挽歌wangor

熊貓Rachel 【曖昧未明】 閒聊隨心得足夠輕盈，渲染著你我澄淨。 日常排練公式反應，春雨細無聲。 從來極明亮的心底，似未有畫上陰影。 神情純如白雪般通過了驗證。 作曲：Ryan.P @ryanp.pang 填詞：挽歌 @singtosay 編曲/混音/母帶製作：Ryan.P 監製：Ryan.P/熊貓Rachel All instruments by Ryan.P Except acoustic guitar by morrischau @morrischau.wav Recorded by Ryan.P and Oscar Tong @oscartong1111 at Y.Siudio 24/12 22:00 YouTube Channel搶先聽 25/12 00:00 各大音樂平台上架

淚水與靈魂交織，過去的陰霾逐漸消退，心境微調後迎來新生，如同天窗打開般澄明，打破憂鬱、煩惱，讓心態重塑，迎接全新的藍圖。這首歌風格輕快中帶著寧靜，希望能夠帶給您一種「放輕鬆，讓自己去」的感覺。 來到我今年(2025)第六首派台歌曲，這首《不了了之》找來了填詞人挽歌作詞。動畫也再次請來為上年《兩個人的貼地聖誕》同今年《我在櫻島的岩石上種下了一個港幣五毫子》繪畫動畫的Pencilization操刀。 一首適合心境疲憊時聆聽的作品，鼓勵大家放下執著，迎向曙光。 《不了了之》 曲編監/ 曹朗 詞/挽歌 結他/ Kin @kin_c816 其他樂器及電腦編程/ 曹朗 和音/ 曹朗 混音及母帶處理/ 蕭禮言 @laiyinsiuuu MV動畫: Clara Fu @ Pencilization 淚 隨時能停流數秒 靈魂沿途回去了 活用自我意識跑與跳 不必聽妳呼召 末世原來捱過了 動或靜仍如我 心態已微調 事終於不見得 似妳所料 接好撲向心底的驚世海嘯 前事和後浪 亦靜悄悄 驟看沒狂潮 天窗 開透了 足夠 我忘懷了 諸君多見笑 想妳到凌晨太傷身了 不了 發過高燒把心思燒到盡處 便退燒 芳霏 開透了 足夠 我澄明了 鮮花賞過了 給妳拍下存照非必要 不了 沒半點憂鬱的徵兆 新一朝會更閃耀 夢 大概能重燃數秒 是舊日 盲從妳的我 太無聊 但今天膽壯得 領唱反調 再珍愛也經不起一世 纏繞 鳴謝妳無常 叫我預習 未算少 天窗 開透了 足夠 我忘懷了 諸君多見笑 想妳到凌晨太傷身了 不了 發過高燒把心思燒到盡處 便退燒 芳霏 開透了 足夠 我澄明了 鮮花賞過了 給妳拍下存照非必要 不了 沒半點憂鬱的徵兆 新繪一副藍圖了 悽悽慘慘戚戚的清照最好接受治療 無雛菊了 總可手執春櫻 把幽怨泯在某夜某宵 天窗 開透了 足夠 我忘懷了 諸君多見笑 想妳到明晨太瘋癲了 不了 俗套的飲飽吃醉 一覺睡去 沒困擾 芳霏 開透了 足夠 我澄明了 鮮花賞過了 等與妳重逢 形若路人 微笑 沒半點深感的不妙 捨不得再回頭了 我的心跳 為我心跳 不失奧妙 放下 #心靈海嘯 #RelaxAndLetGo #心靈力量

