Stitch

不但如此，就是在患難中，也是歡歡喜喜的，因為知道患難生忍耐，忍耐生老練，老練生盼望，盼望不至於羞恥，因為所賜給我們的聖靈，將神的愛澆灌在我們心裡❤ 突然領悟到，神是給我學習順服的功課嗎？不順服人的旨意，怎能教人相信自己順服神的旨意呢 人生中遇到挫折是正常不過的事，沒有什麼好介懷的，所有人都曾經受過質疑，被人打擊過信心，這些都是人生必定經歷的階段 挫折使人有動力改變以往的自己，做到更好，更得到別人認同 那麼基督徒呢？我們什麼時候才醒覺自己沒曾為過耶穌基督改變過自己的懶惰，自我中心，半途而廢…… 我們經常在乎人對自己的意見，什麼時候聽過神對我們的建議，批評呢 不要看世事看得太重，人生短暫，是否應該在乎天國的事情，多於眼前的種種呢 經常想像自己有一天，讀完書了有空了，自然就會回到神的懷抱裡，做回神的乖孩子，可是現在不行啊，還有一疊疊功課啊教科書啊等著我完成，溫習，現在真的沒有時間了，過一陣子就會好好的親近神了…… 可是我們什麼時候才有空呢，即便考完DSE了，自然有其他的活動，去跟同學慶祝？去旅行？探親戚？行程仍然是鋪得滿滿的，哪裡真的能擠出一點時間給神呢 基督徒請你們好好的反思：除了小時候興奮的會主日學聽道，長大後現在的自己有多少時候是面對著神的，有多少時候是對著地上的繁瑣事情的 今晚好好的祈禱，向神坦白吧～這個問題是大部分基督徒都有的，只差自己願意不願意接受它，承認它，拋掉它 還要感謝神，因為祂派兒子來釘十架流寶血，我們現在的罪才可以被赦免，否則我們的罪加起上來，必定比黑色還要黑千倍萬倍 附件： IMO training 2020 Combinatorics lesson 3.3 Further examples 😭 點解可以仲有example 前面嗰part已經好難啦喔…… Date: 11/08/2020 IMO training phase II 開始報名了，記得報啊！！！！！唔報會被追殺的……💩💩💩 截止日期：31/08/2020📢📢

