Музычныя госці праграмы – гурт “Барысаўскі Тракт” @borisovskiy_trakt
У 22:00 пачатак акустычнай імпрэзы ад рамантыкаў мінскай сцэны. “Музычная эклектыка, аксаміт паўакустычных гітар і строгасць аранжыровак надаюць музыцы інтэлігентную вытанчанасць, ствараючы баланс паміж эмацыйнай цеплынёй і стрыманай элегантнасцю” – так апісваюць сваю музыку самі ўдзельнікі гурта.
Індзі-рок гурт піша рамантычна-ўзнёслыя, душэўныя кампазіцыі, якія выступаюць сваеасаблівымі антыподамі гарадской спешцы і мітусні.
📅 16 мая
🕑 а 22-й гадзіне
💸 Уваходны квіток 20 руб. (колькасць месцаў абмежаваная)
У нашым дынамічным свеце, поўным клопатаў і спешкі, мы часам губляем здольнасць глядзець у будучыню з надзеяй. Сучаснаму чалавеку, акружанаму інфармацыйным шумам, не стае лёгкасці і ўпэўненасці, што заўтрашні дзень будзе лепшым за сённяшні. “Ноч музеяў – 2026: Час рамантыкаў і аптымістаў” у Літаратурным музеі Петруся Броўкі прапануе вярнуцца да тых часоў, калі гэтая вера была паветрам, якім дыхаў кожны.
1960-я – гэта час, калі моладзь стала галоўнай рухаючай сілай. Аптымізм, рамантыка адкрыццяў і веры ў чалавека – усё гэта знайшло адлюстраванне ў культуры. Пятрусь Броўка, паэт з нязгаснай усмешкай, які трымаў руку на пульсе часу, пакінуў нам у спадчыну запавет – ісці ўпарта да сваёй мары, нягледзячы ні на якія перашкоды.
Запрашаем вас далучыцца да нас 16 мая з 18:00 да 23:00 гадзін.
⚡ПРАГРАМА:
⚪18:00 – Лекцыя “Мінск 1960-х гадоў. Горад, архітэктура і людзі сонечнай эпохі” (Антон Дзянісаў, гісторык).
⚪19:00 – Лекцыя “Больш не табу: мадэрнізацыя інтымнай сферы ў гады хрушчоўскай адлігі (1953 – 1968)” (Аляксандр Гужалоўскі, гісторык).
⚪20:00 – Майстар-клас па джазавых танцах ад студыі танцаў “Качели”.
⚪22:00 – Канцэрт гурта “Борисовский Тракт”.
А ТАКСАМА:
⚫Выстава “Пятрусь Броўка. Маё ХХ стагоддзе”,
⚫Віктарына па эпосе 1960-х гадоў,
⚫Майстар-клас па стварэнні паштовак з зорным небам,
⚫Інтэрактыўная праграма з варажбой на картах Таро,
⚫Інтэрактыў “Броўчын тэлефон”, знаёмства з фільмаскопам,
Разыгранка “Квітка ўдачы” і многае іншае!
Падрабязны анонс праграмы чакайце ў сторыз на працягу тыдня.
📅 16 мая
🕑 з 18:00 да 23:00
📍Літаратурны музей Петруся Броўкі
💸 Кошт 20 руб.
❗10 мая а 14-й гадзіне Літаратурны музей Петруся Броўкі запрашае на мерапрыемства “Сямейны выхадны”.❗
Пакуль бацькі змогуць акунуцца ў літаратурнае асяроддзе мінулага стагоддзя на пазнавальнай экскурсіі па музеі, даведацца пра жыццё і творчасць класіка беларускай літаратуры Петруся Броўкі і пачуць гісторыі, якія захоўваюць сцены яго кватэры, — іх дзяцей чакае інтэрактыўная праграма “Маўленчы этыкет”.
У лёгкай гульнявой форме дзеці даведаюцца, як прыгожа і ветліва размаўляць, чаму словы маюць сілу і як правільна выказваць свае думкі, каб быць пачутымі. Але самае захапляльнае чакае ў фінале: пасля тэарэтычнай часткі кожны маленькі ўдзельнік зможа паспрабаваць сябе ў ролі сапраўднага пісьменніка і надрукаваць уласнае слова (ці нават скарочанае пажаданне) на сапраўднай пішучай машынцы! Гэта не толькі дазволіць адчуць рамантыку мінулай эпохі, але і замацуе ўрок ветлівасці на практыцы.