#太陽與地球 《原位 Orbit》 原：太陽與地球 你 已是我僅守 未縛起 都懸上心口 幸有這一段 無窮限期的 等候 在異處 俯身 仰首 可以當個扯線胡桃木偶 給你牽過手 也假設沒有 如果你最後 提起我再漫遊 留你我 在原位 心事如囈 淡然沒牽繫 純真得 似最初 心無旁騖 未說出約誓 遙遠卻並行著 不懼明日 換誰被接替 都不算太實際？ 放棄擁緊你 更加可貴？ 要 有耐性的走 讓細水 寫成了春秋 若有多一段 微微動人的 感受 就夠我 釋不了手 不屑一顧跟你 前塵極厚 想聽的愛歌 我可以獨奏 誰管到最後 痕跡 有過沒有 留你我 在原位 心事如囈 淡然沒牽繫 純真得 似最初 心無旁騖 未說出約誓 遙遠卻並行著 不懼明日 換誰被接替 都不算太實際？ 放棄擁緊你 更加可貴？ 寧願猜不完謎底 滋養我的執迷 自行做夢 無限搖曳 讓同樣殘調充斥耳際 時間繼續 流逝 一直維繫 二人沒關係 談起偏愛那位 恰如其分 難明言哪位 全世界在停滯 追逐無謂 二人沒原委 只不過太實際 太過珍惜 讓我 等一世

《朝花不夕拾》 - 幾分之幾 粵語版 韓照昌 Anson Hon 詞：挽歌之聲 singtosay @singtosay 歌詞 熾熱的我們 何來餘燼燒起 再沒假設 重重人潮 未丟失妳 被回憶渲染著那天地 只有 朦朧美 變舊的我們 能從何日修起 每步都似窮途 無殘念卻自欺 朝花 早開透了 自然暮死 夕拾 倒不如 葬花般銘記 陣發地想起妳 統統只不過我在回味好戲 就讓彼此像棄子給厭棄 再一天便記不起妳 #朝花不夕拾 #韓照昌 #ansonhon #挽歌之聲 #singtosay #盧廣仲 #幾分之幾 #粵語版 原曲：《幾分之幾》 盧廣仲 @captain.lu

