Caleb Chan 陳臻亮

初到伊斯坦堡，做了半天影子，跟Mete @metebalyan 回娘家Çıplak Ayaklar Kumpanyası (Barefoot dance company)，好像拜訪夢境中的地方一般。之前已看過Mete臨走前的錄像，知道是城市角落裏的藝術村，終於有幸拜訪，比起其他名勝景點來得親切。更加不可思議的是，早兩星期在Dramaturgy in Rehearsal的課裏讀了關於Koen and Lou 創作Au-delà的訪談，竟然這天毫無預兆地見到真人Koen！仲睇咗陣rehearsal！天呀我到底係咪發緊夢呀？然後又扯着衫尾見了幾班朋友，受到熱情款待，飲了很多咖啡和茶，欣賞到他們的dedication，好美麗。 搭渡輪過海的感覺很熟悉。不同的是，有數之不盡的海鷗同行。從Karaköy到Kadiköy，由刻板印象走入新興社區。Moda的寧靜，令我想起朋友講過一句「你選擇住邊，其實可以好micro。」當然，幾寧靜都好，我都會被晨早流流五點幾六點嘅ezan (call to prayer)嘈醒。 臨走前有幸看到Leyla and Mihran一期一會的Duet——The Things We Carry，斷斷續續run了5年的作品。雖然知道這樣在土耳其long run是freelance資源不足下所衍生的常態，但可以一次又一次把作品帶上舞台，讓作品成長，某程度上仍然令人羨慕。同時回應在我腦中縈繞不斷的問題：How far can an artwork go from its motherland?  困境在世界各地總是何其相似。市場萎縮、私人資助欠奉、政府獨攬資源分配的權力；就算嘗試往外尋找機會，礙於移民身份，往往難以立足；多年來的集會，換來的只有身心俱疲。由2013年在Taksim Square所爆發的示威，到2025年的學生運動，都沒有讓人看到曙光。我們都夾在大國之間，在狹縫中尋找生存空間，只可以繼續問Where are we going？aka 跟住去邊度。 @metebalyan çok teşekkürler for everything. I will not translate for you, learn Cantonese if you want to know. Enjoy Amsterdam and see you soon. PS 經過了Murat的母校Boğaziçi University可惜入唔到去。聽講係因為幾年前的學生示威，從此保安嚴密謝絕外人到訪。你話係咪好似哈哈。

一座城市總會令人又愛又恨。如果對某個地方全然地愛或者全然地恨，可能只係因為stay得唔夠耐，或者根本未睇到真實面貌。 有時我會諗，嗰啲社區安全、交通基建、房屋供應、生活成本、人類發展指數等等，係咪真係可以如實反映一個地方的好與壞？或者換個問法，place attachment可唔可以用數字衡量，然後斷定邊個地方比較好呢？我不知道。不過我自己就偏好qualitative多過quantitative，始終社會科學講到尾，都係人。 呢排有種強烈嘅感覺，就係要完成對自己嘅承諾。自問都完成得八八九九：重溫港島環島徑、行一轉獅子山、Start a new project、整理一次擁有嘅物件、整理一下自己啲記憶，之類。感謝各方夥伴，你哋嘅陪伴同出現都好重要。 常言道，街道就係最common嘅公共空間，每條街都有自己嘅個性。既然係咁，就趁自己記得，記錄下自己嘅街道記憶，喺城市變樣之前留個記念。 --- 我的十個街道記憶 1. 土瓜灣十三街 一個美麗的舊區，用十三隻吉祥物鎮守着市建局來臨之前的最後光景。牛棚固然是寶貴的，燕安與駿發更是無可取替。在馬頭角道與木廠街之間的嘈喧巴閉，我會記住土瓜灣所盛載的一切悲歡離合、擔擔抬抬的血汗、小劇場所帶來的悸動、歷史建築的重生，還有佳佳。 2. 新蒲崗大有街 一個甚麼都可能的地方。放工時間咬住個包衝去上堂排戲，走在人潮中就會發現，這個地方的日與夜完全換上兩批人。