Запрашаем сем’і з дзецьмі правесці гэты выхадны не проста цікава, але і карысна!
📅 10 мая
🕑 а 14-й гадзіне
💸 Кошт 20 руб. (на сям’ю на 3-х чалавек)
Госці радыё «Культура» – старшы навуковы супрацоўнік Літаратурнага музея Петруся Броўкі Карына Кушчанка і краязнаўца, аглядальнік газеты «Культура» Зміцер Юркевіч.
Тэмы размовы:
• жыццёвы і творчы шлях Петруся Броўкі;
• гісторыі дома, у якім жыў паэт;
• новыя праекты музея;
• тэатр-батлейка «Казкі з Ушаччыны».
❗️ 9 мая а 14-й гадзіне ў Літаратурным музеі Петруся Броўкі пройдзе тэматычная экскурсія “Ад цябе не прыходзяць лісты…” ❗️
Вялікая Айчынная вайна раскідала сям’ю Петруся Броўкі па розных мясцінах – жонка і сын знаходзіліся ў Алма-Аце, маці засталася ў родных Пуцілкавічах, браты змагаліся на франтах, а сам паэт працаваў у франтавым і партызанскім друку. Яго браты Сцяпан i Аляксандр прайшлі вайну i засталіся ў жывых. Лёс малодшага, Канстанціна, склаўся трагічна – ён памёр ад ран, атрыманых у баі. Маці, Алена Сцяпанаўна, была вывезена ў канцэнтрацыйны лагер Асвенцым, дзе і загінула, выратаваўшы маладую дзяўчыну з суседняй вёскі.
Падчас экскурсіі вы даведаецеся пра выпрабаванні сям’і Броўкаў падчас Вялікай Айчыннай вайны і ў першыя пасляваенныя гады, пабачыце тыя самыя лісты сям’і, якія траплялі да адрасатаў з цяжкасцямі і пачуеце радкі з творчасці Петруся Броўкі.
📅 9 мая
🕑 а 14-й гадзіне
💸 Кошт 15 руб.
❗️10 мая а 11-й гадзіне Літаратурны музей Петруся Броўкі і Дом з Марамі запрашаюць на батлейку “Казкі з Ушаччыны”❗️
З маленства мы пазнаем жыццё праз казкі. Яны вучаць нас быць добрымі, як паводзіць сябе з іншымі, як не здавацца і абавязкова марыць… А потым мы становімся архітэктарамі, настаўнікамі, лекарамі, кіроўцамі і кім заўгодна, а хтосьці нават пісьменнікамі, як Пятрусь Броўка!
На імпрэзе мы з вамі сустрэнемся з чароўнай батлейкай, паглядзім і паслухаем казкі з Ушаччыны – мясціны, дзе нарадзіўся і вырас паэт. Мерапрыемства, напоўненае лялечнымі прыгодамі, любоўю, марамі і цудоўным беларускім каларытам. Для нас з вамі і пра нас з вамі. Чакаем!
📅 10 мая
🕑 а 11-й гадзіне
💸 Кошт 15 руб. (на сям’ю да трох чалавек)
📚 Сёння ў бібліятэцы БДУ — асаблівы дзень. Адкрылася выстава «Пятрусь Броўка. Маё ХХ стагоддзе…» ад Літаратурнага музея.
Галоўныя эмоцыі сустрэчы: прамова супрацоўніка музея Карыны. Жывая, шчырая, сапраўдная 🙌
Запрашаем дакрануцца:
🔹 да 8 мая — К. Маркса, 31, к.71
🔹 8 мая – 4 чэрвеня — Кальварыйская, 9 (Медыятэка)
#ПятрусьБроўка #ФундаментальнаяБібліятэкаБДУ #flbsu #выстава #БДУ
❗️25 красавіка а 15-й гадзіне Літаратурны музей Петруся Броўкі запрашае на куратарскую экскурсію па выставе «Пятрусь Броўка. Маё ХХ стагоддзе» ❗️
Што вы ведаеце пра Петруся Броўку?
