astridWT

學唱a cappella 一段日子後 唔少同學都開始遇到樽頸位 例如： 💡一直都唔識睇譜，要靠聽音樂檔或跟住其他人唱先唱到，所以一冇midi 就會唔識唱 💡識睇少少五線譜，但唔快，音程或者chord嗰啲都唔太識 💡基本樂理都識，但喺a cappella 上就會唔知點樣先叫做「唱得啱」 💡想開始試吓無伴奏合唱編曲，但要打番好個樂理底 💡唔知點樣正確演繹編曲者心目中想要嘅聲音 💡已經組成團體，但練歌時唔知點執，練啲咩好，點樣練 💡明明練好晒，但去到演出一用咪高峰就好似發揮唔到練咗嘅嘢 如果以上都係你嘅心聲，咁呢個課程就好啱你 我哋都係過來人，從多年嘅試煉中一步步走過來 好明白學習a cappella 不同階段嘅朋友嘅心聲 有見及此，Miss Astrid 就將過往認為有助學習a cappella 嘅知識 歷時三個半月寫成今次嘅讀譜心法 叫得做心法嘅都係傾囊相授 而且不論係新手，定係有合唱經驗嘅同學都適合 因為當中包含大量重要合唱概念，並非單純樂理知識就可解決 課程內容： 🌟樂理 Theory (涵蓋：曲風、音階、音程、和弦、調音法等） 🌟視唱練習 Aural and Sight-singing 🌟詳細解構低音 (Bass) 和人聲敲擊 (Vocal Percussion) 在a cappella的作用 🌟不同派別歌唱法的應用 🌟無伴奏合唱與音響運作的關係 上課日期：2025年 9/10, 16/10, 23/10, 30/10, 6/11, 13/11, 20/11, 27/11（星期四） 上課時間：晚上8:00-10:00 上課地點：圍唱音樂 (荃灣灰窰角街12-16號派龍中心 4樓A室) 費用：全期八堂 港幣$2,280 【所有曾參加由Astrid老師教授之任何課堂的學生均可獲九折優惠】 招生要求：適合所有年齡人仕報讀（建議 14歲或以上人仕參加） 收生人數：25人（先到先得，額滿即止） 報名詳情：9月9日上午 10:00 開放報名連結 有興趣參與者，請於10月8日或之前填妥Google form (Link in Bio @countinvocalstudio ) ( ❗️成功遞交報名表不等於成功報讀，我們會在收到報名表的三個工作天內以電郵形式通知報名結果） 查詢： dm @countinvocalstudio 📞 6509 0424 📩 [email protected] 主辦 Count in Vocal Studio 合辦 Wai Sing Music ================== 導師簡介： ✨呂銓欣 Astrid Lui✨丨@astridwt__ 
 香港女子無伴奏合唱組合Echogram 創團成員。畢業於香港教育大學，主修音樂教育。 自2013年起，為聲蜚合唱節「中學合唱領袖訓練營」擔任統籌及形體訓練導師，現亦於多間中小學擔任合唱團指揮、聲樂指導，及無伴奏合唱導師。演出包括：香港國際無伴奏合唱節 “無伴奏合唱劇場”系列、國際無伴奏音樂盛典等。 2017年組成女子無伴奏合唱組合 Echogram後 ，先後發表原創無伴奏合唱作品「一樣」、「你我他」、「渺」、「Echo Echo」等；同時隨團赴多間中小學巡演，積極於香港推廣無伴奏合唱音樂，包括：皇仁書院、瑪利諾修院學校（小學部）等；近年，分別獲一舖清唱（2023）及半肥瘦(2024）邀請為元朗區及葵青區「十八有藝社區演藝計劃」擔任無伴奏合唱課程導師；2024年獲Senza a cappella 邀請參與原創歌曲 《一小節人生》製作，歌曲於各大音樂平台播放外，更聯同超過29隊無伴奏合唱團代表於viuTV 作現場演出。同年創辦「一拍即合唱工作室 Count In Vocal Studio」，致力推廣及提供全面的無伴奏合唱音樂教育。 ✨陳君明 Kessay Chan✨丨無伴奏合唱咪高峰技巧丨@kessay_sees 本港活躍之無伴奏合唱教育、編曲及演出者，音樂影像攝影師。 