@dfcy 杜雋饒 Dee To Instagram profile, stories

Download

年度演員獎——還是好想記下這段旅程上年，有一個戲我好想做，年頭比自己嘅目標就係要得到呢個機會，之後用左約半年準備，最後都係落選。當下我只有一個諗法：「我唔想停左係到」。同期同流有一個去法國排戲嘅機會，一個puppetry嘅演出，一個跟Philippe Genty團員學習嘅機會，於是我去左audition。因為一個念頭「我唔想停左係到」，得知中選後就請左no pay leave，踏上一個月的法國之旅。呢個月，看過法國的風景，感受過法國嘅人和情，飲過法國的酒同芝士。又點會估到，第一次坐 @moniquechak 揸嘅車竟然唔喺香港，而係喺法國。瞓喺theatre樓上，下樓就可以排戲，心無旁鶩。忽爾明白集中不是一束很狹窄的光，而是一種很柔和很遼闊的光譜，喺呢一個光譜下感受著生活，彷彿每一抺微風，每一個笑容都是創作的刺激，踏進theatre不需另一種狀態，只需要把生活的狀態帶入去，就可以開始創作。呢個月我冇開始同結束嘅概念，冇生活同排戲嘅區分。人生嘅第一個演員獎，好開心可以同成個戲所有演員一齊提名一齊攞，對我嚟講更係別具意義。作為演員，成日都會聽到某個演員好有天份，好有charisma，但係呢啲字眼往往都同自己無緣。所以成日都會懷疑自己係唔係一個好嘅演員，但係同一時間心底入面又好肯定自己係一個好嘅story teller。因為喺創作嘅過程，我永遠都問自己點樣去講好一個故事，乜嘢選擇先係最幫到去講呢個故事。「我哋都係綠葉，因為故事先係主角。」呢句說話係綠葉劇團 @theatredelafeuille 植根喺我心入面嘅信念。人生嘅第一次被肯定，唔係因為自己有幾獨特，而係因為puppet栩栩如生而見到七個演員點樣放低自己，聆聽對方，一齊去講好一個故事。因為我地所以觀眾先會見到Pierre，也因為Pierre觀眾先會見到我哋。做puppeteer能夠被看見，我們好幸福，也很感謝iatc @iatc.hk 最後，我必需要好多謝同流 @wedramangroup 喺嗰個時候收留我，令到我冇停喺原地，而係向前走咗好大好大嘅一步！我會帶住呢啲嘅滋養，返到去香港話劇團 @hkrep 繼續努力講好每一個故事。最後的最後，我想多謝我老婆。喺台上我冇咁稱呼佢，我唔希望大家見到台上嘅 @moniquechak 只係我老婆，而係其中一個被提名年度演員獎嘅演員。能夠同老婆一齊提名一齊攞呢個獎，係最最最幸福嘅一件事。

131 4

25 days ago

Download

𝙃𝙖𝙥𝙥𝙮 𝘽𝙞𝙧𝙩𝙝𝙙𝙖𝙮 𝙏𝙤𝙙𝙙𝙮 💕 入屋一年快樂🎉 啱啱嚟嘅時候聽講你一歲半咁而家就慶祝你兩歲半生日快樂啦🥰 估唔到第一年慶祝就因為baba去tour要提早慶祝希望你繼續健健康康🍀 繼續食得瞓得痾得玩得跑得間唔中百厭下都得🤪 繼續做隻人見人愛嘅靚仔貓😻 𝐖𝐞 𝐥𝐨𝐯𝐞 𝐲𝐨𝐮 𝐚𝐥𝐰𝐚𝐲𝐬 ❤️

148 2

1 month ago

Download

@hkrep 26-27劇季 Stay Tuned!!🔥 📸: @leungmo Stylist: @lautszyan_tiffy

229 2

1 month ago

Download

🧧🧧 係我地同 @toddy_themugglecat 過嘅第一個新年啊🥰 🧒🏻👦🏻: 同大家拜個年先啦~ 😸: Meow~

195 2

2 months ago

Download

法國Week 1 好開心好開心冇嘢補充

214 8

8 months ago

Download

左邊是K城演出第一日影，右邊是K城演出的最後一日影，除咗Dark Day，呢10日我都用Show前熱身既時間反覆練呢個動作。第一日全憑直覺打，睇片好似好接近成功，覺得只係landing差啲，個刻我好自信完Show個日一定已經駕馭到。結果10日過去，練得個空虛。中間啲日子打到走哂樣離哂譜，明明上YouTube IG狂睇教學一步一步練，但愈學好似愈亂，距離仲遠左，點都追唔返第一日就咁憑直覺打。睇返自己每日拍低既片。好似都係第一日鳩打個幅度度最大、最順。都幾氣餒，一般狂練應該點都會有啲進步，今次不進反退，好似憑直覺好過跟啲教學不停練，10日努力完全冇成果。完K城之後過咗幾日，想del返啲每日錄影嘅片，開始每條睇吓就發現，雖然中間啲片個動作完成度冇咁高，但係見到有啲起圍好左，有啲landing好左，有啲過個下速度快左。雖然最後冇一條整體好得過第一條，但係每一日應該都係練緊一啲嘢嘅，應該唔係想像中咁白費，可能只係未整合得到所有嘢。一轉念就覺得呢10日就算成果冇好到，但係過程點都理解多咗自己身體，一次比一次細緻，就算今日唔成功，我應該唔係行遠咗，點都距離成功近咗10日，呢啲過程點都要走過，亦都將直覺轉換緊成為100%能夠重複同控制。最後我都post埋K城最後一日練習嘅片，無論如何都係呢10日嘅成果。我諗好多嘢都係咁，雖然成果未係好明顯，外面嘅人可能完全睇唔出你努力左啲乜，但係只要一直向前行，總係距離目的地近咗，不停地接近直至達到。星期六就出發去法國排一個月戲。好期待，但同一時間好擔心會唔會一個月之後發現一個月過去嘅成果不似預期，唔符合一班人去到外地密集式排戲應該有嘅成果。但係我諗同練呢個動作一樣，成果唔係一切，呢一個月嘅過程更加重要。而且有一個月可以同老婆一齊喺異地排戲，夫復何求，喺異地都可以無牽掛。不過都仲有隻貓喺屋企⋯⋯ 10年之前就曾經聽講過有一種傳說中既排練，係一班人去到異地，專心只係做一件事，心無旁鶩咁排戲。曾經好憧憬，但大個就發現係痴人說夢，入世越深就越多牽絆同責任，越冇可能。估唔到今次真係可以夢想成真，體驗一次呢個傳說。離開為了回來。寫低呢個Post比一個月後回來既自己，希望佢有好好運用呢一個月，好好享受過程。同埋希望返嚟嘅時候已經可以做到呢個動作，搵埋剩低嗰半個圈！