Hedgehog《大有》重複唱「大可沒有」——可以理解是一種灑脫，但起碼現在這一刻，我們仍然想有，仍然要有。 3. 荃灣馬角里 工廠區容許藝術有空間生長，仲要明目張膽咁生，其實好唔簡單。搬屋貨車每日進進出出，一街之隔就有環保回收垃圾斗。數之不盡的「家」暫存在這裏，又有無數「回憶」被棄置一角。見證住物件的生命週期有長有短，可能都會接受每樣嘢都有佢嘅命。 4. 太子汝州街 天台真是一種好有趣的存在。中學時期在太子讀書，只會流連在地面的大街小巷。但自從跟朋友上天台，就發現原來可以用另一種維度閱讀熟悉的空間。尤其是唐樓天台這種半私人領域，高不成低不就，同隔離樓你眼望我眼，in a sense大隱隱於市又隱唔曬，好正。那些開住盞露營燈讀劇本的晚上，我諗我會記一世。 5. 銅鑼灣怡和街 小時候因為家住新界，每次去港島都有種出城的感覺。怡和街圓形天橋，是每次維園出發之後的必經之路。慢慢穿過橋底，總會經過一排好嘈的街站。2025年頭偶然跑了半馬拉松，踏在曬到白曬的瀝青和電車軌上，再次醒起，作為這個城市的一份子，應該有權在街道上昂首闊步的。 6. 鰂魚涌糖廠街 人潮如鯽，這樣形容返工／放工時段的太古坊應該幾貼切。全部人都行向同一個方向，行得好快，好有目標、好有效率咁，朝早湧入，傍晚流走。有趣的是，這群甲級商廈竟然留了空間給旁邊小店生存，好像好有默契地形成一個生態圈，互不侵犯。有時候經過，都會想念落街買咖啡的日子。 7. 火炭坳背灣街 大學時期，每個匆匆的早上，都會隔着車廂玻璃看看流動的人。這是進入山城之前，最後一道城市風景。勤勞的人來來往往，流水線般的勞動模式近在咫尺，在火車軌這條城市脊骨的其中一節，我看見一條苦苦支撐的鐵釘。 8. 沙田沙燕橋 因為家住城門河西，過河往往都會經過沙燕橋。這條平實的橋，每年端午節都會封路，小時候總會期待可以趁機踏上橋面看龍舟。後來隨着年紀增長，漸漸抗拒節日的熱鬧，就不再貪戀這種特權。只是現在偶爾過橋、又會想起那些人群的熱情。 9. 葵興工業街／大連排道 有段時間經常去葵興上堂。途經東海工業大廈，總會受粗獷主義建築美學所震撼。這座隱藏於工業區中的怪獸，近幾年已經受到廣泛報道。這種刻意粗糙的牆身，正好貼合藝術修行裏面其中一個課題——「保持棱角」。 10. 金鐘夏愨道 都掙扎咗一下，覺得有啲造作。不過無嘅，記憶啫，冇理由連自己嘅記憶都抹煞嘅。係囉。

【城市記憶】 @calebchancl 由城門河走入大學站，途中會經過一段單車徑，夾在火車軌與公路之間。每次進入這條綠蔭隧道，都會霎時得到一份寧靜。行人、單車、汽車、火車，在這一小段路，忽然變成平衡線，安於各自的節奏，擦身而過。 — 「同。讀」《Skyscraper》 摘去鮮花，種出的大廈，層層疊的進化，還有人記得嗎？ 如果市區更新勢在必行，我們可否趕及在城市變樣之前，留住那些美麗的瞬間？ 普利茲戲劇獎、東尼獎得主David Auburn早期劇作《Skyscraper》 David Auburn是當代美國劇作家，作品細緻刻畫人物，情節往往讓角色熟悉的人顯現出陌生的面貌，構成豐富的心理層次。其得獎作品《求證》（Proof）自2001年起於世界各地載譽搬演，香港亦有數度上演。 《Skyscraper》為David Auburn的首個長篇劇作，表面上是喜劇，實際上卻呈現一場關於記憶與生死的思考。六個角色，在人生關口相遇於一座清拆在即的歷史建築，彷彿透露人、城市與建築的命運交織在一起。 1-2/8/2025（五至六）8pm 同流黑盒 臨時會員價：$150 【活動只限同學會會員參與，成為臨時會員即可觀賞】 購買連結：/tc/doc/85664 (link in bio) 編劇：David Auburn 翻譯：蔡雪兒、陳臻亮* 演員：劉煒燿^、黃熙童、歐啓發#、朱景晞、蔡雪兒、梁靜琛、李偉樂 導演：陳臻亮* *承蒙藝君子劇團允許參與演出 ^承蒙勿演三少允許參與演出 #承蒙日出前劇場允許參與演出 粵語演出 in Cantonese 本節目不設劃位 票務及節目查詢 : 6288 3685 /[email protected] 節目全長約一小時三十分鐘，不設中場休息。 如遇特殊情況，主辦機構保留更換節目及表演者的權利。