做了虧心事的人是睡不著覺的🙃 唉 好彩唔使返學住 突然好想永遠唔上實體課 好想quiz數💩 不過自己拿來嘅嘢冇得怪人嘅 有交帶啲就冇問題啦… 話我錯 我認嘅 不過我覺得你都唔應該咁嘅態度同我講嘢，真係會令人好反感唔想覆機 最令我唔想理你嘅係你每次話我都達返成年前我APMO早退嗰陣唔通知你 去完俄羅斯剛剛落機冇瞓過覺喺飛機仲要操卷然後冇去到CGMO test嗰啲事出來 既然我已經知錯了道歉了係唔係應該唔嬲啦 就算仲係😡啊 係咪唔應該吓吓都搵返舊賬出來計啊 我知我錯過 我唔啱 但係如果每次都用返以前嘅標準來睇一個人唔係一件啱嘅事 就好似一個犯過法嘅人 佢既然受過懲罰認罪了，係咪應該唔再用對住犯人嘅心態來睇佢呢 我真係每次見到啲messenger message都覺得好難受 我都唔知點解釋 我嗰次早退係為咗集會嘅時候敬拜隊可以齊人一起喺台上敬拜 我唔去test係因為剛剛先落機根本冇呢個精力腦力去考test 就算比我去到遲大到咁考都唔會考到啲好嘅嘢出來 我知道我這些對你來說是掩飾是藉口 但這些真是確確實實嘅理由 你唔再信我 我明嘅 比着我係你 遇到個學生冇嚟交帶都唔會滿意 這些我都明白 我都有後悔點解唔早啲同你講清楚我嘅想法 一起傾吓 我都想再係你面前好好咁表現一次一個有誠信嘅形象 到今次 開頭CGMO停課改期呢啲我冇通知你 我知道你在意之後都努力send啲quiz嘅成績同solution比你 但係大前提係要你接受我 我知道如果你一直覺得我係一個好差嘅人 我就算做得幾好都冇用 一樣會睇唔到 剩係見到我種種唔好 就例如我send呢啲嘢你可能會覺得我只是想補救 根本唔係真心真意願意改過 你對我有質疑係正常嘅 我都寧願你直接同我講你對我嘅不滿 好過收收埋埋唔講 唔講出來我仲驚 到時比人罵都唔知咩事 你唔講呢啲我反而冇諗咁多嘢 你嘅肺腑之言令我回想我係咪真係真心真意承認自己嘅錯而努力做出補救 定係呢啲所謂嘅補救其實係我一直搵緊藉口說服自己仲係好好 其實係逃避自己嘅問題 你話所有嘢都搵任教數學老師聯絡 我知呢個唔係你原意 但係我真係唔知點處理 老師又唔係負責MO嘅嘢 負責嘅人係你啊嘛 但係你出到聲 我應該繼續send啲嘢比你吖 定係唔理你好 我知道呢啲都係藉口唔理你 我喺度逃避自己 但係我應該要點做好 send嘢比老師似乎係應該更好嘅選擇吖…… 我曾經想同你坦白我嘅感受 但我唔敢 我怕我講咗你又喺我堆字入面挑骨頭 又寸我說我怎樣怎樣 我究竟是怕你這個人 怕我自己嘅問題 定係怕其他人嘅意見 我仍然係逃避緊問題 如果你唔係基督徒 我應該好明白點解 見到每個可愛的初中基督徒 變成高中一個個唔再聽話自己亂來嘅人 真係唔係一個好好嘅見證 最令我唔開心嘅係我 既然係敬拜隊成員 係代表著成間學校基督徒嘅一群 我竟然喺同學面前有好好嘅一面 對住令自己難受嘅人就揭開真面目了 還說多麼屬靈 聖經說愛我們嘅仇敵 我講呢句都好似好有問題 我嘅老師點可以係我嘅仇人 講兩句唔啱聽就當佢係仇人 我呢個人究竟係一個點嘅人嚟㗎 咁都得嘅…… 我好耐冇祈禱了 好耐了 回想起最誠心嗰次係中一嘅時候 我好朋友有某些原因入院了 我每晚堅持要祈禱 就算唔知講咩都要keep住祈 祈到佢出院…… 我係咪應該搵吓神 點解次次大難臨頭先想起自己一直都有嘅依靠 我咁自私 難怪會冇信用 難怪我唔知點解會得罪人 係因為我嘅本質？因為我遠離神？定係呢個係神比我嘅考驗？定係因為全部嘅原因？ 有疑難 唔會避得開 始終到呢一日 要硬着頭皮上 “闖煉啊英子”😂（可能寫錯字） 唉 我唔知結果會點 我只知人哋唔會咁易原諒我嘅過錯 但我知道靠着主凡事都可以渡過 耶穌釘十字架 任人魚肉 佢都唔介意 作為跟從耶穌嘅一群 受磨練是必然的 我應該要感恩我受質疑是因為我嘅錯 唔係人無緣無故地罵我 令我更好受 這次的教訓令我上了一堂好深刻嘅生命教育課 作為基督徒我應該跟隨耶穌 以虔誠的心學效佢嘅為人 凡事謝恩 曾經我小時候有一句成日都記得嘅金句（因為好短好簡單）“要常常喜樂 不住的禱告 凡事謝恩” 😊 現在長大了 思想複雜了 我仍然要時刻緊記想小孩子的心一樣單純的道理 想小孩子一樣不怕被責罵 不怕認錯 不怕沒面子 只有一顆單純的心做到最好 在生命中活出神❤ 今晚 我會好好的祈禱 堆積了很多很多東西要跟神說 很多的感恩 很多的祈求 很多的感言 “明日自有明日的憂慮風雨 一天的難處一天當就夠了”感謝神帶領我嘅人生 帶領我行到你面前 重新做個屬神嘅人。 附加檔案： IMO training 2020 Number theory lesson 3 算可以吧 （其實我嗰天出咗去吃午餐了😂😂😂根本冇聽過佢講，係錄咗影先可以重溫返嗰堂😂） 大概明嘅，但係都係嗰句，要用到出來先得㗎～～🙂 Date: 15/08/2020

IMO training 2020 Combinatorics lesson 3.2 Solving recurrence relations Q5抄唔切🙈漏空了。。。不過唔緊要後面嘅題目都係做緊相似嘅嘢，漏咗最簡單嗰頁都唔成問題啦😅 如果剩係呢part（簡單咁解recurrence嘅😂）就ok嘅 之後嗰part就……🤯 💪🏻💪🏻💪🏻希望test唔好咁深🙃 Date: 11/08/2020 （宜家上緊數學堂😂😂😂）