#音樂星期日 #分號專訪 從高登到林家謙 ｜「網絡填詞人」的身份掙扎 ｜ 專訪《不求月老》、《戀》、《了了》填詞人 挽歌之聲 ｜前言 —— 何謂廣東歌？   請問每一位讀者：對你而言，甚麼是廣東歌？是否用廣東話獻唱的歌曲就是廣東歌？那麼改編歌又能算是廣東歌嗎？網絡改編作品填詞人又算得上是真正的填詞人嗎？本期《分號》專訪，帶你和坐擁十萬訂閱、四千萬觀看次數的本地填詞人挽歌之聲（下稱「挽歌」）深度對話，一探其十多年填詞修行的心路歷程，發掘更多作品之中不為人知的故事。 ｜創作原點 —— 從建構審美出發   與許多填詞人一樣，挽歌的填詞旅途由改詞開始，「一開始喺高登聽人唱歌，又睇好多『高登故』（網絡小說），開始同朋友一齊寫小說，又開始唱歌。」他認為自己填詞的原點是從建立自己的審美觀出發，「當我唱咗人哋嗰啲歌（非自己填詞的作品），我自己就開始會有 judgment（判斷） 喇，咁於是乎我就諗，點解我唔可以做符合我自己諗法嘅嘢出嚟呢？嗰陣時就踏出咗填詞第一步。」從此挽歌便踏入唱作高登網絡歌曲的旅途，在發揮文字創意的同時又能一展歌喉。有網站就整理過挽歌的作品列表，在2012-2016年五年間，他總共有80首主唱作品，近100首填詞作品，屬相當高產的唱作人。   在云云眾多早期作品當中，挽歌就向年輕讀者重點推介其2015年發佈的改詞作品《阿婆的主題曲》（改編自汪明荃《銀河》）。歌曲以一名行將就木的阿婆為第一視角出發，訴說著自己晚年的悲涼慘況，當中一句「曾無限大咬不留情，但最終用上保麗淨；無人閒談沒呼應，子孫不太生性 ，生果金也分清，大不敬。」玩味十足。挽歌表示，自己介紹此曲的原因是這首作品能捕捉到其填詞早期的心態，「唔可以話我依家冇咗呢份幽默感嘅，但係可能係冇咗個 sense 去做啲比較 catchy 啲嘅嘢。」此刻回首，原來開始填詞已經是十多年前的事，經歷歲月的洗禮，心態不盡相同，作品風格自然亦會產生變化。   ｜星級合作夥伴 —— The Hertz 主音 黃瑋中 Herman   提及挽歌，就不得不提經常演繹其作品的歌手黃瑋中 Herman。Herman作為樂隊The Hertz主音，擁有一把能駕馭高難度旋律的靚聲，正適合演繹挽歌經常改編，特色是又長又難唱的日文歌曲，當中最為人熟知的作品就包括《戀》（改編自《月薪嬌妻》/《逃避雖可恥但有用》日文主題曲）、《聖誕頌歌》（改編自日本樂隊Back number《クリスマスソング》）、《拙作》（改編自米津玄師 《LEMON》）。其後挽歌亦有為Herman的個人原創作品《失重效應》和《想寂寞》填詞，二人合作無間。「Herman錄音同後製勁專業，交俾佢唱唔使擔心咬字或語氣問題，同埋佢好理解到我想要啲咩。」 ｜離開高登 —— 陷流言蜚語   樹大招風，作為高產又高收視的網絡填詞人，挽歌在高登音樂台打滾數年，亦曾深陷流言蜚語。「以前會喺討論區同人鬧交，例如被質疑『YouTube賺錢唔分畀人』，甚至要cap後台自證清白，又會有人鬧我霸哂啲歌唱。後來明咗『無論點鬧都係自己輸』，因為人地鬧你同你回應人嘅成本唔對等，所以開始減少回應。」   事實上因複雜的版權問題，單靠在網絡發佈改詞作品根本難以維生。挽歌翻查後台數據後屈指一算，原來十多年填詞生涯累積過千萬觀看次數都只不過賺取約五位數字收入，「十首歌得三首（合法地）賺到錢，因為七首都撞版權。例如改側田歌，盈利全歸英皇。萬幾views賺$30-40，十年大約賺四萬八，根本唔夠維生。」面對攻擊，挽歌雖不算心灰意冷，但無可否認亦曾影響其心態和產量。「一來被圍插會質疑『自己係咪真係填得差』，二來生活變忙，以前食完飯打完機就填詞，而家要返工，朋友都冇時間陪，點會坐低填？」   ｜填詞里程碑 —— 與林家謙合作   近年挽歌雖然逐漸減產，但作品貴精不貴多，去年更與林家謙和鄧百亨合作，填下《了了》。原來合作的契機源於鄧伯亨，「Herman介紹下，我就幫鄧百亨寫咗第一首歌，叫做《懂得荒唐》。佢就覺得我填詞有一種『強迫症』喺度。即係可能我呢個位一定要擺個比喻，又可能呢個位一定要係押韻嘅，我會有一種好堅持嘅感覺。 佢好鍾意呢種所謂好工整嘅感覺。咁所以佢就又再搵我合作。」 再次合作，《了了》其實本來只是放進鄧百亨的個人專輯，挽歌一開始並未知道原來林家謙是其中一條melody的創作人。一開始，歌曲Demo只寫著「淡淡」兩隻字，於是他便以此為原點開始創作，「佢send嚟demo寫住『淡淡』，我就按自己風格填廣景同留白。交稿後佢覺得好match專輯概念，完全冇改就用。」慢工出細貨，挽歌坦言自己屬於愛「拖延」的那種人，《了了》花了他九個月至一年的時間才完成，他最開心的是自己的詞作屬林家謙的審美範圍內，成功得到一位才華洋溢的音樂人認可。 （仲有一段喺留言區🫶🏻） 撰文 // 言兼 @iamborjaixd 設計 // kaiser 分號 INTERLUDE HK 2025 #分號 #音樂星期日 #專訪 #挽歌之聲 #林家謙 #鄧伯亨 #黃瑋中 #不求月老 #了了 #戀 #廣東歌 #香港人 #香港