曾獲得「十大青少年藝術家2019」，Singapore A cappella Championship Loopstation 2018 & 2019兩年度之冠軍，並獲邀於TEDx論壇上分享無伴奏合唱經歷。演出包括隨隊於杜拜、塞爾維亞、美國三藩市等地演出。 陳氏以民政事務局之多元卓越獎學金，全額資助入讀並畢業於香港中文大學音樂系，師承胡永正先生主修聲樂，並以Distinction成績考獲Trinity ATCL Piano等級。2019年創立「天水圍唱」，2021年正式改名為「圍唱音樂」。 2022年獲 一舖清唱 邀請，擔任其康文署「十八有藝」社區演藝計劃之 項目總監，協助藝團於元朗區舉辦無伴奏合唱教育及展演活動。同年於圍唱音樂創辦「相長計劃」，「Aca Live Streaming」，並共同創辦 ”Vomakase“。 2023年獲 香港藝術節邀請，擔任無伴奏合唱音樂會「都市浪漫歌廳」之無伴奏合唱顧問。

第一期演出訓練班總結音樂會 《留下來的人》 @c_allstar cover by COUNT IN VOCAL BAND 無伴奏合唱編曲 @astridwt__ 短短八堂嘅時間，同學不但要學主音技巧、形體、音響外 學咗咁多嘢，緊係要學以致用啦 我哋嘅同學好成功地喺總結音樂會上連唱三首歌 位位都咁勁呀 背後真係下咗唔少苦功！ 今次嘅錄音係音樂會上演出版本原聲直出 希望大家都可以感受到「一拍即合唱團」嘅聲音 喜歡無伴奏合唱音樂嘅你 記得follow我哋 唔好錯過我哋嘅最新消息呀 #acappella #acapella #choir #HK #hkmusic #留下來的人 #singing #throwback

#throwback 20250713 Part 2b . 1號咪 #Yolanda__ng吳素瑩 多謝你喺背後默默用你嘅行動保護大家！大家可以安心上堂，原來唔係必然～～然後又永遠係最早簽場同大家一齊練，一齊clarify 嘅細微動作位嗰個，同事！多謝你！ 2號咪 @machai302 多謝你特登冇帶T 帶俾大家歡樂，呢位 BB~~你呢～～知唔知自己真係好 cute ! 3號咪 @cys_friedrich 咁大件事冇人講！原來你係唔去畢業表演都嚟呢度五月嘅演出！仲要特登編曲！出埋 midi 同大家練歌！你都係痴線㗎！出色！ 4號咪 @mil_milllll_c 多謝你負責book 咗個咁歡樂嘅場，我就係要呢啲！不過可惜我心情長期平伏唔到未用到所有嘅 facilities 下次可以 encore 5號咪 @winnie.yang.852 多謝你成日好sweet 咁樣講好掛住我，你知唔知我都好掛住你！以後我會盡我所能留番一個Astrid 身位俾你！ 6號咪 @akiwgul_ 我每次見到你都好開心，你已經成日笑笑口㗎啦，一見你唱歌又再開心啲，你知唔知你真係俾到好多動力我去教班！係真正嘅燦爛像花！ 7號咪 @jasmine11242 多謝你一直都喺度！每個班都會見到你！開頭你話會俾其他parts 容易擾亂唱唔到，到而家見到你越嚟越堅定咁樣唱自己嘅Inner port，對我嚟講好重要，因為下堂開始你可以隻揪！仲要原來你係俾唱歌耽誤嘅設計師！件T個設計真係好靚～係好多朋友都dm 我講好靚好癲㗎吓！ 8號咪 @wkinc 聽到你講原來你係乜都唔識，就上咗我班同編曲班，其實你示範咗好好俾我睇咩叫行咗出去先做咗先算！跟住再示範埋俾我睇點樣用努力去追番個進度！當我想縮嘅時候，我就會諗起你呢個態度！錯咪錯，我就係嚟錯嘅！ 9號咪 @echofocal 當初唔知係你自己揀定係被選擇「今天我不想做嘢」嘅編曲！但我想話俾你知，我好開心有得教呢首歌，你都唔知我一開始收到要教嘅歌單知道有呢首歌時，係幾開心因為玩味好重！其實所有嘅編曲都係由一個微小嘅 idea 開始～～是咪？ 