陳恩碩 | 𝐓𝐨𝐦 𝐂𝐡𝐚𝐧

《Nancy戀噏Show》完結篇💘 2023年，小試牛刀創作了高立仁外傳《Ko’s Coffee的最後一小時》A Cabaret後，第二個想構思的外傳，便是Nancy的續集故事。 寫外傳最難的地方，就是要符合《我們的青春日誌》觀眾對角色的期望，同時要帶給他們驚喜；要用流行曲穿連的同時，也要保留紮實的戲劇結構和訊息；舞台上的演員數量很少，甚至只有一人，但要透過創作細節和處理手法令演出目不暇給；在小劇場實驗劇場，但要帶給觀眾大製作的體驗等等等等。 前天在演後座談會分享了不少創作概念和方法，譬如：如何善用流行曲，把它拆件放進一個戲劇結構？如何設計整個1小時30分鐘的獨腳戲能夠保持觀眾的專注度？如何運用有限的空間和設置去承托故事的敘述？…… 演員也分享了在綵排過程中，我跟他們如何拆解歌詞裏的層次、如何把大家耳熟能詳的流行曲演繹成Nancy的剖白、如何掌控在舞台上的喜劇節奏和整個演出的起承轉合……要分享的還有太多可以分享，留待日後有機會吧。 《Nancy勞軍Show》去年上演了17場、《Nancy戀噏Show》澳門站上演了4場、西九版本上演了24場，合共45場。慶幸見證着這個作品的成長和改變。作為一位每天綵排完畢，也在挑剔自己的作品的導演，每次做完一個run或一站巡迴演出，當然也不會放過整個劇本和構思，希望不斷加以雕琢。我經常說，一個好的戲不是寫出來，而是改出來的。更加慶幸的是，在這45場的成長過程中，遇上了一班很好的演員，一班很盡心盡力去呈現每個細節的幕後，為這個劇目的孕育增添了不少養分和和火花。 有一天，有一位Nancy跟我說很喜歡這個劇本。我告訴她，不論演員、創作人或導演，都沉浸在一個無止境的成長過程。《我們的青春日誌》是我20歲時候寫的作品，轉眼間就過了7年多，《Nancy戀噏show》寫的是由中學到大學的Nancy，描繪的是由她的自我膨脹到自我發掘，人設和信仰倒塌再重塑，然後重新尋回自己是誰的故事，而這個角色的成長也同步地記載了一個創作人的成長與轉變。 今年的《Nancy戀噏Show》在製作和陣容上更加帶給了觀眾不少驚喜。謝謝六位輪流演出的Nancy - 阿妹、海兒、Joey、Carina，以及爆炸戲棚兩位很出色的演員 - Winnie、Nana，獨腳戲真的很難，你們很厲害！雖然我告訴自己不會在這樣排六個cast的演出，因為相等於排了六個戲，但的確跟她們每一位的綵排也是十分享受。當然不少得旦哥和釗峰精彩的聲音演出。也要藉這個機會答謝每一位幕後功臣，謝謝編曲Philia、設計團隊：舞美Allan、服裝Andrea、音響WanSan、首演音響LongLong、燈光HengJai、影像Jamine、海報Grace；PM大寶、SM采、DSM Miyuki、ASMsss張/GuFung/池/漢、服裝製作DoiYee/Karen…將我天馬行空又麻煩的每一個畫面一一呈現；繼續多謝助理監製Ivy、導演助理Isaac、製作助理Hedy/Janet/Kristy/Saipo、編舞9姐、宣傳策劃Helena/Pius/Cissy、化妝師Icy、髮型師Ben、海報攝影/影片製作Jason&Mina、所有前台職員、西九的同事……還有太多太多，沒有了任何一位也不能成事。 多謝《我們的青春日誌》、多謝Nancy、多謝每一位飾演過Nancy的演員。本來在演出中途，曾經說過這個劇不會再做，因為難度太高，要做得好太不容易。但衷心感謝觀眾的反應和迴響，有些劇迷甚至看了超過10場。第45場不會是終點，這個戲一定會再回來！ 下星期三便是「青春外傳劇場」首部曲《Ko’s Coffee的最後一小時》三度回歸的大日子，黃浩然率先上場挑戰一個邊煮邊演的live band獨腳戲。這個沉浸式餐飲劇場第三次上演，這次的劇本、製作、處理手法和演員，定能帶給觀眾前所未有的體驗。4月22日Ko’s Coffee，不見不散。 #Nancy戀噏Show #我們的青春日誌