在1300年歷史的溫泉之鄉，容納一個遠離煩囂的藝術實驗室，大概就是KIAC Artist in residence 的美麗之處。 感謝KIAC的所有人，特別是Yuichiro、Sarara各方面的照顧，令我們團隊安心享受Kinosaki 的人傑地靈，在這兩個星期，專注地排練、完成《植物人》放映、《酒神的女信徒——黑白花奶牛的雌性》演出。 可以跟編劇Satoko交流，令作品走得更遠，就是藝術交流難能可貴之處吧。Making connections with the playwright, living in tranquility, telling stories of human beings... How blessed we are to earn these privileges, and that's why we engage in performing arts. 藝術到底何處容身？這個問題，只會在香港這樣狹隘的空間庸人自擾。在城崎、豐岡一帶，寧靜的田野、流水潺潺的溫泉旁邊、一個鐘一班車的JR車站之間，從來都存有空間給藝術生花。踩單車穿梭於鎮上的橫街窄巷，會見到居民的日常，夾雜着遊人的蹤影。店鋪逢星期二的定休、外湯臨近晚上十一點播友誼萬歲、中學生放學時間從學校步行到JR搭同一班車⋯⋯這些都不是短暫停留可以輕易看到的。這段時間給我好好的提醒：從日常之中提煉故事，把生活的質感放入表演，往往需要靜心感受，才會發現更多。如果找到這樣的空間和節奏，請好好珍惜。 btw 搭JR 山陰本線聽Cicada簡直一流——兩次dayoff，一次南下搭到和田山，一次北上去鳥取，田野、海岸，兩種體驗，兩種享受👂🏻 Photo credit: @abcat568 @killuz_z 09-23 Jun 2025 Artocrite Theater - KIAC Artist in Residence Programme @kiac_insta @artocritetheater

「君子自讀」《酒神的女信徒——黑白花奶牛的雌性》問卷連結(link in bio)：https://forms.gle/tzNRZVWQnqakbhZj7 Photo credit: ABCat 第一場順利完成～ 第二場剩餘少量門票，購票從速。 🇯🇵 日本作品：《酒神的女信徒——黑白花奶牛的雌性》 2025年1月10日（五） 8pm 2025年1月11日（六） 3pm 🇭🇰 香港作品：《尾巴》、《香蕉蘋果橙》 2025年1月11日（六） 8pm 2025年1月12日（日） 3pm 🇰🇷 韓國作品：《嗚哇嗚哇嗚嗚嗚哇》 2025年1月17日（五） 8pm 2025年1月18日（六） 3pm 購票連結(Link in bio)：https://forms.gle/zuJ5NudpHfrjJDWP7 📍演出地點：牛棚劇場 票價： $160 / $300*/ $430* 購買一場演出，票價為$160。 *凡單次購買兩場不同節目的正價門票，只須$300。 *凡單次購買三場不同節目的正價門票，只須$430。 本節目不設劃位。 演出長約1小時30分鐘，另設演後談，不設中場休息。 本節目含暴力、成人情節及不雅用語。 6歲以下人士恕不招待。 如遇特殊情況，主辦機構保留更換節目及表演者的權利。 節目查詢：9573 1698 / [email protected] Facebook：藝君子劇團 ArtocriteTheater Instagram：ArtocriteTheater 藝君子劇團為藝發局資助團體 香港藝術發展局支持藝術表達自由，本計劃內容並不反映本局意見。

