IRF

IRF VUNNIÐ HEIMSMÁLSVIRÐISLØNINA 2026 🏆🌍🇫🇴 IRF er heiðrað við virðislønini Verdensmålsprisen 2026 fyri átakið um okkara fantastiska tilfeingi – avroðini. Hetta er fyrstu ferð, at ein føroyskur renovatiónsfelagsskapur vinnur Heimsmálsvirðislønina. Tað er danska vinnugreinafelagið fyri renovatiónsfelagsskapir í danska ríkinum, Cirkulær, sum letur heimsmálsvirðislønina. Vit vita tað væl, tað var ikki gamalt at reypa, men vit fáa ikki armarnar niður aftur - kanska tí, at tað hevur verið okkara hjartamál at vekja áhugan hjá okkum øllum føroyingum aftur fyri okkara fantastisku matrávøru. Sjógvurin men so sanniliga eisini okkara vøkru fjøll eru ein sannur og sunnur matkovi fyri okkum føroyingar. Avroðini á seyði eru ein tann heilsubesta matrávøran vit kunnu eta 🐑🐏🫀🫁🧠♻️ Vit hava eisini so nógvum at takka fyri, at vit kundu vinna henda stóra heiðurin - Heimsmálsvirðislønina 🏆🌍🇫🇴 💚 Øllum okkara dugnaligu starvsfólkum, sum hvønn dag arbeiða fyri at halda Føroyar reinar og burðardyggar. 💚 Okkara dugnaliga samstarvspartnara, Kvinnu, sum so hegnisliga hjálpti okkum at fáa alt at bera til við bókini og tiltøkunum. 💚 Okkara stuðlum, Búnaðargrunninum, MBM og Bóndafelag Føroya, sum fíggjarliga stuðlaðu átakinum. 💚 Og kanska mest av øllum tykkum øllum, góðu føroyingar og bøndur, fyri tykkara dyggu undirtøku! Latið okkum fáa sunnu, stuttfluttu og føroysku avroðini aftur á døgurðaborðið. Og njóta og gleðast um, at vit hava so ríka náttúru, matmentan og siðaarv. Okkara børn hava uppiborið at kenna hetta ríka og sunna mattilfeingið ❤️😋🇫🇴 Og so eru vit sjálvandi eisini bæði glað og errin at vinna hesa serstøku og viðurkendu Heimsmálsvirðislønina 2026 🏆 IRF er ein av fáu renovatiónsfelagsskapum í danska ríkinum, sum er heimsmálsgóðkent, tí eru vit eisini errin av 🌍🇫🇴 Her ber til at fáa meira kunning á irf.fo #taðsumeftirer #avroð #IRF #samangeraviteinmunfyriumhvørvið #heilsugóðurmatur okkaramatmentan ringbúskapur føroyskttilfeingi

Um páskirnar og eftir páskir eru broytingar í innsavningini av húsarhaldsposum ♻🐣🐥 Soleiðis verða húsarhaldsposarnir heintaðir komandi tvær vikurnar í hesum økjum (alla aðrastaðnis verður heintað sum vanligt): Í meginøkinum 🚛 Mánadag 30. mars: Eiði, Ljósá, Svínáir, Norðskáli, Oyrarbakki og Oyri Týsdag 31. mars: Skála, Innan Glyvur, Lambareiði, Glyvrar, Saltangará, Runavík, Syðrugøta, Gøtugjógv, Norðragøta, Leirvík og Sandoy Mikudag 1. apríl: Strendur, Kambsdalur, Fuglafjørður, Norðoyri og Klaksvík Týsdag 7. apríl: Stykkið, Kvívík, Válur, Vestmanna, Leynar, Skælingur, Gásadalur, Bøur, Sørvágur, Vatnsoyrar, Sandavágur, Miðvágur, Hósvík, Saksun, Hvalvík, Streymnes, Langasandur, Haldórsvík, Tjørnuvík, Gjógv, Funningur, Funningsfjørður, Elduvík, Skálafjørður, Oyndarfjørður og Hellur Mikudag 8. apríl: Undir Gøtueiði, Skipanes, Søldarfjørður, Saltnes, Toftir, Nes og Sandoy Hósdag 9. apríl: Strendur, Kambsdalur og Fuglafjørður Í Suðuroy 🚛 Mánadag 30. mars: Froðba, Hvalba, Sandvík, Hov og Porkeri Týsdag 31. mars: Vágur, Lopra, Akrar og Sumba Mikudag 1. apríl: Hvítir posar sunnara helvt Vikuna eftir páskir verða húsarhaldsposarnir í Suðuroy heintaðir dagin eftir vanligu innsavningina. IRF ynskir tykkum øllum einar gleðiligar páskir 💛