10號咪 @savoyvoy 永遠榮譽長期氣氛歡樂小組組長！成個班，有你同冇咗你應該差好遠～～多謝你成日帶動氣氛，同埋你又係一粒開心果～～同6號同學一樣永遠都係笑笑口，導演話keep! 11號咪 #mariachee池婉婷 多謝你嘅溫柔，可以中和一下樓上樓下有少少瘋癲嘅人～你第一次上完我班你特登嚟同我講我教得好好，仲送咗份小禮物俾我，已經 sweet 到我可以記一世！多謝你今次成為16寶寶嘅一份子～因為你嘅溫柔，可以令呢個班張弛有度 12號咪 @chongyiujoey 偷偷講個秘密你知，你知唔知原來你脂肪葡萄一開頭嘅時候係好吸精！好多人話啲剪影好好睇，話你個轉身轉得好好睇！諗住想讚我動作設計得好，我話佢自己諗㗎！唔使睇街症都搞得掂！ 13號咪 @melody_lui_ 好彩我哋唔係因為化學而相遇，係因為唱歌而相識！你個look 同你嘅職業真係有好大反差，唔好意思，要咗個化學老師喺脂肪葡萄嗰度成功企咗一晚！你個shadow 係畫龍點睛 14號咪 @eekei_ AI達人！請受小女子一拜！「這件衣服不只是布料，更是你們對我的理解與關懷。每當我穿上它，就會想起你靜靜聆聽我的話語，那是我最珍視的時光。」── AI, 2025，應該係你問得好好，AI 都感受到大家純真的心 15號咪 @singing_is_interesting @riclee__adventurer 聽得唱得多歌真係唔同啲！班歌始作俑者，竟然連宗教歌都識；又，全能嘅hold 場 MC，你真係見慣大場面，我一步步咁俾你帶住去下個驚喜都唔覺；又，你嘅保養術，真係可以叫大家跟你講一句「我今年12歲」 16號咪 @ansoncyy 多謝你永遠都係最多organic idea 嗰個～～你會自己練幾個versions 俾我揀，會番去諗點樣令到個演出再好睇啲，最後進化到小智轉身再掉Astrid出嚟你都做到，之後都冇嘢難到你㗎啦～～ . #你哋嘅恩典真係夠我用一輩子 #acappella #acapella #hkmusic #全因為你 #singing #love

__炫耀晒命放閃post, 以下內容請自行斟酌觀看 . #throwback 20250713 Part 2a . 如果以後有老人癡呆症，呢一日點都會記得，因為太窩心，AI講得啱，會記得一輩子 . 做教育從來都冇諗過回報，或者自己會得到啲乜嘢，只係純粹想透過教育工作呢一行，同大家分享喜歡嘅音樂，更何況每次嘅Community project，都係完咗就散水咁樣，當然都會好開心睇住同學之間建立咗友誼，甚至乎繼續有聯絡，但係痴線到有16個成年人，特登喺你背後做一堆嘢，淨係為咗感動你，件事係真係好入肉 . 其實每次睇住大家正職同音樂未必有關嘅成年人，都肯喺工餘時間，繼續嚟唱歌我已經好佩服！我本身自己嘅工作已經係同音樂有關，已經係做緊啲自己喜歡嘅嘢，我都會問自己，如果只係返一份朝九晚五嘅工作，又會唔會有呢個閑暇同心肝特登去報出面嘅唱歌班？所以大家都係鍾意唱歌嘅人聚埋一齊，作為呢個班嘅導師，就好希望帶到最多嘅嘢比佢哋，唔好辜負咗佢哋特登抽出嚟嘅時間，對我嚟講呢個真係本分。 . 跟住就遇着咗16個都係啱Channel嘅人，佢哋會互相補位、互相幫助，有人提出idea，有人support，有人做，有人follow，就出咗一個好痴線嘅reU。 . 跟住多謝 @lck._.345 因為喺一拍識咗部份同學就加入咗呢個大家庭，幫大家做咗一日攝影師～～ . 最後，我 set 咗 t-shirt 嘅呢一面做 Wallpaper, 去提醒自己： 1. 學習緊愛自己、欣賞自己多一點嘅課題，提醒自己原來我都可以被愛，值得被愛 2. 你每講任何一句說話，你嘅學生都會記得 3. 唔好懶，快啲開工，有啲嘢吹大咗要做 #acappella #acapella #hkmusic #teaching #singing #worklifebalanced

#throwback 20250713 重要日子 Part 1 . 