كل ما حد يسألني على ٢٠٢٥ افتكر انها كانت سنة صعبة وعنيفة.
بس اما رجعت في الصور لقيت ان كان فيها خير كتير، ودفا، عيلة حواليا واصحاب بتعمل خطوات مهمة في حياتها وملهمة، وحاجات انا عملتها ونسيتها.
الحمد لله على كل النعم اللي بنساها، والحمد لله على كل النعم اللي جاية في ٢٠٢٦
ربنا يفتح علينا كلنا، ويورينا نهاية قريبة للصهاينة واللي بيتشددلهم.
*Last picture is a bonus
الى صغيري تاج
عارف انك تتولد طفل تاني ورا اخ طعم زي شمس شيئ ممكن يكون مخيف، ويوم اما عرفنا انك جاي، انا وامك قلقنا شويتين، بس انت جيت، ويوم ورا يوم قعدت تاخد حتت اكبر واكبر من قلوبنا، بكل بساطة وسهولة، ابتسامات ولذاذة وخفة من غير اي مجهود.
بيقولوا انك شبهي المرة دي، شمس قلش مني وبقى شبه امه بالضبط، فجيت انت تطبطب عليا (اكنه كان فارق معايا) وبقيت شبهي، بس غير الشكل،روحك خفيفة وابتسامتك بتملى اي اوضة وحبي ليك من غير اي حساب او تفكير.
كملت عيلتنا الصغيرة ونورتها وبقيت تاج راسها.
كل سنة وانت طيب يا تاج التاج يا حبيب دين ابوك.
كل سنة وانت قلبك نور
كل سنة وروحك صافية
كل سنة وانت اقوى من اللي قبلها
كل سنة وانت بتحبي نفسك
وكل سنة وانت محبوبة من اللي حواليكي
كل سنة وانت بوصلة عيلتنا
وكل سنة وحضنك لاممنا
كل سنة وانت بتسمعي الكل
وكل سنة وانت متشافة ومتقدرة
كل سنة وانت احن أم
وكل سنة وانت اخف ست
وكل سنة وانا لازق فيكي
بحاول احبك كل سنة من جديد
الواحد بيقعد طول الوقت فاكر ان قصته وحياته هي محور الكون،
كل حاجة حواليه بتلف عشانه،
وفي الحرم الشعور ده بيدوب، بيروح اما تطوف مع الاف حواليك، كله بيلف بطاقة واحدة، لرب واحد،، شعور الأنا بيختفي، وبيظهر شعور الكل.
العالم في آخر قرن صدرلنا ثقافة الفردانية، والاسلام دين الكل.
الفرد جزء من الكل.
وكل ما افهم حجمي في الكون ومكاني، كل ما التوكل بيبقى اريح.
