Toi mui contenta con esta noticia. Mui agradecía con tolos mensaxes enllenos de ciñu. Y sobremanera tengo munches ganes de que podáis lleer este llibru porque fici lo que me dio pola gana, y sabéis lo muncho que presta eso.
Nel carrusel hai delles postalines venceyaes cola escritura del llibru, incluyendo les coses de presentar in extremis el día del apagón.
Güei celebré col mio amor piquiñín porque, ente tantes coses, ye una ayalga suya cola qu’entama esti poemariu.
El vienres tuvi la suerte de tar falando col periodista Miguel González nel Informativu Matinal de @rtpaoficial sobre Esti amor asturfalante. Miguel fae entrugues intelixentes y ye un preste responder ensin sentir esa tensión que yera responder falando en representación de tantes y d’un proyectu colectivu. Facelo asumiendo’l riesgu prestosu de ser una, colos sos erros y tamién, oxalá, aciertos.
Y ye una maraviya siempres ver lo bien que trabaya tola xente que ta na televisión pública asturiana. Namás deseo que al frente haya una dirección, agora que’l debate ta na Xunta, qu’entienda Asturies y les sos llingües y les ponga en pie d’igualdá y cuide de la programación y les persones que la faen posible. Ye una ayalga contar con medios públicos, hai que saber cuidalos y sentir arguyu d’ellos.
Equí va l’unboxing. 🥹
Yá tan los llibros d’ Esti amor asturfalante. ❤️🔥
Bien llueu na vuesa llibrería de confianza, esa que fae barriu y onde saben recomendate y militen nel amor polos llibros y nun ye’l fucking Amazon.
📷 @condadux
Anda que nun fartucasti de manis, asamblees, trenes, mudances. Y a cuenta d’ello tu me llevasti de la manina pa volver a mirar les coses como per primer vegada.
Graduámonos el mesmu día, deprendemos esto de ser fíu, ma yo (ensin dexar de ser fía) tolos díes.
Quiérote, @sgtmiaumiau12 anque nun vayamos adoptar un loro 🦜.
Horses foi un discu perimportante pa min na adolescencia. Y sigue siéndolo. Anguaño sigo pendiente de los llibros, los poemes, los cantares de Patti Smith. Va poco me descubrieron -se me pasara esa ayalga- la interpretación que con Choir! Choir! Choir! tien del so “People have the power”. Xenérame esta artista’l tipu d’almiración que te produz dalguien fascinante que tamién t’intimida.
Sí, claro que vamos siguir defendiendo qu’Asturies nun tien rei delantre del Campoamor. Quiero pensar que cola mayor poeta del punk del nuesu bandu republicanu.
Güei llevé una alegría y nun voi dexar que me la quiten.
✍🏽 El poema en tres captures ye “Seventh heaven”
Estos díes toi siguiendo’l xuiciu de la Kitchen, pensando muncho nos compañeros colos que trabayamos la comisión nel Congresu ente 2021 y 2022 y la serie que bien se podía facer con too aquello.
Anque yá sabemos que la realidá siempre supera la ficción.
@soyjuancarrasco
Quédate con quien te descubra a Rosario Castellanos y preste atención cuando fales de Mary Oliver.
Feliz San Xurde 🐍🥯
Ayeri guapísimo en @verbena.libros
📷 @libertadkaiser
Puede qu’esi día tuviésemos falando de Mary Oliver o d’Antonio Cisneros o de Rosario Castellanos o de Gloria Fuertes.
De xuru, d’estes y otres poetes vamos tar falando y lleendo mañana miércoles en @verbena.libros a les 20.30
Prestaría muncho que fuera tamién con vosotres. Averáivos, que ye un sitiu bien guapu.
Ayeri ficimos Ser quien a cantar na Sala Loreto de Colunga. Foi quiciabes el bolu más prestosu porque Manuel, de @culturacolunga , propuso que n’acabando tuviésemos un alcuentru col públicu. Pudimos afondar na memoria, nel procesu de recuperación del cantar que tan maraviyosamente versiona @saraffriera , nes imáxenes del Pueblu d’Asturies y cómo dialoguen cola hestoria d’Arxentina y Palestina gracies a la mirada de @daniela_cohen_photography , de los grupos de pandereteres y el facer barriu con Jimena Menéndez.
Foi una tarde guapísima. Agora que somos quien, nun vamos dexar de cantar.
