@lyf_115 Instagram profile, stories

Download

- 25號的故事 6’2 一個打籃球唔高唔矮嘅身高由細到大比人灌輸點樣係籃底搵食食餅腳步策應快攻防守所謂內線嘅技術根深蒂固係我嘅人生之中綠葉呢個字彷彿刻係我個額頭上面老實講真係難聽過話我廢一直以來都好鍾意傳波好鍾意用唔同嘅方式去助攻鍾意做假動作鍾意fake人每個人打波都想型想威我又何嘗唔係但打波打到咁到底係為咗啲咩？不過我忍我安份守己做咗好耐稱職嘅角色做到自己已經迷失左係籃球嘅世界入面直到今年2023……. 為咗轉形打外線自費去台灣搵訓練師當時身邊嘅人都話我係咪痴咗線嘥錢學完又未必有機會用我去改射波去練拍波去執觀念自己以往練習嘅方向內容都係錯嘅根本冇去思考過當中嘅細節自自然然轉形難上加難但EdU呢度肯比機會我仲要係我心心念念嘅控衛 Linchun由一開始嘅抗拒到接受我做呢個角色結果放係眼前我的而且確做得唔夠好我都唔想再講啲負面唔甘心後悔個種說話但我的確了左自己一個心願我想表達嘅係係香港打籃球嘅悲哀你要兼顧好多野你要知道打嚟係無錢賺仲要搵錢嚟打波更加要了解個環境係唔會允許你去試因為每一個時期嘅籃球都唔輸得一定要贏除咗天份好或者好命得到球隊養成機會嘅球員唔好奢望有時間/空間去練成一啲技術我好好彩遇到一班信我嘅隊友我真係好開心結果一定唔會係最好不過都唔重要了行到去24 我都想同你講返籃球謝謝你但差唔多了🙏🏻

371 5

2 years ago

Download

Mission completed✅ 港九區D1男子籃球Overall第七老實講係喜出望外嘅🙃 因為我相信冇一個教練開季前見到呢班學生會覺得有可能達到呢個成績主力嘅轉咗校部份未開始練習已經退隊留低嗰一班一開始連上籃都唔識快攻點走戰術點做完全冇任何概念練習態度更加似係上緊興趣班所以首先要多謝我自己係有限嘅資源下交到呢份成績表但更加要多謝校長/宗sir/家長嘅支持宗sir絕對係功不可沒老人家都肯陪我一齊癲我相信所有都係源自於愛🩵 愛籃球愛stjoe 愛自己班仔其實真係好慶幸有機會返自己母校教的而且確中學生涯係最精彩最多回憶嘅地方我嘅青春伴隨着籃球但呢樣野唔淨只係運動我有機會見識到好多經歷好多成長好多我都衷心希望將呢樣嘢帶返俾我嘅學生最後就係呢班仔😮‍💨 好勞氣好勞氣好勞氣重要的事情要重複三次為你好呢三個字好沉重好情緒勒索但你地未必會明白我係有幾真心咁為你地好我嘅付出係無際限嘅我唔係嗰啲口講為你好之後交一式一樣嘅野俾你淨係識要求你做到但從來都冇真係”教”過你班衰仔絕對唔係啲天賦異稟嘅細路起步亦都比人遲好多但希望你地繼續相信自己嘅可能性擁有面對明日的勇氣

343 3

5 days ago