第500場。 兩年前，我好大膽咁叫我哋個project做「香港首個長壽音樂劇」。其實真係唔知邊度嚟嘅勇氣！萬一「短壽」咁點算？但係今日，嚟到第500場，我終於可以好理直氣壯咁話俾大家聽，呢個真係一個屬於我哋香港人嘅長壽音樂劇。 500場係一個咩概念？試想像一下，一班台前幕後喺每場演出前幾個鐘就開始準備：化妝、試咪、pre-show check、warm-up等等，然後全神貫注去做一場猶如打仗一般嘅三小時演出，演出後同觀眾影吓相，交流吓，preset返啲服裝、道具，再為聽日嘅演出做準備，而同一個劇目嘅呢個routine喺香港發生咗500次，係500次！500場最觸動到我嘅，唔係做咗其多場有幾威，而係呢一個團隊究竟要有幾大嘅熱誠同力量，先可以不停將呢件事延續落去？ 每星期六場演出，連續上演咗兩年，仲有源源不絕嘅觀眾繼續喺平日夜晚同埋週末長途跋涉入到葵興觀賞演出，近來仲開始有唔少旅客嚟到朝聖。喺一片文化沙漠嚟講，呢個唔單只係一個奇蹟，我覺得係一個神蹟。感謝主，將呢一切嘅榮耀都歸於祢！ 八年前萌生咗喺香港做長壽音樂劇嘅想法，由以前好天真好幼嫩嘅概念，不停撞板，屢敗屢戰，終於將呢個夢想在地化。由搵地鋪，去到同一班起樓嘅結構工程師、設計師、顧問、工程總監連續半年日日開會傾點樣將地舖改建成劇場，去到攞住份計劃書逐個商業機構叩門希望佢哋投資，去到埋好第一年嘅台前幕後班底，跟住綵排、起劇場、營運、維持水平同票房、為劇目開拓更多新嘅可能性……每一步走來都好唔容易，但正正係當中嘅荊棘滿途，先令到呢件事更有質地、更有價值。 衷心感謝喺呢個長壽劇路途上支持過、批評過、鼓勵過、提點過、陪伴過我嘅每一位，每一個點滴都係令我哋繼續成長嘅養分。感謝每一位曾經入過場嘅觀眾用你哋嘅行動去證明長壽音樂劇喺香港係可行，冇你哋呢個劇亦都冇可能行到嚟呢一步。特別鳴謝旦哥、樂小姐、小美姐、蔣志光，仲有特登由內地落嚟睇嘅製作人朋友姚總同瀚文百忙中抽空嚟支持第500場。 今日我哋跨越咗一個小小嘅里程碑，不過對我嚟講，《我們的青春日誌》只係令音樂劇喺香港變成主流文化嘅第一小步，一套長壽音樂劇唔會改變到個一個地方嘅文化。喺呢個劇繼續run落去嘅同時，我哋同步已經喺西環興建緊第二個由地舖改建嘅劇場，將會喺下年嘅第二季推出全新嘅長壽音樂劇《小男人周記》，希望可以為觀眾提供越嚟越多嘅長壽音樂劇選擇。我成日同我嘅團隊講，雖然我哋每一步都喺度越級挑戰，不過就算挑戰成功，開心一陣就好，唔好安於現狀，唔好自滿，拓展香港音樂劇市場仲有好遠嘅路要走。 上星期做訪問，記者問到：「長壽音樂劇已經行到嚟第500場，係咪算係夢想成真？」我答佢：「兩年前嚟講絕對係。但係嚟到今日，我會答你，我嘅夢想係 — 遍地開花。」 #深信這個夢 #青春的美夢 #終有天會得到你認同 #我們的青春日誌 #第500場