葵青區 @18d.art @shape.of.harmony.3 進入到第三階段 由1.0 已經走到 3.0 嘅phase 1 時間話長唔長話短唔短 睇住一批批同學上台演出 演出成功當然最開心～～ 但今次感受特別深嘅，係原來好多同學 因為a cappella 而認識已經變咗大reU 每次都見到好多熟悉嘅面孔 又會因為鍾意a cappella 而聚首一堂 很感恩，很幸福成為一份子 . 要多謝 @boonfaysau @andrewwmc 邀請我一齊玩呢個 project 同埋你嘅信任俾我教大家一齊學和音 每次有得全場大合唱真係會腎上腺素飆升 認真同你哋合作+唱歌好很開心 然後要多謝 @yukis_ue_ 提議導師玩呢首歌～～真係好好玩可以放飛自我～～ 多謝導師們 @ivstitiaomnibvs @llkpeace @maxchan_miuyin @bronson_.lpc @bosco.holy_531 你哋嘅 carry 同埋錄音～～令我可以台面見 @lokkmannn 下次要加埋你呀 . 1. 即場教大家學和音，加入一齊唱（但點解個圖有聲，係 “何が好き？”） 2. 識唱嘅一齊唱 📷 @kisido 3-4. 今年嘅進階班，係好叻！如果有多幾堂見佢哋就好啦 5. 每次 aca event 都可以reU嘅一拍 aka CIVB 6. 同 @ykc0406 睇住佢哋大嘅學生，繼續喺舞台發光，身體力行直接嚟撐場 7. 同場加映：好人一生平安！我完場之後話說要去 嗰日嘅 Part 2, 坐完的士，落車，想話撳個電話睇吓地址，得番個電話殼！冇咗個電話！係啱啱新買咗一星期度嘅 16pro ! 嗰刻個人運作唔到。我落車位係一個巴士站，即刻搵咗對等車嘅情侶求救，想佢哋 share network 俾我用 find my ! 結果佢哋陪住我，安慰我叫我冷靜，幫我搵到的士司機 + skip 咗幾班車都陪我等到的士司機番嚟！上天呀，點解咁好彩俾我遇到咁好嘅人！由於佢幫我搵電話嗰時，曾經用過佢電話打俾我，所以我就有佢電話號碼，第二日冷靜咗之後，就可以send到圖中嘅對話俾佢哋。今次嘅舉動，真係令我暖心一輩子。 . #acapella #acappella #music #teaching #singing #hkmusic

Updated 最surprised嘅謝師宴 因為聲的形狀2.0嘅場刊有晒老師同同學嘅全名，而衍生咗一個無聊嘅idea（詳情可以睇story)，而呢個無聊嘅idea，竟然又有人support，仲要唔係一個半個，而係全班都support，咁就有咗呢個度身訂造演出嘅方向！大癲！ 傾偈傾到咁上下，我就同 @astridwt__ 講我哋嚟緊有個演出，冒昧提出，希望老師睇完可以俾啲意見，咁當然佢就不虞有詐咁唱住最佳位置上咗去最佳位置度睇啦，然後就請睇片啦😂 我而家又唱又跳咁奔放都係多謝呂銓欣老師喺a cappella班嘅指導，衷心感謝🙏🏻 多謝同學們一齊完成呢件事👏🏻👏🏻👏🏻嗰晚銓欣問我哋排咗幾耐，我想講，之前係有一齊練過歌嘅，至於steps，喺group度係有send到參考片段同埋排位嘅圖嘅，但十幾人各有各忙，唯有自行修練，夾呢，就真係party開始前、銓欣嚟到前嘅幾個字時間先至齊人排舞，以咁短時間跳倒呢個效果，全靠 @savoyvoy 嘅事前準備👏🏻👏🏻👏🏻 #銓欣為你 #真係有同學仔將全因為你編成無伴奏合唱版 #仲分埋聲部 #而舞步就係之前acappella畢業表演幾首歌嘅一啲steps嚟

「駕照我有了，至今仍無碰撞」 咁就可以開車前唱番首歌啦 走先，勿念。 @heartgreymusic @astridwt__ @chwingmusic @lokwamusic #carmusiccover #acappella #acappellacover #caracappella #cantoneseacappella #cantopop #cantopopaccappella #勿念 #岑寧兒