YouTube 要人！！！！ 往死裡Share，當大家畀我嘅生日禮物可以嗎？ 由於今日係本人生日，所以我好不要臉地逼 @emiko_mus @justin_ky_fok @_kelly_yan 送咗呢首歌畀我。 多謝Emiko喺知道呢首嘢嘅觸及率會仆直嘅情況下，依然仗義地幫我錄咗呢首如此inside嘅歌。 而且係喺臨時臨急之餘佢自己都有project ongoing嘅情況下錄完又錄，真係好感激。 想喺度重申多一次，我真係好鍾意聽Emiko唱歌，望周知，望眾如是。亦求上蒼賜機會畀我第日再有機會同佢合作。 好多謝JG霍金(喺峽谷gank上路)幫手Mixing，真係好好聽，你地個個都勁到不得之了。 最後多謝我老Best Kelly幫我整呢個伴奏，下刪千言萬語，可以嘅話返嚟攬下我都ok。 大家路過可以聽下，或者專登去聽下。 ---------------------- 呢份係一份三年前嘅歌詞，一份同自己傾偈嘅歌詞。 其實我間唔中都會發現自己情緒唔多妥。 有時半夜瞓喺床上面，忽然間會覺得好驚，好驚要面對第二日嘅所有人事物。 望住天花板，個心跳得好快，緊張到全身都係汗，不知所措。 好希望時間可以停住，可以倒退。 唔想見到光，唔想見到任何人。 直到見到個天開始光，先帶住倦意同恐懼合埋雙眼，接受明日已經變成咗今日。 我覺得自己好似畀啲嘢困住咗一樣，過下又一日，過下過下又一日。 然後諗到夢想，我已經分唔清楚，到底係我自己嘅不作為導致夢想無起色；定係夢想無起色導致我自己嘅不作為。 當然，事實的確係無起色，事實亦的確係我不作為。 而我無同任何人提起過呢件事。 當然我亦唔認為向任何人提起係有用。 所以我寫咗呢份歌詞，當係一聲求救？一種告解？一篇自我剖白？ 希望明嘅人會明。

【關於我有幸為 林家謙＆鄧百亨 寫歌詞這件事】 大家知我一向只識講經，唔解歌詞。 所以今次一樣，望大家賞薄面略讀一二。 圖１）當然係了了圖 @terencelam0903 @henryphtang 圖２）多謝鄧百亨。 多謝Henry畀咗個機會我去填一首旋律咁好聽嘅曲。 兩年前，佢話搞緊一壇有兩條melody line嘅嘢，仲話如果成事嘅話，只可以係搵我搞。 本身我仲不以為意，心諗亨師兄一定係無筆直先噉講，等我畀個清盤價佢嘆。 點知幾個月後收到Demo一聽，喃你老嘸，真係好L好聽，我直頭想申請做義工。 只可以話，"只可以"呢三隻字入面包含住嗰份信任，我而家回望返都心有餘悸。 當然，我保留呢三隻字佢只係隨手打嘅可能性，畢竟我係INFJ-T。 但係，真心好多謝Henry師兄，希望以後依然可以同你一齊整歌，一齊反CUP香港樂壇。 圖3）多謝林家謙。 查實我此前同林家謙嘅關係，點講呢？關係好好，就好似我同隔離屋何小姐一樣，係無關係嘅。 當然，我承認我係成L日盲目吹奏林生嘅唱功同創作。 例如成日喺佢啲歌度留言我愛林家謙；又例如一喺討論區見人批評佢唱功我就反駁隊上身； 但追星還追星，我勢估唔到自己有朝一日會成為佢大碟入面嘅其中一個填詞人，萬分榮幸。 圖4）多謝林家謙＆鄧百亨 多謝謙少同亨少對我同《了了》嘅信任。 創作上嘅自由度畀得好足，拖延症嘅忍受度亦拉得好高。 全程我諗乜就填乜，文案我想點寫就點寫，你地好似食緊填詞界嘅omakase噉。 直到我最後聽曬成隻碟，先真正明白乜嘢叫做「不謀而合」。 音樂嘅嘢、情緒嘅嘢，你知我知，喃嘸佬都知。 好多謝兩位 take 我呢個 risk。 老實講我諗好多嘢，點擊差噉點算？有人嘈噉點算？影響到林家謙噉點算？我好唔好去MV留言？提得太多了了會唔會唔係太好？ 不過做人就係要勇於遇見所有遇見，let's see。 圖5）多謝挽字頭 與其話得益於吸引力法則，倒不如話多謝咁多位唔同挽字頭喺冥冥中有意無意為我做嘅事，令我可以有呢次機會。 可能係一次點擊、一次讚賞、一次分享、一次留言、一封畀林家謙嘅信。 每次見到你地替我開心，我就話畀自己聽唔好放棄住，有人想睇我填嘅嘢，仲有人想睇... 有你地有我，在心中。 #thanksbonnie #thankshermanwong #thanksmyself #今次唔好叫老挽因為我係全碟最後生