藝君子讀劇活動「君子自讀」：《香蕉蘋果橙》（香港）🍌 今日要講一個可愛而暴力既生果故事， 假設有三個人── 甲、乙、丙， 又有三個選擇 ── 香蕉、蘋果、橙， 你會係邊個人？你想要邊種生果？ 《香蕉蘋果橙》是香港編劇林詠恩的生果狂想曲，探討「選擇」與「被選擇」的意義。 編劇：林詠恩# 導演：陳臻亮# 演員：陳琳欣、歐啓發^、徐嘉蒓、房俊文# #「藝術人才見習配對計劃」由香港藝術發展局資助 ^「藝術人才培育計劃」由香港藝術發展局資助 🇯🇵 日本作品：《酒神的女信徒——黑白花奶牛的雌性》 2025年1月10日（五） 8pm 2025年1月11日（六） 3pm 🇭🇰 香港作品：《尾巴》、《香蕉蘋果橙》 2025年1月11日（六） 8pm 2025年1月12日（日） 3pm 🇰🇷 韓國作品：《嗚哇嗚哇嗚嗚嗚哇》 2025年1月17日（五） 8pm 2025年1月18日（六） 3pm 購票連結(Link in bio)：https://forms.gle/zuJ5NudpHfrjJDWP7 📍演出地點：牛棚劇場 票價： $160 / $300*/ $430* 購買一場演出，票價為$160。 *凡單次購買兩場不同節目的正價門票，只須$300。 *凡單次購買三場不同節目的正價門票，只須$430。 本節目不設劃位。 演出長約1小時30分鐘，另設演後談，不設中場休息。 本節目含暴力、成人情節及不雅用語。 6歲以下人士恕不招待。 如遇特殊情況，主辦機構保留更換節目及表演者的權利。 節目查詢：9573 1698 / [email protected] Facebook：藝君子劇團 ArtocriteTheater Instagram：ArtocriteTheater 藝君子劇團為藝發局資助團體 香港藝術發展局支持藝術表達自由，本計劃內容並不反映本局意見。

藝君子讀劇活動「君子自讀」：《酒神的女信徒——黑白花奶牛的雌性》（日本）🐄 故事靈感來自古希臘劇作家尤里庇德斯（Euripides）晚年作品《酒神的女信徒》（The Bacchae）。日本劇作家市原佐都子參照希臘悲劇的結構，把故事改編成現代日本的版本。 主婦遇上一個陌生人到訪家中，展開一場異常的對話，並在過程中回溯各自慾望的根源。在陌生訪客的邀請下，主婦前往牧場接受「牛油按摩」，亦走上命運難測的不歸路。故事衝擊人類與動物之間的界限，大膽挑戰人類本位的性觀念。在理性失效的世界裏，到底如何堅守人之為人的底線？ 編劇：市原佐都子（いちはらさとこ） 導演：陳臻亮# 翻譯：Brandon Minazuki 演員：陳琳欣、陳熙鏞、歐啓發^、林詠恩#、房俊文#、徐嘉蒓 監製：譚曾江雁 戲劇指導：尹偉程 平面設計：Alfie Leung 舞台監督：吳駿瑋 #「藝術人才見習配對計劃」由香港藝術發展局資助 ^「藝術人才培育計劃」由香港藝術發展局資助 🇯🇵 日本作品：《酒神的女信徒——黑白花奶牛的雌性》 2025年1月10日（五） 8pm 2025年1月11日（六） 3pm 🇭🇰 香港作品：《尾巴》、《香蕉蘋果橙》 2025年1月11日（六） 8pm 2025年1月12日（日） 3pm 🇰🇷 韓國作品：《嗚哇嗚哇嗚嗚嗚哇》 2025年1月17日（五） 8pm 2025年1月18日（六） 3pm 購票連結(Link in bio)：https://forms.gle/zuJ5NudpHfrjJDWP7 📍演出地點：牛棚劇場 票價： $160 / $300*/ $430* 購買一場演出，票價為$160。 *凡單次購買兩場不同節目的正價門票，只須$300。 *凡單次購買三場不同節目的正價門票，只須$430。 本節目不設劃位。 演出長約1小時30分鐘，另設演後談，不設中場休息。 本節目含暴力、成人情節及不雅用語。 6歲以下人士恕不招待。 如遇特殊情況，主辦機構保留更換節目及表演者的權利。 節目查詢：9573 1698 / [email protected] Facebook：藝君子劇團 ArtocriteTheater Instagram：ArtocriteTheater 藝君子劇團為藝發局資助團體 香港藝術發展局支持藝術表達自由，本計劃內容並不反映本局意見。

