完成咗自己第二次 Talkshow 已幾乎兩個月，完 show 後一直忙住其他 event 工作，有機會思考關於個 show 嘅事，卻又冇時間坐定定寫低。的起心肝、點都要抽時間寫一寫。
首先，真心好多謝每位觀眾，好多謝本身認識我而來嘅你，亦好多謝因為公開發售、完全唔認識我而來嘅你。唔知今年嘅 show 俾到大家一個點樣個體驗，完 show 後收到好多 feedback，有正面讚揚、有善意提點，所有 comment 我都樂於去聽。而如果作為觀眾嘅你，表演中有笑過、感動過、令你回味過，咁我大概都做到我想做嘅事了。
🧡 除了多謝還是多謝
我一個人喺台前，但好多好多人喺幕後幫助我。
多謝太太為我打點咗好多美感上、設計上嘅事情。我有一個比我有遠見目光嘅太太，好多時睇到好多我自己都未睇到嘅事，一次又一次令我成為更好嘅自己。Poster 嘅造型 ＋ on show 對翼係全 show 亮點，太太居功至偉；大至時間管理、小至執頭執尾，全部都有太太嘅參與。
多謝化妝師 Kary，自謙化女士多過化男士嘅佢，幫我化嘅妝獲得一致超好評；我自己嘅真實感受係：點解呢個化妝師嘅妝可以令到我唔會標面油，到底係咩魔法？！ @k.w.m_karywong@k.w.m__official
多謝髮型師 Jeff，兩個髮型我都超喜歡，特別係白色頭髮造型好多人讚！對於造型嘅執著，令 Jeff 幫我準備咗好耐、花咗好多心思。 @cyhojeff
多謝 Decision Tailoring，服裝仍是一貫嘅帥氣利落，桃紅色我一直唔敢挑戰，今次一試又唔錯喎，Siu-man好嘢！ @decision_tailoring@siuman_decision
多謝 Zeno & 阿淞，基本上兩位係我入場 on show 兩日嘅台後守護神。知唔知咩係神呀？只要你向佢許願，事情就會完成了。所以，佢地係神。 @biggoals_smalltasks@lemonade.dnm
多謝 Gordon，縱使識咗唔算好長時間，但好多謝你嘅全情投入、全心支援，由開會到 on day，完全體驗到你係一個想「做好、而唔係做咗」事情嘅人！ @flowithgordon
多謝 JY！我冇諗過我可以喺鏡頭下有咁型嘅一刻，好多造型相片都好好好鐘意。作為 MC 嘅時候我好少係主角，但有幸做到你鏡頭下嘅一次主角，我明白到點解你咁出名、咁出色！呢個 post 入面嘅相片全都係 JY 嘅手筆，一個字：超級靚！ @jyphotographyhk
特別大力鳴謝Michael袁師傅。熟悉我嘅朋友都知，冇Michael就冇《係咁嫁》，今年佢為我安排籌謀的，已經去到非筆墨可以形容嘅程度。如果有一日我因為《係咁嫁》而出咗名，Michael袁師傅一定係我呢個故事裡其中一個重點人物。 @lighten931
仲有好多贊助商朋友，Michael、Ben、Peter、Moses、Hinson、Cynthia、John、Benny、Emily、Char、Fiona、Brenda，因為你地，我個 show 先可以咁豐盛！ @startup.group@linson_3@cynthia_sylam@skcare_health@fionaaju@firepot_hk@koobrenda@applebeautyorigin@emily_chan_ob
仲有D感想，下個 post 再分享。