謝謝林氏夫婦大駕光臨！💕 2019年，籌備緊《我們的青春日誌》音樂劇首演嘅時候，就係為阿Lam嘅紅館音樂劇演唱會做緊導演。當年真係好癲，仲記得演唱會完show第二日，《青春》就開排，然後排練期間仲走咗三站演唱會嘅巡迴演出。 Sally當年嚟睇完，好喜歡呢個劇，但係咁啱演出期間阿Lam唔喺香港，我話遲啲重演再邀請佢嚟睇，點知一遲就遲咗三年。好在今次係long-run，幾時都有得睇，多謝佢哋咁supportive買咗咁多飛。 P.s. 佢哋首演送俾我嗰棵好靚嘅蘭花仲喺我屋企間中會開下花😂 #林子祥 #葉蒨文 @boomtheatre_hk @ourjournalofspringtime_musical

【跨越100場】音樂劇《小男人周記》繼《我們的青春日誌》後，成為爆炸戲棚第二個跨越100場的長壽音樂劇！「小男人」始創人兼監製 #鄭丹瑞 (旦哥) 及一手包辦音樂劇編、導、曲、詞、監的 #陳恩碩 (Tom) 特意現身答謝觀眾。 爆炸戲棚繼《我們的青春日誌》跨越700場的傳奇成績，再度興建專屬劇場 BOOM THEATRE WEST END，上演由原創人 鄭丹瑞 監製、音樂劇鬼才 陳恩碩 一手包辦曲、詞、編、監、導的全新長壽音樂劇《小男人周記》，至今已累計超過100場演出。門票現正熱賣中！ 🎟 官方購票網站： .hk 🎟 官方票務WhatsApp： (852) 5266 2149 #小男人周記音樂劇 LoveforGrantedtheMusical @happyeggba 監製 @tomchanys 作品 #爆炸戲棚西區劇場 #BoomTheatreWestEnd 爆炸戲棚 @boomtheatre_hk

個個同我做嘢嘅同事都話未見過我發脾氣，因為我啲脾氣喺屋企發晒，屋企人食晒。Thank you & love you, Mom! 🥹❤️ Happy Mother’s Day to the best Mom!!🌹🌹🌹

My first pet ever!! 🎂生日快樂啊🐰 品種：侏儒獅子兔 年齡：1歲 暱稱：BB、Jerry、兔兔、Tutu、喂 (橫掂佢都唔應) 眨吓眼呢位新成員就加入咗我哋嘅家庭一年！呢一年嚟都冇公開過佢，因為自從佢嚟咗，佢就已經變咗我朋友圈嘅一個新景點，個個都輪住上嚟探佢。 我記得小學嘅時候我已經想養倉鼠，覺得佢哋好cute，但係因為屋企人唔太主張養寵物，為咗爭取隻倉鼠嘅撫養權，我試過扭計扭到喺銅鑼灣條大街度爆喊，都要挾唔到我兩老。直至一年前，我行入寵物店，見到一隻好可愛、個樣好溫馴、有少少似Peter Rabbit嘅兔仔，就對佢一見鍾情。我心諗：「係佢喇！」 我即刻龍友上身咁，影咗佢幾張相，send咗俾屋企人，佢哋竟然都覺得好可愛，不過嗰日趕住走，未買得切，我就同自己講，如果一個星期之後佢仲喺度，我就帶佢返屋企。果然一個星期之後，佢仲喺度。我哋嘅緣份就係咁樣展開咗。 要做一個負責任嘅主人，首先唔好揀啲自己handle唔到嘅寵物。兔仔唔使沖涼，唔使出街，只需要不斷餵草俾佢、幫佢換水、買啲新零食俾佢，絕對好適合我養。再加上佢完全唔會出聲，創作嘅時候可以同佢心靈交流吓，但係佢又唔會嘈住我諗嘢，簡直係最佳拍檔。(除咗佢喺我張床度屙屎屙尿嘅時候) 養咗寵物之後，終於明白點解啲古人退休之後會歸原田居，有人嘅地方就有人性，唯獨是每晚返到屋企對住兔兔，遠離人群，先搵到一種悠然自得嘅清靜。充滿人性嘅地方故知然俾到好多創作靈感我，但係呢一種有生命力嘅清靜，亦都喺我過去一年度緊橋嘅時候俾咗一種全新嘅體會我。 今年只係過咗短短四個月，已經開咗五個show，但係仍需繼續努力、繼續進步。望住呢位好朋友，就會經常提醒住我，兔仔係跑得好快，但係千祈唔好因為烏龜嘅怠慢而鬆懈。💪🏻 我想再表示多次，佢真係好可愛🤤