藝君子讀劇活動「君子自讀」 藝君子劇團首次以自資方形式舉辦讀劇演出。帶來日本🇯🇵、韓國🇰🇷及兩個香港🇭🇰劇本，希望透過讀劇與觀眾交流，期待日後正式演出有你們今日的意見。 「讀」、「瀆」、「犢」三字讀音相同。 讀，讀劇，附簡單的表演形式及美學，分享劇本的第一面貌，觀眾賦予想像，共同感受劇本的原汁原味。 瀆，褻瀆，冒犯或不恭敬神明以及一些規範中受敬重的人事物。本團作品題材偏鋒，往往打破禁忌，作品直視人性的善與惡。日、韓兩地劇本大膽的想像力，對「生育」議題作出極盡辛辣的諷刺。 犢，初生之犢。房俊文、林詠恩於香港演藝學院畢業不久，近期加入本團成為駐團演員及編劇，努力排練，不忘創作；導演陳臻亮、蔡啟楓，均是劇壇新秀，聯同多名新進演員共同創作兩齣本地作品。 各位藝君子鐵粉，希望你們齊來見証：初生之犢不畏創作之苦。 ——— 🇯🇵 日本作品：《酒神的女信徒——黑白花奶牛的雌性》 2025年1月10日（五） 8pm 2025年1月11日（六） 3pm 🇭🇰 香港作品：《尾巴》、《香蕉蘋果橙》 2025年1月11日（六） 8pm 2025年1月12日（日） 3pm 🇰🇷 韓國作品：《嗚哇嗚哇嗚嗚嗚哇》 2025年1月17日（五） 8pm 2025年1月18日（六） 3pm ——— 🐄（日本）《酒神的女信徒——黑白花奶牛的雌性》 編劇：市原佐都子（いちはらさとこ） 導演：陳臻亮# 翻譯：Brandon Minazuki 演員：陳琳欣、陳熙鏞、歐啓發^、林詠恩#、房俊文#、徐嘉蒓 🐀（香港）《尾巴》 編劇：房俊文# 導演：蔡啟楓 演員：梁健聰、何惠華、歐啓發^、林詠恩#、房俊文# 🍌（香港）《香蕉蘋果橙》 編劇：林詠恩# 導演：陳臻亮# 演員：陳琳欣、歐啓發^、徐嘉蒓、房俊文# 👽（韓國）《嗚哇嗚哇嗚嗚嗚哇》 編劇：李美慶（이미경） 導演：蔡啟楓 翻譯：張嘉穎 演員：歐啓發^、房俊文#、林詠恩#、張嘉瑩、何惠華、唐藝婷、陳家恩 ——— #「藝術人才見習配對計劃」由香港藝術發展局資助 ^「藝術人才培育計劃」由香港藝術發展局資助 購票連結(Link in bio)：https://forms.gle/zuJ5NudpHfrjJDWP7 📍演出地點：牛棚劇場 票價： $160 / $300*/ $430* 購買一場演出，票價為$160。 *凡單次購買兩場不同節目的正價門票，只須$300。 *凡單次購買三場不同節目的正價門票，只須$430。 本節目不設劃位。 演出長約1小時30分鐘，另設演後談，不設中場休息。 本節目含暴力、成人情節及不雅用語。 6歲以下人士恕不招待。 如遇特殊情況，主辦機構保留更換節目及表演者的權利。 節目查詢：9573 1698 / [email protected] Facebook：藝君子劇團 ArtocriteTheater Instagram：ArtocriteTheater 藝君子劇團為藝發局資助團體 香港藝術發展局支持藝術表達自由，本計劃內容並不反映本局意見。

又打錯字fect.😩 2024第二首 co-write 找來劇場朋友 @calebchancl 有晚係ig story見佢影住單車徑「慢駛」一詞（內容唔記很了🤣），加上同月聽完雷同自游生物。 「慢駛」呢兩個字原來慢慢植入咗我心裏。 呢段時間學習「放低」、學習「回歸」、學習「慢駛」… 放下 生命中所不需要的 回歸 最原始真實嘅自己 再慢慢踏步 終會搵到自己嘅步伐 所以我第一句寫就係「慢駛不等於後退」 ………………………………………………………… Btw 《紐約馬拉松》 其實係一份劇本 （首歌中間嗰啲對白就係來自佢） 個黐線佬一嚟乜都冇就錄咗段monologue俾我 所以我唔理 我就直接轟落去 然後仲話唔唱唔唱， 點知唱得勁好， 所以我都係唔理 我連執都冇執過，錄好直接出 特別鳴謝僅此一次菲林攝影師！ 