Hmm, hvussu var tað nú, vit skuldu skilja alt tað ymiska burturkastið um jólini og nýggjárið? Hygg her 👇 ❤️ Í reyða posa: Ljósperur og ljósketur, battarí (í krukku við loki), elektroniskar leikur og tól, væl innpakkað brotið glas/steintoy/jólaprýði (t.d.í ein tóman mjólkapakka), allar spreydósir og annað vandamikið burturkast. 🤍 Í hvíta posa: Gávupappír, papp og bleytt plast. Savna bleyta plastið í ein kláran posa, bint knút á og legg í hvíta posa. 🩶 Í gráa posa: Gávubond, blankt gávupappír, gávuinnpakking úr foliu, matleivdir, brent fýrverk (tá tað heilt víst er slóknað) o.a. Minst til at binda knút á smáu posarnar. 💛 Á kommunala endurvinningarplássið: Skolaðar glaskrukkur/glasfløskur/konservisdósir, jólatrø og óbrúkt fýrverk (við størri nøgdum av avlopsfýrverki, ring til IRF á 414243). Og minst til at brúka posar frá IRF. Vit á IRF ynskja tykkum øllum eini gleðilig, friðsæl jól og eitt gott, eydnuberandi nýggjár 🎄💫

IRF fær ofta spurningin, um tað loysir tað seg at skilja papp og pappír í hvíta posa? Tí verður ikki alt papp og pappír allíkavæl blandað við øðrum húsarhaldsburturkasti? Stutta svarið er: JA, tað loysir seg at endurnýta. ♻️ Bilarnir hjá IRF eru nevnliga tvídeildir, og verða hvíti og grái posi ikki blandaðir saman. Húsarhaldsburturkast fer í vinstrumegin, og papp og pappír høgrumegin. ♻️ Í 2024 sendi IRF 280 tons av pappíri og 2.401 tons av pappi til endurnýstlu uttanlands. Tað ger mun, og hvør einasti hvítur posi telur! 💪

Brenna ella brúka?♻️ Tað dýrasta er ikki tað, vit keypa – tað er tað, vit koyra burtur. Heilt upp til 100 tons um árið. Summi tveita enntá riv burtur?? Við Avrod.fo fáa vit atgongd til avroð, sum bóndir vilja av við – og minnast um, at maturin kemur frá bøndunum, ikki bert úr handlinum🌱 @rannvab borðreiddið við rættum úr nýggju bókini hjá @irf_fo og @kvinnafo , tað sum eftir er. So sum brownie við blóð, hvítanýranuggets, smørstokt nýra og livurpostei av seyði á breyð🐏

Í dag er nýggja bókin, Tað sum eftir er – smakkir úr og søgur um avroð, komin út. Í bókini fær avroð úr seyði nýtt lív - tilfeingi, ið fyrr var sjálvsagt í føroyska køkinum, men sum í dag verður brúkt alt ov lítið og í størstan mun burturbeint. Á 184 litríkum og innihaldsríkum síðum bjóðar bókin fram fjølbroyttar, nútímans uppskriftir, har tríggir dugnaligir kokkar vísa, hvussu vit kunnu gera avroð bæði spennandi og smakkríkt aftur. Men bókin er ikki bert ein uppskriftsbók. Hon er eisini ein frásøgn um felagsskap, siðvenju og minnir – og ein áheitan um at hugsa burðardygt, tá vit matgera. Í bókini eru eisini greinar og samrøður, ið varpa ljós á avroð og tilfeingi úr seyði og sum samstundis minna okkum á týdningin av at brúka allan seyðin. #taðsumeftirer

Nú er bókin “Tað sum eftir er” endiliga komin 🫶🏻Hon verður at fáa í sølubúðunum kring landið 1. okt. Vit eru soo spentar! 🙌🏻

Tað, sum eftir er - smakkir úr og søgur um avroð🫶🏼 Bókin fæst til keyps frá 1. okt, hon er fylt við spennandi uppskriftum og áhugaverdum lesnaði um avroð - heilsugóður matur, sum alt ov ofta endar sum burturkast.

Hin dagin á Trøllanesi - fletting, gott prát og fantastiskar myndir til bókina, sum kemur 1. oktobur. Avroðini tóku vit við til Havnar, so kokkarnir kundu ganda smakkgóðar rættir til “Tað sum eftir er - smakkir úr og søgur um avroð”

Hin dagin, tá vit borðreiddu við avroðum 🤩 Innbjóðandi, smakkgott og spennandi - 1. oktobur kemur bókin, sum vit vóna fer at vekja hugin til at eta avroð👌🏻 #behindthescenes

Hann er tendraður flest allar dagar í árinum og allar tímar í døgninum, men í løtuni er brenniovnurin sløktur vegna regluligt viðlíkahald. 🔥 Ovnurin bleiv sløktur sunnukvøldið og síðan er ketilin reinsaður og ymiskt viðlíkahald gjørt í ovninum. Seinnapartin í dag verður eldur aftur í ovninum. Í 2024 var brennistøðin á Hagaleiti í rakstri í 7.820 tímar. Tað svarar til 326 dagar ella 89,3 % av tíðini í 2024 (harav var streyka í knapt tríggjar vikur). Hitin í ovninum liggur um 1.100 hitastig, og í 2024 brendi ovnurin í miðal 2,9 tons um tíman, svarandi til 69 tons um samdøgrið. 🌡♻🗑

Farið væl um náttúruna 🌱 Góða ólavsøku 🇫🇴 #umhvørvi #ólavsøka