الجزء التاني من سلسلة مابعد الستين
بعد الستين وعن تجربة الإنسان بيحتاج للكلمة الطيبة اللي تطمنه وتريحه و تزود ثقته بنفسه
بيحس انه العمر جري من غير مايحس وبيبدأ يفوق ويعيد حساباته ويدور على راحته
و بيبدأ يتمسك بالأشياء اللي بيحبها و كمان لو كان نفسه يعمل حاجة و معملهاش وهو صغير بيحس انه عايز يعملها وهو كبير بس المهم تكون الحاجة دي تتناسب مع ظروفه و وقاره و احترامه لنفسه
ده رأي اكتبولي رأيكم
السر مش فى المكونات الغالية، ولا الوصفات المعقدة، بس لما حد بيعمل الحاجة بحب، بتحس بيه حتى من غير كلام، الحاجة بتبقى احلى و أجمل
يمكن عشان كده بيقولوا:
“دائمًا المكوّن السري هو الحُب.”
الوصفة اللي عمري ما بملّ منها
"بطاطس أمولة "بطريقة سهلة جدًا، بمكونات بسيطة وطعمها يجنّن 🔥 من انجح الوصفات إللى بقالى سنين بعملها و بتحبوها جدا و كتير منكم قرر يبطل يقلى البطاطس و يعملها بالطريقة دى لأنها اخف كتير من المقلية
وبصراحة بعملها تقريبًا كل يوم من كتر ما هي سريعة وبتنفع جنب أي أكلة، وحتى لوحدها خطيرة!
لو لسه مجربتوش الطريقة فايتكم كتيررررر
لو قولتلكم ان دي أحلي صينية بقلاوة عملتها في حياتي هتصدقوني بقلاوة حلوة حلاوة من الآخر احفظوها و جربوها لا يمكن تبطلوها رهييييييبة
قرمشة علي طراوة علي طعامة وتتاكل اكل
لفة جلاش
مقادير الكريمة:
معلقتين دقيق
معلقتين نشا
معلقتين سكر
ربع معلقة ڤانيليا
صفار بيضةمعلقتين سمنة بلدي
نص كوب سمنة بلدي لدهان الجلاش
عسل نحل للوجه او شربات الحلويات
كوب لوز او فسدق او سوداني
تعدي السنين والأيام ومهما مر الوقت هفضل دايماً فاكرة أعظم وأطيب وأحن وأكرم أحب أب ، ٤٢ سنة مرت علي فراقك يا حبيبي أب بمعنى الكلمة إتعلمت منه المعني الحقيقي لإحتواء العيلة و الولاد عطاء وحب واهتمام اتعلمت منه ازاي اتكلم مع ولادي واتصاحب عليهم و أديهم أحلي حضن دايماً بفتكر حضنه الدافي إبتسامته اللي بتملي البيت طمأنينه تفهمه لدماغ كل واحد في ولاده كان دايماً مشغول بس عمره مانشغل عنا كان نعمة الأب والزوج و الأخ و متصالح مع نفسه ومع كل اللي حواليه
أكتر واحد شوفته أد إيه بيحافظ علي صلة الرحم و الجيران والاصحاب
فاتح بيته لكل اللي يعرفهم كريم ومعطاء و طيب
لو قعدت أحكيلكم عنه شهور وسنين مش كفاية الله يغفرله ويرحمه ويسكنه فسيح جناته و يجعل كل أعماله وتعبه في ميزان حسناته
أسأكم الدعاء له والفاتحة و متنسوش امى الحبيبة كمان الله يرحمها فى دعواتكم .
لما العيلة تتجمع على سفرة واحدة وتاكل أكلة حلوة، مفيش أحلى من صينية فراخ بالخضار معمولة بحب وطعمها يجنن، لو جربتوها مش هتبطلوا تعملوها 🤍
المكونات :
فراخ صدور
التتبيلة :
معلقة كبيرة كسبرة
نص معلقة كبيرة السبع بهارات
نص معلقة كبيرة بودرة توم
معلقة كبيرة بودرة بصل
معلقة كبيرة ملح
معلقة كبيرة فلفل
معلقة كبيرة بابريكا
معلقة كبيرة بودرة مستردة بالعسل
معلقة كبيرة سماق
بشر ليمونتين
بصلة كبيرة
عودين بصل اخضر
فلفل حامي إختياري
نص كوب عصير برتقال
عصير ٣ ليمونات
٣ معالق خل
نص كوب زيت
٣ معالق كسبرة خضرا ومعلقة شبت اخضر
٢كوب ماء
الخضار:
٤ حباب بطاطس
٤ حبات جزر
٨ حبات كوسة
ملحوظة :
تقدروا تستبدلوا الصدور بدبابيس
او وراك او اجنحة او كلهم مع بعض
والخضار ممكن تضيفوا معاه اي نوع خضار بتحبوه
والف هنا
فكرة إنك تجيب وردة بوقتها أحسن من إنك تجيب نجمة من السما بعد ما الوقت يعدي، إنك تقول كلمة حلوة بالوقت الصح أحسن من إنك تكتب قصيدة بعد ماتبرد المشاعر، إنك تجي دقيقة وحدة بس بالوقت الصح أحسن من إنك تجي سنة بعد مايفوت الأوان. متأجلش حاجة حلوة ولا تبخل بمشاعرك ♡ عشان محدش فينا ضامن بكرة ! تأجيل الفرحة أو كتمان المشاعر الطيبة بيضيع علينا لحظات غالية مش بتتعوض.