📸 @melody_hxl ————————————————————— 《慢駛》 featuring 《紐約馬拉松》 曲：MIU 李頌仁、陳臻亮 詞：MIU 李頌仁、陳臻亮 編：MIU 李頌仁 如慢駛不等於後退 這夜已很累 別談什麼失去與空虛 嗱慢駛不等於後退 世事已失序 任憑目光思緒胡亂造句 Steve： 屌！你係咪真係睇唔出我做唔到啫？ Mark： 你依家先黎講呢啲呀？ Steve： 我以後都唔會再幫你。 你一好返少少就拋低我。 Mark： 我無好返少少。 我對腳震緊。 Steve： 咁點解仲要加速啫？ Mark： 我成世人都係咁。 其他人跑緊嘅時候我就跑到癲咗咁先跟得上佢哋。 我同佢哋講：喂慢啲啦。 佢哋就會笑我。 然後我都笑埋自己一份。 我就係一個笑話。 目光遠大 快線推進 怕有一秒停頓 瞳孔放大 概覽所有 怕有一秒遺漏 沒理會錯事對事錯是對 追呀趕呀追就快沒趣 一枝箭衝了出去 Hello （Byebye）都沒講一句 慢駛不等於後退 這夜已很累 別談甚麼失去與空虛 喂嗱慢駛不等於後退 世事已失序 慾求甚麼之最 想得到讚許 慢駛都可找到樂趣 （路徑萬里 萬句道理 一於躲避） 鑽進車子裏 （命運由自己操控） 就由自己操控 不須再追 累 緩緩慢駛去 再別要恐懼 「各就各位」 照舊由得佢 拼命過活 倒不如乘風去 Mark： 要戰勝恐懼。不如我哋再跑快啲吖? Steve： 我哋而家速度啱啱好。 Mark： 我覺得我可以再快啲。 Steve： 唔得㗎，你要知自己嘅極限係邊。 （Mark加速） Steve： 我認真㗎喂。你去得太盡喇。 你真係會玩死自己㗎！ 你依家可能覺得無 事，但係只係呢一刻咋。 你會瀨嘢㗎。 喂！

Vincente話，佢做咗海龜保育36年，never get bored. 其實唔止海龜，2007年開始，為咗保育鱷魚，佢買咗塊地，起咗幾個池塘俾佢哋，直到而家有5隻：Johnny and Amber、Brad and Jennifer，仲有最惡嘅Negro。咁多年佢接收過無數海龜，又接待過無數workcamper，多到佢自己都認唔曬。可以想像，佢令幾多人接觸海龜／鱷魚保育，甚至而家幫緊佢手嘅biologist，有幾個就係細細個已經話第時要幫手。 佢喺加州讀high school，畢業之後始終冇留喺美國，決定要返老家Guayabitos。海龜保育絕對唔係輕鬆事。Peak season差唔多每個夜晚，半夜要去沙灘執仔。執返來嘅蛋，養兩日孵出來就會放入大海，但唔會知有幾多被魚食咗、有幾多食膠袋噎死、有幾多插住飲管窒息死，就只有不斷做，儘可能將瀕危物種延續落去。而每年又有幾十個workcamper輪流打擾佢，唔止打擾佢工作，仲要打擾佢太太Leticia一日煮三餐俾來自世界各地嘅人 (and of course Cecilia @ceecivr as well, ¡muchas gracias por la comida todos los días!)。喺佢身上，我睇到一種對世界嘅熱情同愛，dedicated to the place he belongs to. 海龜30年後會返嚟同一個沙灘，即係佢哋嘅出生地，繁殖下一代。發現海龜蛋之後，我哋會用返發現佢地嗰個海灘嘅沙同海水養佢哋，喺大概30度嘅溫室裏面孵化，俾一日時間佢哋ready游水，生好個肺、收埋個yolk，然後就會放佢哋入太平洋。最令人感動嘅畫面，通常都係佢地走入大海嘅一段路。喺日落黃昏之下，將一批啱啱學識游水嘅海龜放喺海灘，同佢地一齊面對住無邊無際嘅太平洋，就好似見證住一段旅程嘅開始。Vicente話，海龜就係憑住呢段路，記住出生地嘅氣味。當佢地儲夠勇氣，就會一步一步咁步入浪淘。望著佢地走入未知，我同佢地講咗句Enjoy your life。不過當我一諗到「海龜同出生地有着30年嘅誓約」、「無論去到幾遠，時間一到，佢哋都會記得返屋企嘅路」呢啲過度浪漫化大自然規律嘅諗法，即刻打曬冷震，好想對住大海補多句Go get your life, don't look back.

