მნგანუმის პიროლუზიტი
100 გ - 30₾
პიროლუზიტი ეწოდება მანგანუმის ორჟანგის ( MnO₂) 70%ზე მაღალი შემცველობის ქანს. მიიღება შავი, მოვერცხლისფრო ელფერის პიგმენტი.
მოპოვების ადგილი - ჭიათურა.
შეიცავს მძიმე მეტალებს, მოხმარებისას მოერიდეთ მტვერს!
მანგანუმის პიროლუზიტი ერთ-ერთი ყველაზე გავრცელებული პიგმენტებია და ოდითგანვე გამოიყენებოდა მსოფლიოს ყველა კუთხეში, კედლის თუ დაზგურ ფერწერაში.
საუკეთესოდ ინარჩუნებენ ფერს, საუკუნეების წინანდელ ფრესკებზე, თითქმის სახეუცვლელად გვხვდება.
პიროლუზიტი თავსებადია ყველა მედიუმთან. გამოირჩევიან მაღალი დაფარვისუნარიანობით.
ქასურში შემოვლისას შეგიძლიათ ხელს გააყოლოთ სალესი ქვები, სამხატვრო მასალები და ხის ზედაპირის დამცავი ცვილი.
ეს ის მცირე ჩამონათვალია, რაც ჩვენი კვლევა-ძიების პროცესში მოვიპოვეთ. პროდუქციის რაოდენობა დროთაგანმავლობაში კიდევ გაიზრდება.
შემოვლამდე, შეგვეხმიანეთ!
გიზიარებთ გასულ კვირას ჩატარებული ღია სტუდიის ფრაგმენტებს.
ეს ჩვენი რიგით პირველი პრეზენტაცია იყო და უფრო მეტი სიხშირითა და ახალი ამბებით დაგიბრუნდებით.
მადლობა ყველას მოსვლისათვის!
18-19 აპრილს, 16:00-დან 21:00 სათამდე გეპატიჟებით ქასურის ღია სახელოსნოში.
ამბავი ასე დაიწყო, ოთხი წლის წინ, ხელოვანების ჯგუფმა ადგილობრივი სამრეწველო მასალების შესწავლა და გამოყენება დავიწყეთ და პროცესში ორი დამეგობრებული სახელოსნო - არჯაკელი და ქასური ჩამოყალიბდა.
ამიტომ, გვსურს ერთობლივად გიმასპინძლოთ სახელოსნოში და გაგიზიაროთ ჩვენი გამოცდილება მხატვრობის, დურგლობის და მშენებლობის სფეროებში.
ტრადიციული ხელობების შესასწავლად ჩავატარეთ კვლევები; ნედლი მასალების მოსაპოვებლად ვიმოგზაურეთ საქართველოს სხვადასხვა რეგიონში; შევხვდით გეოლოგებს, ხელოსნებს, მკვლევარებს; ვისწავლეთ მასალების დამუშავების და გამოყენების ტექნოლოგიები და ბოლოს მოვაწყვეთ სახელოსნო-ლაბორატორია.
ღონისძიებაზე მოგიყვებით განვლილ და მიმდინარე პროექტებზე. გიმასპინძებთ გემრიელი საჭმლით, სასიამოვნო მუსიკით და ჩავატარებთ პრაქტიკულ სამუშაოებს:
- საქართველოს სხვადასხვა კუთხეებიდან მოპოვებული მინერალებისგან დავფქვავთ პიგმენტებს;
- მოვადუღებთ კაზეინს - რძის წებოს და დავამზადებთ კაზეინის ტემპერას;
- ჩვენს მიერ დამუშავებულ სალეს ქვებზე გავლესავთ საჭრეთელებს.
- დავამზადებთ ხის დამცავს - ცვილის და სელის ზეთის ხსნარს.
- გვექნება ხეზე მუშაობის საჩვენებელი სამუშაოები.
ღია სახელოსნოზე გაიყიდება სამრეწველო ნაწარმი და ნამუშევრები:
- პიგმენტები (რკინის სურინჯი და მანგანუმის შავი)
- სამხატვრო, დაგრუნტული ხის დაფები.
- ხის დამცავი ხსნარი
- სალესი ქვები
- ხის ნაკეთობები და ფერწერული ნამუშევრები
გელით დიმიტრი უზნაძის 51-ში, შემოსასვლელი მედიცინის მუზეუმის ეზოდან!
ქასური სტუდია მოიცავს დაზგური ხელოვნების ნიმუშების კონსერვაციასა და რესტავრაციასაც.
გალერეებს, კერძო კოლექციონერებსა და ხელოვანებს გთავაზობთ ნამუშევრების გაჯანსაღებასა და ავთენტური მდგომარეობის შენარჩუნებას:
• გაწმენდა
- ზედაპირული დაბინძურების მოშორება
- დაზიანებული დამცავი ფენის წმენდა
• გამაგრება
- კონსტრუქციის გამყარება
- მერქანჭამია ხოჭოზე დამუშავება
- დაზიანებული ტილოს აღდგენა
- ფერწერული ფენის გამაგრება
• აღდგენა
- ფერწერული და დამცავი ფენის აღდგენა