【加開10場】Frankie@MIRROR 強勢回歸‼️ 爆炸戲棚繼《我們的青春日誌》跨越700場的傳奇成績，再度興建專屬劇場 BOOM THEATRE WEST END，上演由原創人 #鄭丹瑞 監製、音樂劇鬼才 #陳恩碩 一手包辦曲、詞、編、監、導的全新長壽音樂劇《小男人周記》，至今已累計超過90場演出。 MIRROR成員 #陳瑞輝 (Frankie) 年初開始加盟演出，激罕地走進每場只可容納180人的long-run小劇場，更打破型男框框，挑戰演繹「由頭擔到尾」 的小男人 — 梁寬。首15場一票難求！ 徇眾要求，5月1日起加開10場演出！門票將於4月27日 (星期一) 下午3時在.hk公開發售，準備撲飛！ 加場演出場次 1/5 （五）8:00pm 10/5 （日）8:00pm【第99場】 16/5 （六）3:00pm 16/5 （六）8:00pm 17/5 （日）3:00pm 22/5 （五）8:00pm 23/5 （六）3:00pm 23/5 （六）8:00pm 30/5 （六）3:00pm 31/5 （日）3:00pm 演出地點 BOOM THEATRE WEST END 爆炸戲棚西區劇場 (堅尼地城北街4號) 票價 VIP區 $880 [附送簽名海報+與Frankie留影] A區 $680 / B區 $480 *VIP區觀眾可於觀劇後與Frankie進行合照 🎟 官方購票網站： .hk 🎟 官方票務WhatsApp： (852) 5266 2149 #小男人周記音樂劇 #LoveforGrantedtheMusical 鄭丹瑞 @happyeggba 監製 陳恩碩 @tomchanys 作品 爆炸戲棚西區劇場 BoomTheatreWestEnd 爆炸戲棚 @boomtheatre_hk

Another mission-impossible accomplished!! 🤟🏻 Jukebox Musical或者大型live show呢幾年製作唔少，但係用劇場模式去串連起咁多首流行曲，仲要係原唱嘅歌者演唱，對上一次已經係為林子祥嘅紅館演唱會《LAMUSICAL》擔任導演。 當年用咗大半年時間去籌備，三個月去綵排，但係今次好唔同，始終係一個頒獎音樂會，亦都牽涉好多唔同歌手，同埋要等投票結果核算晒我哋先可以有歌單開始去構思成個音樂會嘅概念，所以挑戰同埋難度都大好多。而我哋唔知道最後邊位歌手一定會嚟，所以一開始度成個rundown嘅時候，我就話一定要抽象啲，變咗有任何改動都可以隨時做到。 平時做音樂劇我圍讀嘅時候已經齊晒劇本齊晒個精雕細琢慢慢排，但係做event嘅變數就多好多，呢個正正係呢種製作嘅好玩之處！入台第一日我哋發覺某一啲場景轉換比原本預計耐，即晚我就將原本鄭子誠哥哥嘅稿寫長咗兩倍。初初都擔心會唔會好拖，但係第二日聽到佢攞起份稿一讀，嗰種節奏有度、聲情並茂嘅演繹，完全釋除咗我嘅疑慮。 感謝香港電台嘅信任！我成日話創作顧問係一個指指點點嘅角色，不過佢哋容許我提供咗好多意見同想法，雖然因為有限嘅時間、空間、資源，加上不同嘅現實限制，好多點子或者細節未能一一呈現，但係好感謝呈呈、Shun、Crystal同所有幕後工作人員、歌手、演員，呢個幕後團隊真係好fit好好，好盡力喺限制下去做到好多個ideas。 一個創新嘅頒獎音樂會概念要執行起嚟一啲都唔容易，睇返網上嘅評論可以話今次係一個成功嘅試驗，相信將來有機會做呢個format嘅音樂會會更加精彩！ P.s. 嚴選咗幾個我最鍾意嘅畫面分享一下🤤 Thank you @rthk.hk #十大中文金曲頒獎音樂會