IMO training 2020 Geometry lesson 4 Power of a point, radical axis, radical centre 雖然成日聽，但係要運用到出來，都真係幾考功夫🐼🐼 今年額外多咗2條題目🤤 1. PCIMC 高級組 Q20 2. 唔知邊度嘅題目😅 幾有趣吖，不過最有趣嘅係一點都可以係一個circle🤯 point circle😊（雖然舊年都講過不過做題嘅時候點諗到先得㗎……） 總結：幾何要有sense，冇sense就放棄佢啦😊捨難取“易”🙄 有時有啲嘢人哋一眼就睇到，自己望住佢望到嘔都未睇到……就好似我對住CGMO第一題條geom咁💩 冇辦法 資質問題 想要都冇得你要😊 Date: 08/08/2020

CGMO題目 第一二日 中英文版 有題目要開心share啦😄 有興趣嘅可以試吓做吓 要solution可以pm我☺ 3樣要恭喜嘅事情🎉： 1。恭喜一個team member成功appeal加到6分，所以今年CGMO香港有5個銀牌🏅🏅🏅🏅🏅（我搵唔到有銀色嘅牌唔係寫住個2字😅） 2。恭喜我自己😂不是銀牌cut off😂😂（因為有人低過我3分都有銀😂😂）（我恭喜咗人哋先恭喜自己係咪好有禮貌呢🤣🤣） 3。恭喜今年香港隊創新高成績🎉🎉🎉5銀3銅🎊🎊“record breaking”😂唔只馬拉松會break record宜家比賽銀牌數量都可以break record🤩🥳🥳

IMO training 2020 Geometry lesson 3 Introduction to circles and problems related to circles 教嘅嘢真係同CGMO差唔多，係啲例題唔同咋 咁始終兩父女都教幾何用同一份notes改少少就做新一份都好正常嘅😂😂😂 最後嘅挑戰題原來係加parallelogram😂 都算係識多咗啲幾何知識😂 Date: 06/08/2020

IMO training 2020 Combinatorics lesson 3 Recurrence relations elementary examples 呢堂幾好玩😍幾開心😄 Date: 11/08/2020 之後會補返CGMO+之前IMO training未post嘅嘢 CGMO派咗成績🤩我有冇咁好彩，應該剛剛好😂😂😂如果低3分未必有銀啦🏅😆

IMO training 2020 Geometry lesson 2 Area lemma, Ceva, Menelaus 幾何喺全部堂入面算係最好嘅堂㗎啦😂 起碼上得最舒服（唔使份notes搖來搖去😂 節奏係慢啲但係最緊要聽得明😂😂 Date: 04/08/2020 3日後就CGMO啦😭希望呢啲幾何幫得到手……

CGMO training 2020 Inequality 8 questions 呢堂好有意思😆真係識咗點樣應付啲inequality 希望去到CGMO真係見到inequality嘅時候識做啦😭 睇過啲past paper發現大部分都唔識做。。。 Date: 27/07/2020

IMO training 2020 Number theory lesson 2 CRT, FLT, Euler's theorem 都係同CGMO撞晒😂😂 不過聽多一次就熟一次啦😅 希望聽過咁多次真係可以學以致用幫到做題啦🙈 現在的成果：NT homework（容易個份）做到4題……差1題…… 💪🏻💪🏻💪🏻💪🏻💪🏻 Date: 30/07/2020

IMO training 2020 Number theory lesson 1 今堂教嘅嘢係全部都識嘅 同CGMO仲好似撞晒內容😂 不過之後嘅number theory就冇咁簡單啦😭 好好享受頭一兩堂，之後就教得好深㗎啦😭 好似仲有功課要做🤔💪🏻💪🏻 Date: 28/07/2020

CGMO training 2020 Number theory lesson 3.2 Euler's Theorem + order 聽咗咁多年都仲係唔識order點用🙈 😭😭😭😭😭😭 睇solution明嘅，但係要自己諗個solution出來呢就…… 💪🏻💪🏻💪🏻🙈 Date: 24/07/2020 IMPORTANT: CGMO update: 比賽時間改為 8月9日 14:30-18:30 8月10日 08:00-12:00