda @cherryfung01 @wkinc #maria @vancyau #hermi @mil_milllll_c @melody_lui_ @jasmine11242 @akiwgul_ @winnie.yang.852 @savoyvoy 仲要特別多謝 @lck._.345 幫我執bass嘅唱法，真係一點就明，有料👍🏻 Plus多謝各位幕後英雄 @shape.of.harmony.3 #聲的形狀3.0 #shapeofharmony3 #終於睇到齊腳嘅半肥瘦live😍 #saliva表演絕對大開眼界 #返唔到choir唱fleming少少遺憾

會再見的 - 馮允謙 See you soon, it’s not a goodbye #會再見的 #jayfung #馮允謙

陳奕迅 - 猜情尋 有冇人記得呢首歌？ #陳奕迅 #猜情尋 #cover

陳蕾 - 空無之地 比原唱快少少會唔會可以有let go嘅感覺呢？ #陳蕾 #空無之地 #cover

陳健安 - 如果世外見 想知有幾多未完憾事🫠 @on_callstar #陳健安 #如果世外見 #世外 #cover