十大中文金曲呢個獎，除非有一日我出道做歌手 (which is我唔會做啲咁樣破壞樂壇嘅事😌)，否則呢世都唔會有機會攞上手，所以揸住佢打個卡係必須。 其實係因為早幾日做宣傳，同港台二台台長攞住個獎大談今次創作嘅構思，先有機會摸下個獎。再一次多謝程程嘅邀請，今次為頒獎音樂會做創作顧問係好玩嘅！ 今個星期，沉浸式餐飲劇場《Ko’s Coffee的最後一小時》同埋香港電台《十大中文金曲頒獎音樂會》同步入台+開show，兩邊都唔係簡單嘅嘢，實在令人精神為之一振！好在爆炸戲棚劇場同東九文化中心都未算好遠，一日來回幾轉都唔過分。 兩個show嘅日期分別係4月22日同24日。容許我消失幾日，任何唔係火燒眼眉嘅事務，請留待24號後先搵我，包括嗰啲隔日就問我得唔得閒打牌，但係已經俾我拒絕咗半年嘅朋友。🀄️🤣 #KosCoffee的最後一小時 #十大中文金曲頒獎音樂會 @rthk.hk @boomtheatre_hk @ourjournalofspringtime_spinoff

黃浩然：「真係好X多嘢記！但係個劇又真係好X正！但係真係好X難記啊！」 六位Nancy上個月完成了三十多頁獨唱戲劇本的地獄式背誦和綵排後，今個月輪到三位高立仁了！Ko’s Coffee來到第三次上演，很有幸地邀請到黃浩然、強尼、沈震軒，三位獨當一面、唱而優側演的男演員參與演出，每人演出兩個月，並由黃浩然率先上陣！ 事緣上年他參演我監製及出品的《三八》，發現大家也可以通宵達旦研究戲劇，既然是知音，當然就打蛇隨棍上邀請他來演出《我們的青春日誌》。但畢竟前者是一千人的大劇院的製作，後者是每場只能容納百多名觀眾的小劇場製作，所以我也只是冒昧問一下，誰知他告訴我：「你知唔知我帶完我兩個仔嚟睇，佢哋係咁唱《青春日誌》啲歌。」話口未完他就一口答應了。正式成為了第十二位高立仁。 人類的慾望是無止境的，既然他一口答應，我又打蛇隨棍上，問他有沒有興趣演高立仁的外傳《Ko’s Coffee的最後一小時》，他說是我令他入坑音樂劇，第一次的音樂劇演出給了我，那我覺得也不爭在把第一次的獨腳戲演出也給我吧。他問我是什麼來的，我告訴他是一個在餐廳裏演出的獨腳Cabaret，我解釋完來龍去脈後，他顯得很感興趣，然後問我拿劇本。我把那份三十頁紙、有十六首歌曲的劇本傳給他之後，就再沒有回音了。 然後有一天，他問我有沒有想過加林家謙的《一人之境》，我告訴他，新版本我也想加一首這幾年的流行曲，始終整個劇目是用八十年代到現在的流行曲去則寫高立仁在時代巨輪下的心境變遷。重點是，我視這個message為一個 “yes”。本來這次的版本我就想加入演員在觀眾面前烹飪的一場戲，這首歌剛好觸發了我的靈感，於是我寫多了三頁紙，在一個睡眼惺忪的凌晨，把剛寫好的對白傳給了浩然。 「嘩！呢場戲寫得好deep、好好！」第二天早上就收到他的訊息。「但係你有冇計過寫咗幾多字？真係好X多字！」然後去到綵排開始，我也是不停聽到他讚揚劇本很好，然後不停告訴我他快要背死了；但真的很好，但真的要背死……無限輪迴。到綵排的時候他發現，我加了很多小小的處理，希望可以令一個在幾乎沒有演區空間的劇場，有僅餘的小點子讓觀眾更易代入，加上他需要烹飪，需要緊記每一個步驟和幾時做什麼，更加面臨崩潰邊緣，然後他繼續一邊告訴我真的要記死了，一邊說這些處理很好，繼續接受我不斷「加料」。 去年在《三八》的舞台上，我說過他是「被演員耽誤了的歌手」。今次這個獨腳戲，除了可以看他精彩的演技，還可以再一次證實他唱歌真的很好聽！雖然他告訴了我一萬次「真係好X難記」，但他的專業態度實在令我敬佩，每一個綵排的細節，他都盡量去緊記，最令我欣喜的，是第一次看見他放低劇本，他所背的對白也是盡量貼近這個三十頁的劇本裏面的用字和語句，背後是多大的付出和心血呢！ 昨晚完成了第一個技術綵排，「好X多嘢記」和「啲對白好X正」仍然是繼續輪迴，從他每一次說這兩句說話，我就知道他有多肉緊這個演出，也是一位本應就可以留在舒適圈中，卻多麼願意接受挑戰的前輩演員。演員重視一個製作，絕對是導演和創作者的榮幸。期待《Ko’s Coffee的最後一小時》的三度歸來！ #KosCoffee的最後一小時 #我們的青春日誌