噉講啦，其實林家謙首喃嘸師真係好出色，首歌出嘅當日我就已經被洗腦，凌晨三點都仲喺腦入面播緊條melody。 聽多咗兩日之後，真係忍唔住手，決定又要填下詞，所以就用咗半日寫咗環保師出嚟。 然後第二日咁啱就約咗 @hlau1120 @xabi__76 兩位師兄食飯，而呢個主唱組合亦一眼一瞬一應生！席間大家亦十分老定地assume @alanc_033 會幫我地混音，簡直毫無羞恥心。 仲記得當日分別之時係03：02，但係我05：57已經收到hlau嘅部分，簡直刷新咗我最快嘅收貨速度，要知道佢其實搭車返屋企係要時間的。 於是我一不做二不休，催鳩xabi ，無錯係派詞後一日馬上催，快過我平時幫公司催快件。而佢亦不負眾望極速起貨。 壓力去到alan度，呢首嘢佢整到呢個程度都可以話係巧奪天工，我一路吹毛求疵一大堆“有的沒的”，alan同hlau都幫手一改再改，佢地簡直係三世善人。 最後我地用咗唔夠5日就整咗呢件嘢出嚟。 我知未必多人聽，但我玩得好開心。 超多謝環保四人眾。

《Prelationship》 首先多謝 @ec_edwardchan 搵我寫嘢。 And nice collaboration！ @key_ng_ @karasu_kurisu 填詞真係一件好開心事，希望有更多開心事.... 有勞各位挽字頭去 @ec_edwardchan channel 聽歌同睇MV，主要都係支持返沙貝兒，因為沙貝兒係真係靚，唔係講笑。 @xavier_elvina ＝＝＝＝＝＝＝＝＝＝＝＝＝＝＝ ［真文案］ 記得愛因斯坦講過： 「辣就辣；唔辣就唔辣，乜撚嘢微辣？」 「拖就拖；唔拖就唔拖，乜撚嘢Pre拍拖？」 可能你地唔知佢有講過，不過唔緊要，佢係講過嘅。 但係，我今日要推翻愛因斯坦為「Pre拍拖」所貼上嘅負面標籤！ 首先： ∵ 「ViuTv」＝「黃」 ∴ 「Pre拍拖」＝「拍拖」 我同佢係拍緊拖的。 假設佢每一次同新歡一齊咗之後都會拋低我； 然後佢同每一任新歡分咗手之後都會搵返我； 我同佢「拍拖」嘅時長同次數，絕對比起佢同任何一任新歡拍拖嘅時長更長！ ∵ 「我」出現次數多 ∴ 「我」＝「主角」＝「佢男朋友」 應該係噉計喇...... 應該係...... 係嗎？......

