@paperskingk Instagram profile, stories

Download

2025.09.22. 今日我地結婚一周年喇💖- 「紙婚」仲好清楚記得上年嘅今日你係幾咁期待緊張同興奮，你諗好左一段說話但又眼濕濕講唔到野🥹但其實我係非常清楚明白你對我係點。 @jackysin 老公我想讚下你嘅愛，雖然你個人已經唔係生勾勾喺我身邊，但你嘅愛確確實實包圍住我咁存在。你離開左之後，我遇見嘅人和事都係好奇妙，唔認識我嘅人都去接觸我，俾唔同嘅msg我，大家都係被你凝聚嘅心去散播愛俾我。🫶🏻 從前我都唔係好認識如何去愛，特別喺愛情嘅路上都係碰釘為多，可能太渴望被愛嘅感覺，往往都係會為左追求被愛忽略左自己，結果做唔到自己之下令對方唔會點珍惜我。直至到同你嘅相遇相知，你令我認識到愛唔係霸道，愛係——分享！除左每日你都好不吝嗇地表達你有幾愛我俾我知，更加由心地係咁生d愛出黎俾身邊嘅屋企人，朋友，物件，甚至心心眼咁望呢個世界。能夠成為到你嘅老婆我好幸福同真係幾生修到，多謝你努力地話我知你嘅存在，透過唔同人又派歌又報夢又化造昆蟲各式各樣，多謝你話我知你依家生活得好好叫我唔洗擔心。講真的話我暫時未能夠做到令你唔擔心同活得快樂，我有俾自己睇下memes睇下無聊野笑下，但失去左你之後我係打從心底裡真係好唔開心，好難過，所有無聊嘅笑只能夠唯持喺好短暫嘅狀態。雖然好難又未知點做，但我答應你我會我試下將你嘅愛轉化成生命嘅動力同養份去好好生活，直到我再重遇你唯止。祝願你一切安好，祝願你能夠做到一個快樂，有智慧，自由自在，充滿愛，感受到愛，被愛包圍嘅靈魂。多謝你嘅愛，溫柔而有力，Love you💖 今日有為左同你拍下拖我終於有自己出下街😌我尊登著左呢件tee出黎，仲記得你買完好鍾意，然後望真d個print唔係就係我同你黎架咩？！🫂 [另外我是咪可以加入紙紥行業了？］ - 你真果隻結婚戒指陪住我先，我整返隻紙嘅結婚戒指俾你，希望你收到同戴住✨ - 上個月你嘅生忌我整左張Camping櫈俾你Chill，係咪嘆先？✨ - 所有禮物同對你嘅說話我全部都化左俾你了✨希望你收到晒啦聽日打風，如果你依家功力夠勁的話請保佑香港🙏🏻

1,474 75

7 months ago

Download

今日係你離開左我嘅第一個月，近幾日都有回想返事發當日得到消息果刻，每次都好似上一秒發生咁，歷歷在目。悲傷呢個情緒原來非常深奧，我個心基本上每日都經歷唔同狀態，又攰又煩：心穿窿，廣大又闊，而且好深，深到不見底，山窿一樣，如果朝我個心大叫一下，個心洞必定會有回音；心撕裂，有種任由拉扯，阻止唔到，逐片撕開，手撕雞咁，沒完沒了，碎上；心會好重，鉛球一樣，壓住所有內臟，幾次起身但張床有磁石一樣，個心會吸實我到床下底，重力大到起床要揹起成張床翻過來先可以勉強坐起身；心超級疼痛，好痛好痛大癲嘅痛，傷口一直被利器吉住，無一個位可以避得開，痛到有一刻我嘅喉嚨直頭發出左一絲絲苦澀嘅味道，然後我會去左嘔；悲傷呢個課題好難，但我知我面對緊，學習緊，唔想承認事實，根本都唔真實，我有任由自己放肆大哭有不停流淚，我無阻止自己我無野需要抑壓，我知道我需要悲傷。我有反復思考到底個天要考驗我什麼，我應該如何處理無左你嘅自己，我如何將你嘅愛延續，我要點樣將你對我嘅愛用黎愛返自己，但我仲未有任何答案。你好嗎？有想念我嗎？你找到路了嗎？只要係所有對你好嘅祝福我都願意去做。感恩遇到你，你留俾我嘅大部分回憶都係開心，我地每次去到一d新嘅地方都會拍片轉圈，每次都好開心。希望你依家可以做個開心嘅靈魂，快快樂樂。我應該會慢慢，慢慢好起來，Love you💖 @jackysin

5,612 421

9 months ago

Download

致各位親友，親夫單麒澤將於2025年7月10日設靈，同日亦有追思會環節，如果你想於追思會上分享與Jacky的故事，聚焦他的愛好、旅行趣事、窩心行為或有趣經歷，都可以先跟我說，讓大家知道更多關於他生平的事，一同懷緬。訃聞的背景相片是Jacky攝於與我在泰國旅遊看見的樹，這樹名叫彩虹桉樹（Rainbow Gum)，這樹高而強大，樹幹色彩斑斕，樹皮在每年不同時間脫落而造成樹皮斑塊，不同顏色代表不同年齡的樹皮，我們看見時都讚嘆著大自然的驚艷，我選擇用這相片，希望Jacky可用這彩虹樹做橋樑，通向快樂的永恆。愛妻林芷琪謹此敬告 2025年7月3日

