琴晚去咗睇舞台劇
故事好怪誕 好香港 卻又令人窒息到不行
起初男主角只係好平常咁描述佢嘅生活日常 工作 工餘
看似好平常 但係其實每環都係有點病態
例如從小就沒有房間 訓係客廳朝行晚拆嘅梳化床
這個真係係香港平常都不行的事
母親總是忽視他的訢求 親妺妺的無視 爸爸直頭好似冇存在過咁
舞台劇用咗四個立方框
展示咗一場又一場嘅空間
但係好笑嘅係其實我哋現實嘅生活都係不斷咁轉換場景
但每個場景 我哋都係只有個小小嘅一格
教授話過現代建築 一架𨋢幾大？一個窗幾大？
都係德國人喺戰時研究嘅成果喎？
公司辨工枱的一格 、訓教有兩格 、坐巴士一格
喜歡的嗜好都係一格、音樂也是一格
IKEA 也是一格格
而呢一格格 又好似我哋細個玩煮飯仔
去想像呢度就係床、呢度就係客廳
好似細個嘅時候以為自己長大後一定會成為一個有用嘅人
一定可以改變世界 努力就會有結果
但現實係你只係被圈養喺嗰一格入邊
劇入邊有一個場景好深刻
其實因為套劇真係太窒息 又太熟悉
所以我嘅記憶有啲混亂 淨係記得一個又一個令人唞唔到氣嘅感覺
其中一幕男主角匿埋咗本身框左係魚缸的框入邊痛哭
冇聲 冇音樂 冇讀白 得返一兩個光源 我地就乾巴巴咁望住佢
但係上面又掛住咗一條好靚的發光蜥蜴尾巴
聽說過令一個人最痛苦唔係令佢去到絕望
而係比希望佢 之後又拿走
要佢喺痛苦中又睇到美好嘅嘢
而個啲美好嘅嘢都係與你無關
整個世界都有光 只有你一個係黑暗入面
以為自己係旁觀緊佢嘅痛苦 不過其實我哋都係個個盒入邊
Sor係咁風和日麗嘅星期日講啲咁黑暗嘅嘢
我覺得喺現今嘅香港活着
要知道自己係喺呢一格入邊
同時令自己嘅意識唔喺呢一格入邊
就算喺係呢一個格仔入邊，我也是活著的
呢個舞台劇叫做香港沒有動物園
@string.unit 策劃、編導係
@hyiklaam
舞台美學、整啲衫係
@chandoiyan 