【我不是挽粉】 但是，挽歌這個年輕人 純品、真實、善良、有禮 是個萬中無一的的S級小伙子 他的作品每每發人深省，偉大無比 我今年已經三千歲了 耳蝸在二百年前渡劫時受損 只聽得見有挽歌參與的音樂 盡管挽歌每次直播唱歌都感冒 唱什麼都像狗屎垃圾一般 但我欣賞的，是挽的努力 他說過要成為樂壇第一填詞人 他真的做到了 樂壇第一窮的填詞人 蜀中無大將，廖化作先鋒 這就是挽 不好意思，說錯了 心清好明鏡，俗世不玷污 這才是挽 多謝 （每個留言請先聲明：我不是挽粉）

《星光一眼可尋》 （我決定以後一歌一post！） 依稀記得有人同我講過： 當你認為嗰粒最光嘅星星會令人忽略咗晚空嘅時候； 請唔好忘記粒星星之所以咁光，係因為有晚空存在。 跟住..... 呀我記得喇！原來無人同我講過，係我自己講嘅。 As you all know.... 有種愛頑石般不肯變更，然後仲會輪迴同自焚bla bla bla噉樣。 但係講就威，做就虧，唔好講自焚，專一長情努力堅持了解磨合都難啦。 唔結婚？散！ 想結婚？散！ 戴綠帽？散！ 錢唔夠？散！ 茹姓太罕有？散！ 陳姓太普通？散！ 離合嘅原因就好似DC9拒載嘅藉口一樣層出不窮。 所以「愛」對好多人而言，未必係大家想像中咁正能量。 可能係一把刀；係一個墓；係一段傷心事；係一劑慢性毒藥。 亦可能係一個大話，就好似挽歌話「今個月出歌」一樣。 之但係，個世界好多人，你總會遇到下一個人；下下個人；下下下個人。 直到嗰個人係會同你分擔大小事；願意了解你；接受你嘅缺點；陪你向住同一個方向行；放你喺佢人生藍圖入面。 令你或多或少會有種感覺：係呢個人喇！ 去到嗰陣，我想問why not？ 如果連試都未試又喺度諗返： 唔結婚？散！ 想結婚？散！ 戴綠帽？散！ 錢唔夠？散！ 茹姓太罕有？散！ 陳姓太普通？散！ 建議你去申請白卡，順便改個名避世。 你問我改咩新名？ 好簡單！ 如果你因為畀DC9拒載過，就唔搭一架可能係唔洗錢嘅Tesla，你就係Silly！ Silly發音就係 see Li 斯李 而我地華人社會 習慣將last name 擺前面 所以!!!!!!! 答案就係李斯喇 而做過李斯嘅TVB藝員就係得陳國邦 所以!!!!!!!!!!!!!答案係!!!!!!!!!陳國邦 國邦，無人知最後你地會點，可能結果真係physically輪迴，但你唔試點知呀？ ＝＝＝＝＝＝＝＝＝＝＝＝＝＝＝ （好，我終於打完長文，如果你地睇到呢度，其實我只係狗噏下，同首歌無乜大關係。） 認真嘅。 多謝CallDEAR搵我填 《星光一眼可尋》 不求月老好hit，好多like，所幸嘅係，於佢於我都多咗機遇？觸及率？whatever。 但最開心嘅係佢搵我填佢嘅原創。 對我而言，係被信任被認同，同嗰種久違嘅let's make something bro!嘅感覺。 thanks @claudia.koh it means a lot. http://youtu.be/jRfmhfpV69o

不知不覺，十一萬了，多謝大家。 希望6月有歌出