151 4

9 months ago

Download

廿九歲，最後一年二字頭。過去一年成家立室，雖然都仲未拋頭露面出人頭地，但我好快樂。如果人生到最後可以選擇某一年既自己再活一次，我會毫不猶豫選擇廿八歲；再籌備一次婚禮，同 @moniquechak 再爭吵一次婚禮所有無謂嘅細節，再對你講一次我願意，然後再經歷一次一齊將 @toddy_themugglecat 帶返屋企。未到三十責任開始重，膊頭已經開始痛。但人不輕狂枉少年，希望一年後回望廿九歲既自己有盡好一個少年嘅責任。

245 5

11 months ago

Download

記第一年派利是🧧 祝大家新年快樂🎆身體健康🎉 #快啲嚟搵我哋逗利是啦 #快啲執好間新屋 #快啲嚟玩

174 3

1 year ago

Download

仲有一個星期就喺我哋嘅Big Day 喇💕 各位親愛的朋友們，抱歉因為場地所限，未能夠邀請所有人出席晚宴。但係我地都好希望邀請大家出席當日的證婚儀式，好想有你哋在場為我倆見證❤️ 證婚儀式時間: 17:30 證婚儀式地點: 尖沙咀The One 20/F The Glam 另外請原諒我哋未能夠係婚禮之前一一親手送上喜帖，抱歉有些朋友需要當日係reception簽到既時候先拎到帖🙇🏻‍♀️🙇🏻 不過我哋都希望係呢到post埋我地嘅喜帖，等未攞到嘅朋友先睹為快😁😁 有好多朋友見到張帖之後都有問我哋：係咪Harry Potter theme？係咪有dress code 咖？哈哈冇錯！婚禮主題就係我哋兩個都好鍾意嘅 Harry Potter⚡️。到時無論Deco，音樂都會有一啲彩蛋，等待大家發掘！至於dress code方面就冇限制😁如果朋友們有興趣，我哋梗係歡迎你哋着哈利波特主題嘅衫啦😆例如學院袍！如果冇但都好想配合Harry Potter主題，你哋都可以根據自己嘅喜好着四隻學院色嘅衫 🦁🔴 🦡🟡 🐦‍⬛🔵 🐍🟢 即使最後你冇任何dress code，放心我地係歡迎麻瓜嘅😁所以著咩都冇所謂😁 希望大家會enjoy 我哋個party 🫶🏻 到時見💕

449 6

1 year ago

距離結婚嘅大喜日子倒數一個月！散播一下喜慶嘅氣氛先！特別鳴謝： @clintonzy @timingpoon @roar28 完美嘅過大禮團隊！只要有一間空檔就會聽到佢哋嘅「恭喜恭喜！」，令成個過大禮生色不少正式落訂！

Download

距離結婚嘅大喜日子倒數一個月！散播一下喜慶嘅氣氛先！特別鳴謝： @clintonzy @timingpoon @roar28 完美嘅過大禮團隊！只要有一𣊬間空檔就會聽到佢哋嘅「恭喜恭喜！」，令成個過大禮生色不少🫶🏻🫶🏻 正式落訂！

533 16

1 year ago

Download

記錄第一次染髮 📸: @tunestty

216 21

1 year ago

Download

26.5.2024 28歲生日，佢送左一隻錶比我，入面有一張紙寫住Will you marry me？我腦入面有幾個thoughts 1.我都唔帶錶 2.你係咪扮麥明詩 3.我仲以為會係steam deck 然後佢話，佢被求婚之後有一隻戒指可以戴係手但係我求婚之後好似咩都冇，所以佢送一隻錶比我，等我都可以戴係手我諗起啲人話生小朋友，女人十月懷胎，喺呢個過程佢會感覺自己將要成為一個母親。但係男人就係BB出世嘅嗰一個剎那先感覺自己真正成為一個父親我諗求婚可能都係一樣。求完婚之後除咗我間唔中會用未婚妻稱呼佢，同埋籌備一下婚禮嘅事宜，大部份時間我都唔係好真正感覺到未婚夫呢個過渡嘅身份既重量。而家有隻錶戴係手，嗯，真係幾重。多謝你，我的未婚妻 @moniquechak ❤️

312 9

1 year ago