Guadalajara，一個人口超過5,000,000嘅城市，正如世界上好多地方一樣，有風光嘅一面，亦都有衰敗嘅一面。如果Google search ”Is Guadalajara safe?“ 答案係一定有人話危險，但係咁唔代表衰敗嘅一面唔值得睇，甚至所謂嘅衰敗、undeveloped、sketchy地區，反而更加真實地呈現一個城市。可惜我只係短暫停留，好多風景都只能夠走馬看花，亦都未夠時間探索真正嘅平民區。在我斬件來看：古城區Centro Histórico保留咗西班牙文明帶嚟嘅中世紀建築；文創區Tlaquepaque以特色小店、街頭音樂作為招徠；商業區Zapopan一如其他國際城市一樣冰冷而急速。可能正因為匆匆走訪呢幾個遊客區，呢個城市俾我嘅感覺實在充滿活力，潛藏巨大嘅文化資產。 臨走前，喺前往Zapopan Bus Terminal嘅嗰程車上面，司機毫不忌諱問我香港、中國與台灣的事。車程太短，我沒有詳談。不過仍然感謝原來喺世界另一端，會有人記得遠方小城發生過嘅事。

最近又問多咗關於時間的問題，「仲有幾多時間剩？」、「甚麼是當下？」、「仲有幾耐？」之類。從2022到2023，我在《新的一天》度過了這種一年一度、定義時間的「重大切割」。友人說我們「稀釋」了時間，大概就是1比99的份量，將10毫升「表演」加入990毫升「我不知道」裏面。臨近歲晚，有次Sharon老師問我，2023年有甚麼目標，我竟然答唔到。 #我不知道 心裏一陣納悶。明明早幾年我已經將生日/新年願望省剩「世界和平」。現在的我，原來連「世界和平」都不敢奢求。不曾遠去的硝煙，其實個世界有幾何真係和平。所謂和平，可能只係getting ready for the next war。 早幾日接觸到新概念：「哲學從數學開始」。我即刻recall做research讀信時，讀過最震撼的思路，姑且試試用數式呈現： If (Will to Power) = Difference, (Eternal Returns) = Repetition, (Will to Power) + (Eternal Returns) = Difference and Repetition 差異來自重覆，重覆引致差異，西西弗斯again woohoo！到底我地有無可能走出「和平-戰爭」的loop？我暫時覺得無。戰爭的主軸由三餐溫飽演變到國族榮辱，或會基於宗教信仰，或會滲雜主權、自由等意識，不變的就是「爭」。We need to fight for everything. 震撼的是，在永劫回歸 (Eternal Return)的大哉問下，若果有重覆的意志 (Will to Power，係呀真係數學上2 to the power of 2嘅嗰種power) ，可能就會帶來變化，一種累積的變化。 即興表演反映真實。經常自嘲「過口即忘」，好多時講過嘅嘢隔一陣就唔記得。但係今次，我竟然仲記得自己為赤腳的西利西亞寫下的註腳： 「天氣實在太凍啦，赤腳嘅西利西亞喺街上面留低訊息。 佢被掉(拋擲）在一片草原。（係呀又係拋擲性又係存在主義） 天好黑，周圍無樹，佢想搵同伴。 佢一直嘗試搵同伴，一直嘗試搵點解自己會黎到呢度。但他不會知道。 在很久很久之後的時間，天開始光。赤腳嘅西利西亞發現，其實留低都唔錯吖。 只要留低，事情就會發生。 赤腳嘅西利西亞話，我唔知道，我唔會知道聽日係點。在新的一天，佢繼續搵。而新的一天，而家就開始。」 感謝伙伴們的愛與包容（同海量鳩噏），在新的一天，我地會一直講、一直講、一直講⋯⋯ Photo credit: @huihongnin @lokyinchannnnn