Што ён быў паэтам, які пісаў савецкія агітацыйныя творы? Ці што ён напісаў такія шэдэўры беларускай інтымнай лірыкі як “Пахне чабор” і “Александрына”? А быць можа вы ў школе вучылі верш “Калі ласка”?
Але як адбываўся творчы працэс? Што натхняла паэта на стварэнне пакаянных вершаў? Што хацеў данесці ў сваім лісце да яго Уладзімір Дубоўка? І нарэшце, хто быў першым каханнем паэта? Шэсць зборнікаў лірыкі. Пяць дзесяцігоддзяў. Ад імпульсіўнай маладосці, веры ў пераўтварэнне свету і літаратурны эксперымент — да сталасці, адказнасці, сумненняў і споведзі.
Куратар выставы – Карына Кушчанка.
📆25 красавіка
⏰а 15-й гадзіне
💸Кошт 15 р.
Ph: Мікіта Блізнюк
Час вяртацца ў мінулае, каб стварыць трэнд будучыні!
26 красавіка а 14-й гадзіне Літаратурны музей Петруся Броўкі запрашае на майстар-клас па стварэнні авоські.
Так, той самай гаспадарчай сумкі-сеткі, якая была сімвалам савецкай эпохі і практычнасці. Чаму менавіта авоська? Бо гэта не проста ўпакоўка, а культурны код ХХ стагоддзя. Але тое, што калісьці было сімвалам эканоміі, сёння вярнулася на п’едэстал моды, бо ў ХХІ стагоддзі авоська – гэта экалагічны, зручны і вельмі стыльны аксэсуар.
Матэрыялы выдаюцца, настрой ствараецца. Чакаем вас у невялікай, але вельмі цёплай кампаніі!
Колькасць месцаў абмежаваная - запіс праз Дырэкт.
📅 26 красавіка
🕑 а 14-й гадзіне
💸 Кошт 40 р.
Запрашаем вас на “Экскурсійны чацвер”!
16 красавіка завітвайце ў Літаратурны музей Петруся Броўкі самастойна або з сябрамі – на аглядавую экскурсію па ўнікальным музеі-кватэры народнага паэта.
“Экскурсійны чацвер” – добрая нагода наведаць музей самастойна або ў складзе зборнай групы ў зручны для вас час і па фіксаваным кошце. Вы атрымаеце магчымасць убачыць гістарычны будынак унутры, даведацца аб цікавых фактах з жыцця Петруся Броўкі, пазнаёміцца з бытам творчай інтэлігенцыі 1970-х гадоў, завязаць знаёмствы з аматарамі гісторыі і беларускай літаратуры і проста добра правесці час.
📆 16 красавіка
⏰ 11:00, 14:00, 17:00
💸 10 р.
14 красавіка а 18-й гадзіне Літаратурны музей Петруся Броўкі запрашае на аўтарскую лекцыю Змітра Юркевіча “Таямніцы дома Свяціцкага”.
Вы, напэўна, не раз заўважалі гэты будынак у цэнтры Мінска. Але ці ведаеце вы, што гэты дом стаў сапраўднай сенсацыяй для свайго часу? Вы нават не здагадваецеся, хто яго пабудаваў і якія таямніцы хаваюць яго сцены. Гаспадаром аказаўся не доктар, як лічылася доўгія гады, а інжынер-архітэктар, які абганяў час. Ён жыў так, як большасць мінчан нават не магла сабе ўявіць. Яго дом стаў першым у горадзе, дзе было ўсё для раскошнага жыцця. Восем вялізных кватэр, уласная электрычнасць, экзатычны сад за сцяной і нават аўтаномная каналізацыя з жывымі бактэрыямі са Швейцарыі. Гэта быў не проста будынак, а цэлая гісторыя пра амбіцыі, грошы і тэхналогіі, якія з’явіліся ў Мінску дзякуючы аднаму чалавеку.
На лекцыі вы даведаецеся, хто насамрэч хаваўся за літарамі ZS, чаму яго блыталі з іншым Свянціцкім і чаму гэтая памылка жыла дзесяцігоддзямі. Прыйсці варта, каб паглядзець на знаёмыя месцы горада зусім іншымі вачыма.
📅 14 красавіка
🕑 а 18-й гадзіне
💸 Кошт 15 р