. 《聲的形狀2.0》 @shape.of.harmony.2 完滿落幕 由opening 演出，第一階段教到第三階段 呢個形狀實在要好好沉澱消化吓 多謝 @boonfaysau 邀請 @echogram_acappella 作opening 嘅演出嘉賓，我哋喺嗰時其實都咁啱好需要演出去試一啲新嘢，多謝你哋咁啱就俾咗呢個機會我哋；另外，真係好享受同導師團隊一齊演出，有嗰種說不出的爽，請大家繼續關照。 @lokwamusic @mirileung @kessay_sees @andrewwmc 第一階段，好多新面孔，開頭見大家斯斯文文咁，我都係唔好咁瘋癲住，驚第二堂冇人嚟。之後上堂前都有啲時間同大家傾吓偈～發現大家真係好鍾意唱歌，所以大家學得好快之餘又唱得超好。然後要特別鳴謝嗰時先叫真正認識到嘅第一個fit馬 bro @bronson_.lpc , 除咗多謝你幫手處理平時admin啲林沈嘢, 仲要多謝你嘅編曲，我先可以教得咁順暢～～ 第二階段一嘢就飆升到演出要唱三首歌，雖然有一首係第一階段唱過，但又唔想三首都咁悶齋企，所以都係決定把心一橫，只係得八堂時間都係排咗兩隻歌嘅走位，為咗要做到呢樣嘢，成班同學又陪我最後一堂OT咗成個鐘，《脂肪葡萄》雛形就係咁出咗嚟，又要多謝呢班同學。 第三階段，實在太大感觸，只可以喺呢度用文字記錄低。八堂兩小時，四首歌，兩首全走位。plan 嗰時有諗過究竟做唔做到？同學會唔會好吃力？我咪冇乜時間執歌？會唔會兩頭唔到岸？但入葵青劇院喎，入咁大個台冇理由唔係咁做㗎 ？唔理啦，勤力嘅同學應該做到嘅，點知我就遇上咗16個勤力寶寶。 喺呢八堂入面，我見到嘅就係努力，努力，同埋努力。要唱歌，自己prep 晒譜；要走位，自己約早啲到一齊練。最冇諗過你哋會book 舞蹈室自己加練，嗰吓先震撼，究竟你哋有幾想將個表演做好，喺嗰刻，多謝你哋用行動話俾我知，我當初有咁樣嘅決定係冇錯。所以，為咗唔好白費咗你哋嘅努力，我都希望比詳細啲嘅notes大家可以做到盡善盡美。多謝你哋義無反顧咁相信我，將我講嘅嘢，真係喺舞台上呈現咗出嚟。喺演出嗰日嘅朝早dress run 我特登坐前啲，諗住坐吓唔同位置仲有冇咩睇漏，點知睇到嘅每一張面孔都幫我回帶去嗰八堂時間，而你哋係成功一氣呵成做晒三隻歌出嚟嗰刻，控制唔到流咗感動嘅眼淚，用咗成個下半場去平伏自己先可以入嚟見大家，若無其事咁同大家講冇notes。 每個演出都係一個機會去認識自己，知道自己喜歡什麼、享受什麼。希望今次嘅演出，幫到你哋喺之後嘅表演藝術旅途上慢慢建立出獨一無二嘅你 Class B 寶寶，喺呢度多謝你哋 yolanda___ng吳素瑩 @machai302 @cys_friedrich @mil_milllll_c @winnie.yang.852 @akiwgul_ @jasmine11242 @wkinc @echofocal @savoyvoy mariachee池婉婷 @chongyiujoey @melody_lui_ @eekei_ @singing_is_interesting @riclee__adventurer @ansoncyy 多謝，感激嘅說話講唔晒。但以下人士一個都不能少： @andrewwmc 多謝你相信我！令我參與到成個2.0！唔使講嘢有嗰種我懂你嘅感覺。我有咩問題又即刻解答我，總之有咩搵你實冇死～～🫂我要公開示愛啦 Love you so much!!! @longisland0218 前兩個階段要多謝你嘅carry，成件事先可以開始得到！ @choisalai 估唔到臥虎藏龍，可能去到中途先加入幫手做admin，但係你嘅一打十 ，先至可以令到成個第三階段咁順利，所有嘢都一手包辦，太厲害 @bosco.holy_531 第二個fit 馬bro, 可能你唔聲唔聲，但係背後做咗好多嘢，成日默默咁support大家，同埋睇得出原來你都係一個感性小子，最後仲有多謝你嗰首好玩嘅編曲，我哋嘅演出先至可以多一個曲風 @hachi_namnamm 喺呢個project識到你係我嘅榮幸，你嘅專業你嘅包抄同你每次嘅對話，又係默默為我以身作則，喺呢度許願如果有一日我做演員，你做編舞就好啦 SM lokC 超欣賞你除咗處理後台嘅嘢，連同台面52個演出者都照顧得好好，入面夾住一種溫柔，呢樣嘢我要用一生去搵搵～～ @lhcjeremy 每一個無伴奏合唱show嘅幕後功臣一定非soundman 莫屬，op 16支咪，parts 仲要咁轉法，功不可沒 @zziitaaa 每次聽到你喺咪上嘅每一句「收到」，都會好安穩 @kennywong.lx 多謝你嘅燈光，將同學嘅演出昇華，每一個畫面定格都係咁靚，多謝你 issacwong 有幸以creative team 嘅角色同你合作，有你坐陣已經知道冇嘢係解決唔到 呢次旅程，除咗感恩以往喺舞台上學到嘅嘢可以用番出嚟，亦為我注滿養分，希望喺以後再遇上或者新認識嘅人和事，可以成為更完整更好的me. 江湖見 #acappella #acappellahk #hk #music #singing #musiclovers #theatre #kwaitsingtheatre

Happy shooting with @ophehe Makeup and hair: @carmentsangmakeup @beautystorehk Special thanks: @festaproduction_pet

無伴奏合唱全方位訓練課程開班招募 千呼萬喚始出來！越嚟越多接觸過a cappella 的朋友都係一發不可收拾，希望有更多平台俾佢哋繼續唱。而且我們相信，只有透過定期的訓練和舞台演出，才可以令表演者的舞台技巧變得更為成熟。 有見及此，Astrid由今年開始，每期都會邀請不同的資深無伴奏合唱表演者，為已有無伴奏合唱經驗的歌者，打造具持續性、有系統及全面的訓練課程。 
第一期將會透過共八堂的課程，以加深參加者在無伴奏合唱表演上的造詣，最後更會在圍唱音樂學生無伴奏合唱音樂會上作總結演出。  課程內容包括： - 進階無伴奏合唱演繹技巧 - 進階人聲敲擊工作坊 - 一對一主音技巧指導 - 形體訓練 - 舞台演繹技巧 - 無伴奏合唱咪高峰技巧 上課地點：荃灣區
上課日子及時間： 2024年 11月28日、12月3日*、10日*、19日 2025年 1月2日、9日、16日、23日 星期四 晚上 7:30-10:00 （*為星期二） 演出地點：青衣 演出日子及時間： 2025年1月25日 （星期六）晚上綵排 2025年1月26日 （星期日）全日 招生要求： - 18-45歲 - 需習無伴奏合唱最少兩年 - 具備基本五線譜樂理知識 - 請提交一段約一分鐘清唱主音的片段 收生人數：20人（12人開班） 報名詳情： 有興趣參加者，請於11月20日或之前填妥Google form （➡️ Link in Bio) 入選通知： 首輪入選者會於 11月22日下午透過電郵收到入選通知，次輪入選者將會於11月26日或之前收到入選通知。 費用：全期八堂 港幣$2,200 【所有曾參加由Astrid老師教授之任何課堂的學生均可獲九折優惠】 
查詢：6038 8769（Whatsapp) 或 [email protected] 全力支持 @waising_music ======
導師簡介： ✨呂銓欣 Astrid Lui✨丨進階無伴奏合唱演繹丨人聲敲擊丨形體訓練丨舞台走位丨
@astridwt__ 