646 46

10 months ago

Download

知你Chill緊，你識左我之後，個人識得慢下來，識得再享受當下。你依一世人都活得好精彩，多謝你咁錫我，做到你老婆我真係不知那來嘅福分，你留比我嘅野有好多好多，我呢兩日感受到好多愛，全部都係你積返黎嘅福，然後留比我享。你就係咁，有好野食一定係比我食第一啖先，好睇嘅衫，一定係買比我著先，識到嘅好朋友，都一定介紹晒比我識。你知我一定要拖住攬住掂住，到最後都會化作一個實物陪我。你成日話我去左泰國咁耐都唔出post，好懶，只不過我無你活得咁高調，我喜歡默默咁享受住同好好將記憶記得，我依家出post喇，我好想大大聲講單麒澤我好掛住你，我好愛你！我每日都問你你到底愛我d咩，你日日都會答我，無一日覺得我煩或者嫌我又問，我緊係知你好愛我，但你當然都知我好鍾意問咁解。呢兩日唔知點解一合埋眼竟然有首歌係咁唱住，「我會掛念你當星光優美在晚空察看遠方中的角落訴說你樂與悲我會掛念你當分開千里就算我世界有繽紛天與地我眼內仍是你」你去探下路冒下險先啦，你依家可以周圍去，去台灣去巴塞去歐洲去韓國去外太空，做下research先，第時我再同你周圍去。我好慶幸我地玩左兩月泰國，每日都過得好滿足，係我最快樂嘅時間。 I love you💖 So much. @jackysin

702 179

10 months ago

Download

黎左泰國一個月🙏🏻💖 樹木強大身心愉快，那兒開花一十一。一直都好幸運地去到邊都天晴，大雨只會喺我地未訓醒或者有瓦遮頭嘅時候先會落黎🥹🙏🏻。預見好人好vibe好笑好事，感激萬分🤣🫶🏻。 Road trip帶來了新一點旅遊領略，改變左我地一向用腳黎探索嘅觀點🤪。做了非常遊客嘅事，觀光夜市美食美酒。同時避開左非常遊客嘅事，近距離接觸動物而不用逼他們不必要的表演，感受到園區尊重理解動物同佢地之間有愛🫶🏻 大自然真係超級無敵，有被不停視覺震撼到🤯 覺得鏡頭下嘅畫面遠遠不及當下，歡欣😌實在😌 🙏🏻

155 0

1 year ago

Download

已經喺泰國第10日喇，其實真係好懶出post但都要紀錄一下🤡。由有呢個「不如出走explore下啦」嘅想法，到身邊呢個人毅然辭左職去實現呢樣野，我諗我地前前後後加埋都有預備2年多少少🤏🏽，終於出發🔥！唔知架，無話要住架，做咩要一野去一個未知嘅地方就定落黎姐，咪explore下真係鍾意再諗，依家旅行mode架咋😌。 1-6/ 人生第一個泰國潑水節好斗膽咁簡左戰區Khaosan度住！基本上11am-4am都係作戰狀態🔫佢地今年仲要係全民放足5日假去慶祝🍾癲架！成條街都係癲架！😇不過全民真投入慶祝，全城高溫作出呼應，我地都玩得泰開心，唔好以為得d遊客先揸水槍射得最勁，果d擺檔坐喺度嘅阿婆先至最狼死用冰水淋你🤣連續咁多日真係好攰，見到真正嘅水戰龜🐢好似係第二日已經揸水槍揸到起水泡🤡 7/ 雖然落街都會濕身但都要游水架。 8/ 水巨蜥已經比我地改左名叫迪卡龍，依家我地每次經過河流同湖泊都一定會搵迪卡龍🐊到今日唯止我地應該見到16條迪卡龍左右。 9/ 由曼谷搭火車去大城兩個鐘左右，好正，好熱，好地。 10-12/ 大城皇朝就係咁震撼，以前仲要係金碧輝煌，1351年開始起出黎架大佬，泰痴線。 13/ 發覺我地自己憑直覺入去坐低食嘅野遠遠比起做晒research去食嘅好味好多😌🙏🏻 14-18/ 搭火車搭船踩單車，做晒喺曼谷想做嘅野，由於太喜歡小動物，買定左d貓零食周圍餵🫶🏻 紀錄住咁多先啦🫡

218 16

1 year ago

Download

2024最大件事就係結婚🤓

251 5

1 year ago

Download

早知唔幫你還原 @onboard.studioo 靚過你本身個studio 🤣

80 0

1 year ago

Download

哇！拍左6年拖喇！仲結埋婚添呀！ 👩‍❤️‍💋‍👨love you👩‍❤️‍👨

181 10

1 year ago

Download

🤗結左婚就黎一個月💖

279 23

1 year ago

Download

@popeyedog 比你扮瀟灑一次咁多🤡 我都深信你好快就回流😌 雖然你講左好耐，但其實都係太快未接受到。雖然你其實好近，但無得痴個筋話出現就出現。 #情感有若行李仍然沉重待我整理祝願你繼續頂承愛要及時活在當下嘅意志，喺果邊繼續影響自己影響別人🤣 講笑🤣 祝願你發光發亮，學識照顧自己照顧別人，訓練耐性。接多d新嘗試job發揮下co prod 精神。雖然你通常都係歪理但間唔中都有d道理，有道理果part我會記住。因為你就黎落機喇，所以提你*落機第一件事請先買麻雀枱同埋台灣牌，我湊夠三隻腳就過黎搵你。

69 9

1 year ago

Download

回個神黎已經係第二日夜晚🤣 明明上一秒話好熱吹完蠟燭食啖蛋糕早d返去，下一秒就無啦啦跪左喺度眼濕濕🌝，認真古惑。成日都話依家同結咗婚都無咩分別，但原來要咁肯定果個人就係對方果一刻係咁感動💕 多謝你咁敢肯定我😌❤️ @jackysin 大家唔洗估估下係真定假喇🤣 佢求左婚係真嘅隻戒指唔啱戴都用黎求婚都係真嘅笑死🤣多謝大家祝福

286 45

2 years ago

Paperskin

@paperskingk