O xullo que vén, tocaremos no
@resurrectionfest
En 2007 xa estabamos alí, diante do escenario, vendo algunhas das nosas bandas favoritas. Daquela Pants Off xa existía, pero ningún de nós pensaba que algún día poderiamos formar parte desa animalada de festival como artistas.
Grazas a todos os amigos e familia, e a toda a xente que nos escoita sen coñecernos, que compartides a nosa música e a valorades positivamente. Para un grupo como o noso, sen grandes pretensións máis alá de facer a música que nos gusta e buscar algunha oportunidade para defendela en directo, aparecer nun cartel debaixo de nomes da historia do rock como Iron Maiden, Marilyn Manson, Sabaton ou de grupos que levamos escoitando toda a puta vida, como A Day To Remember, Limp Bizkit ou Authority Zero, xa podedes imaxinar o que significa.
Queremos acordarnos tamén do festival A Revolta do Umia (
@revoltadoumiafestival ), os nosos veciños de Cuntis, que foron os primeiros en confiar en nós logo do longo parón como grupo. Volver preparar un directo e recuperar esa emoción tan poderosa de tocar xuntos foi crucial para que hoxe esteamos escribindo isto.
E, por supostísimo, mil grazas pola confianza á xente do Resu que tivo que ver nesta decisión 🤘🏻
IMOS CON TODO, VIVEIRO 🖤🔥