 香港女子無伴奏合唱組合Echogram 創團成員。畢業於香港教育大學，主修音樂教育。 自2013年起，為聲蜚合唱節「中學合唱領袖訓練營」擔任統籌及形體訓練導師，現亦於多間中小學擔任合唱團指揮、聲樂指導，及無伴奏合唱導師。演出包括：香港國際無伴奏合唱節 “無伴奏合唱劇場”系列、國際無伴奏音樂盛典等。 2017年組成女子無伴奏合唱組合 Echogram後 ，先後發表原創無伴奏合唱作品「一樣」、「你我他」、「渺」、「Echo Echo」等；同時隨團赴多間中小學巡演，積極於香港推廣無伴奏合唱音樂，包括：皇仁書院、瑪利諾修院學校（小學部）等；近年，分別獲一舖清唱（2023）及半肥瘦(2024）邀請為元朗區及葵青區「十八有藝社區演藝計劃」擔任無伴奏合唱課程導師；2024年獲Senza a cappella 邀請參與原創歌曲 《一小節人生》製作，歌曲於各大音樂平台播放外，更聯同超過29隊無伴奏合唱團代表於viuTV 作現場演出。 ✨陳智謙 Raoul Chan✨丨主音訓練丨 @raoulchan 畢業於香港演藝學院歌劇及聲樂系，現為一舖清唱恆常合作藝術家及私人唱歌導師。 陳氏於國際音樂比賽中屢獲佳績，於2022年世界格林披治國際音樂比賽聲樂專業組及東京國際青年音樂比賽聲樂專業組獲第一名，同年獲倫敦國際音樂比賽聲樂專業組第四名。 演出歌劇包括：《卡門》、《女人心》、《阿依達》、《魔笛》、《愛情靈藥》等，亦多次隨一舖清唱參與跨團演出，包括：香港中樂團《中藥還需中樂醫？》；香港舞蹈團《在那遙遠的地方》；日本 studio ARCHITANZ《最後之聲》及《Voicemail2020》等。除古典歌劇演出外，陳氏曾獲邀參與本地的音樂劇、流行曲、廣告主題曲錄音製作，包括《出前一丁棒丁麵》及《出前一丁棒烏冬》廣告聲演。 陳氏於2024年「今天…is the day」劉德華巡迴演出會擔任和音，共演出52場演唱會。 ✨陳君明 Kessay Chan✨丨無伴奏合唱咪高峰技巧丨 @kessay_sees 本港活躍之無伴奏合唱教育、編曲及演出者，音樂影像攝影師。 曾獲得「十大青少年藝術家2019」，Singapore A cappella Championship Loopstation 2018 & 2019兩年度之冠軍，並獲邀於TEDx論壇上分享無伴奏合唱經歷。演出包括隨隊於杜拜、塞爾維亞、美國三藩市等地演出。 陳氏以民政事務局之多元卓越獎學金，全額資助入讀並畢業於香港中文大學音樂系，師承胡永正先生主修聲樂，並以Distinction成績考獲Trinity ATCL Piano等級。2019年創立「天水圍唱」，2021年正式改名為「圍唱音樂」。 2022年獲 一舖清唱 邀請，擔任其康文署「十八有藝」社區演藝計劃之 項目總監，協助藝團於元朗區舉辦無伴奏合唱教育及展演活動。同年於圍唱音樂創辦「相長計劃」，「Aca Live Streaming」，並共同創辦 ”Vomakase“。 2023年獲 香港藝術節邀請，擔任無伴奏合唱音樂會「都市浪漫歌廳」之無伴奏合唱顧問。

2024_聯校音樂大賽🎶 中學小組合唱_銀獎🥈 多謝大家嘅努力 用心練習😚 今次吸收經驗！希望下次比今次更好❗️ 辛苦晒大家！ 多謝老師： @_astridwt @nwyizelene

. 聯校音樂大賽2024 兩班A cappella 班都超額完成，Miss Lui 心感欣慰 其實比賽最主要目的係想你哋多啲出嚟見吓世面 同埋累積經驗，知道要點樣再去進步 圖1-3 天水圍香島中學 @passion.ct 多謝你哋真係帶咗個金奬番嚟，在心中 圖4-5 鄧兆棠中學 @tstss__acappella 基本上差唔多全隊都係中一、二嘅學生 第一次參加a cappella 比賽 睇住你哋進步 由唔識郁，唔夠聲 到變自己自動波練歌 同今日完全冇怯場 掂 #acapella #acappella #schoolchoir #國際孤獨等級 #到底發生過甚麼事