☀️ - 在陽光下做個小孩，在風雨裏做個大人。 - One day I’ll know how far I’ll go. - #onedaytrip

在長壽音樂劇《我們的青春日誌》飾演Nancy超過300場的爆炸戲棚演員張詠怡 (Winnie) 去年在《Nancy勞軍Show》的演出大獲好評，上星期在《Nancy戀噏Show》中特別演出一場極度熱烈，在過去四年與Winnie合作無間並加以培訓的主腦陳恩碩宣布徇眾要求加開明天最後一場。 💭青春外傳劇場《Nancy戀噏Show》經典K歌獨唱戲💘 戴祖儀 Joey ╳ 海兒 Hedy 阿妹@LollyTalk ╳ Carina@VIVA 四位女神 輪流演出 不同場次 獨擔大旗 反應熱烈‼️加開至20場‼️ 立即購票：/doc/93296 ♡ ♡ ♡ ♡ ♡ ♡︎ ♡︎ ♡︎ ♡ ︎♡ ♡ ♡ ♡ ♡ ♡︎ 邁向800場演出的香港長壽音樂劇傳奇《我們的青春日誌》最HOT角色Nancy的外傳獨唱戲《Nancy勞軍Show》2025年首演17場全部爆滿，觀眾一致激讚。 由接近20首經典K歌串連，原創人 #陳恩碩 親自創作及執導的升級版本《Nancy戀噏Show》，雲集了 #戴祖儀、#海兒、#黃敏蕎@LollyTalk 及 #李晞彤@VIVA 四位偶像實力派唱跳歌手，連同在長壽音樂劇飾演Nancy的爆炸戲棚新星 張詠貽 及 張詠怡 在不同場次輪流演出！ ♡ ♡ ♡ ♡ ♡ ♡︎ ♡︎ ♡︎ ♡ ︎♡ ♡ ♡ ♡ ♡ ♡︎ 演出： Cast A - 戴祖儀 Joey Cast B - 海兒 Hedy Cast C - 阿妹@LollyTalk Cast D - Carina@VIVA 特別介紹： Cast E - 張詠怡 Winnie Cast F - 張詠貽 Nana 藝術總監/編劇/導演/監製：陳恩碩 音樂總監：陳恩碩、袁愛欣 服裝及造型設計：蘇韻姿 舞台美學指導：徐碩朋 出品及製作：爆炸戲棚娛樂 演出日期：2026年4月2日起 演出地點：西九文化區戲曲中心茶館劇場 🪖 Alex區：$680 🪖 Dicky區：$580 🪖 Ben Chow區：$480 🪖 Victor區：$380 (視線受阻位😡) 🎟️加場場次現正於art-mate.net公開發售🎟️ 【先睇《青春》再睇「外傳」套票優惠】 🤩優惠1️⃣ 音樂劇《我們的青春日誌》 🎫 + 「青春外傳劇場」任何劇目 🎫 可即享扣減$100優惠‼️ 🤩優惠2️⃣ 音樂劇《我們的青春日誌》 🎫 + 「青春外傳劇場」三個劇目 🎫🎫🎫 可即享扣減$300優惠‼️ 🎟️優惠套票現正於boomtheatre.com.hk發售🎟️ - 演出全長約1小時30分鐘，不設中場休息 - 對白含有少量不雅用語，適合12歲或以上人士觀看，6歲以下觀眾恕不招待