hallo meine lieben leute 💜
ich muss paar sache loswerde und wott als ersts sege, wie dankbar ich bin für de weg woni han derfe mache mit minere musig. was agfange het als coping mechanismus für zviel gedanke, het sich so öppis unglaublichem entwicklet!
ich bi dankbar für jede flintaq cypher wo stattgfunde het, dankbar für jedi flintaq person wo mitgwirkt und mitgrappt het und dankbar für die schöne ort a dene mir hend derfe spiele 🥹
dir
@eifachnova bin bsunders dankbar, du hesch mir unzähligi tritt in arsch geh und mir hend soviel crazy geili konzert derfe zeme spiele, so inspirierendi rapschaffendi und organisierendi mensche kenneglernt und au eus, dich brudi hani für immer is herz gschlosse 💜
du
@afloa bisch de g wos überhaupt möglich gmacht het dass ich irgendöppis release, danke dir für dini geduld, dini idee und dis talent wo du mit eus teilt hesch 🫶🏻
dir
@bigzis2019 wotti danke sege für dini herzlichkeit und offeheit, wo sofort ume und ready gsi bisch mit eus en rum teile zum zemechoo und probe, inspiratione teile und connecte ✨ danke dass mir au en teil hend derfe sii vo de big hug experience es isch e riese ehr 😍
last but not least wotti eu
@fhg.bern jungs danke sege für die viele tolle äbige wo mir mit eu uf tour hend derfe erlebe, ihr hend eus vode erste sekunde mit offene arme empfange (bern isch jetzt mini lieblingsstadt weg eu) und es isch e unglaublichi reis gsii dur die ganz schwiz und eui fhg geburtstäg wirdi nie vergesse! 🥰
und danke allne wo bis jetz gschafft hend zum lese 🤪 wie mer alli wüssed, chunt nach so lange dankesrede meistens en abschied und jaaa ihr hend recht…
für mich isches zit, zum mich musigtechnisch umorientiere und neui sache usprobiere 🤭 drum han ich mich entschiede, nach dene uftritt wo no plant sind kei neui konzertafrage meh azneh, kei angst hehe es git schono es paar lieder woni wott loslah aber es wird kei neui rap musig vo mir cho 🦋
nöd nur vom rap isch das en abschied, sondern au vode schwiz… ich und mis baby werded im summer nach berlin zieh zu mine 2 blumen und es neus kapitel afange 🥹💜 drum danke allne wo die reis so special gmacht hend, chömed no a die paar konzert und allne alles gueti 🫶🏻
