Popular Top Instagram
Home brianchingPosts
@brianching
DP

brian ching_photography

@brianching

Standard Charter Marathon official photographer 2002 - Red Bull photographer 2012 - HK Disneyland photographer 2008 - Canon Pro ambassador 2012 - 2023
Followers
7,656
Following
1,637
Account Insight
Score
53.54%
Index
Health Rate
%
Users Ratio
5:1
Weeks posts
Similar user
Posts Tagged Stories DP
When a sudden aurora awakens, the dreams of many are realized. However, for those living in this place, the ones who often witness this marvelous spectacle above their heads, they may not necessarily appreciate it.Despite residing here, everything may seem commonplace. As long as you are in tune with nature, you will discover many beautiful things waiting for you to explore. Slow down, savor the gifts of nature, and you will find that this joy surpasses the dazzle of the aurora.#saskatoon #aurora#photography #landscapephotography
Download
When a sudden aurora awakens, the dreams of many are realized. However, for those living in this place, the ones who often witness this marvelous spectacle above their heads, they may not necessarily appreciate it. Despite residing here, everything may seem commonplace. As long as you are in tune with nature, you will discover many beautiful things waiting for you to explore. Slow down, savor the gifts of nature, and you will find that this joy surpasses the dazzle of the aurora. #saskatoon #aurora #photography #landscapephotography
278 4
1 year ago
【全城熱爆HYROX】HYROX 確實在近年健身界爆紅，成為許多人追求的目標。2017年德國第一場，玩玩吓玩到全球差唔多75萬人落場。中國上年得四站，今年增加到十站，增長速度快過你減肥。今次呢四個女仔落場，佢哋真係唔係想話自己幾勁。佢哋只係想完成話俾自己聽，想做就一定做到。為咗今次比賽，佢哋操咗幾個月。唔係影相，求其郁吓嗰種呀。係堅推100kg雪橇推到懷疑人生，Wall Ball打一百下打到連鬧人都冇氣嗰種。以前啲女仔健身淨係問佢自己瘦咗未？依家HYROX直接反問你：「我勁唔勁啊！」 HYROX 將傳統女性健身可能傾向「練瘦」，改變成帶起咗一種 「功能性健美」(Functional Fitness) 嘅趨勢。再加埋Social Media強勁嘅推動下，當IG、Thread出啲爆晒汗辛苦到死嘅相，真係Caption都唔使打，你就覺得佢勁啦。@lillianchanht@lolaaurora@carcar.carmen@tinakakayu@hyroxhk @efx24_hk @redbullhk#Hyrox #efx24 #redbullhk
Download
【全城熱爆HYROX】 HYROX 確實在近年健身界爆紅，成為許多人追求的目標。 2017年德國第一場，玩玩吓玩到全球差唔多75萬人落場。中國上年得四站，今年增加到十站，增長速度快過你減肥。 今次呢四個女仔落場，佢哋真係唔係想話自己幾勁。佢哋只係想完成話俾自己聽，想做就一定做到。為咗今次比賽，佢哋操咗幾個月。 唔係影相，求其郁吓嗰種呀。係堅推100kg雪橇推到懷疑人生，Wall Ball打一百下打到連鬧人都冇氣嗰種。 以前啲女仔健身淨係問佢自己瘦咗未？ 依家HYROX直接反問你：「我勁唔勁啊！」 HYROX 將傳統女性健身可能傾向「練瘦」，改變成帶起咗一種 「功能性健美」(Functional Fitness) 嘅趨勢。再加埋Social Media強勁嘅推動下，當IG、Thread出啲爆晒汗辛苦到死嘅相，真係Caption都唔使打，你就覺得佢勁啦。 @lillianchanht @lolaaurora @carcar.carmen @tinakakayu @hyroxhk @efx24_hk @redbullhk #Hyrox #efx24 #redbullhk
282 8
5 days ago
【Brotherhood】一班兄弟放工唔去飲酒打邊爐，竟然約出嚟跑步。夜晚七點幾收工即刻落場跑，仲話最少要跑10K，個樣認真到好似準備代表香港。跑起上嚟話自己好青春，春你個頭啦，十五歲嘅心，三四十幾歲嘅膝頭，跑兩步已經聽到「咔咔」聲。我就梗係唔撚跑，負責影相請食飯，對佢哋嚟講係最實際嘅支持啦最癲嗰個年青人，今年出戰芝加哥馬拉松，仲口出狂言初馬要Sub-3。三個鐘內呀大佬，我第一反應：黐線。第二反應：不如去驗下腦。但講真，我幾鍾意佢呢種盲目自信。10月睇吓佢得唔得，得嘅我請食飯；唔得嘅，我照請，不過一定要笑鳩佢。兄弟，就係咁賤格又真心。#就睇吓佢哋可以跑幾耐
Download
【Brotherhood】 一班兄弟放工唔去飲酒打邊爐，竟然約出嚟跑步。夜晚七點幾收工即刻落場跑，仲話最少要跑10K，個樣認真到好似準備代表香港。跑起上嚟話自己好青春，春你個頭啦，十五歲嘅心，三四十幾歲嘅膝頭，跑兩步已經聽到「咔咔」聲🤣。 我就梗係唔撚跑，負責影相請食飯，對佢哋嚟講係最實際嘅支持啦 最癲嗰個年青人，今年出戰芝加哥馬拉松，仲口出狂言初馬要Sub-3。三個鐘內呀大佬，我第一反應：黐線。第二反應：不如去驗下腦。但講真，我幾鍾意佢呢種盲目自信。10月睇吓佢得唔得，得嘅我請食飯；唔得嘅，我照請，不過一定要笑鳩佢。 兄弟，就係咁賤格又真心。 #就睇吓佢哋可以跑幾耐😁
208 1
9 days ago
【歸隊】相隔16年，再返港隊做攝影師，老實講，係興奮嘅，但都幾緊張。16年喎，返到嚟好多嘢都變晒。運動員唔同咗、媒體唔同咗，連攝影都唔再係以前嗰套。以前影到一個靚動作、夠清楚，已經可以拍心口話「得啦！」而家？唔得喇。要諗構圖、諗光、諗節奏、諗情緒，仲要諗張相擺IG、Facebook同新聞，真係諗到頭爆。今次去亞洲沙灘運動會，我唔想只係影一堆「有出席、有比賽」嘅相。嗰啲唔係唔重要，但如果只係咁，我16年後返嚟做乜Q？我想用返以前讀書時記得嘅一句「靜中帶動，動中大靜」去拍攝今次嘅比賽。「沙運」本身已經好有戲，有風、有沙、有太陽、有海浪，運動員又衝又跳。對我嚟講，呢個唔係普通比賽場，根本係一個片場。我今次嘅方法，會比較接近黑澤明嗰種影像感。唔係坐喺度扮禪、扮睇透人生嗰種靜，而係喺亂、快、沙塵滾滾之中，搵返一個穩定嘅重心。黑澤明最勁就係，佢可以令風雨煙塵、人馬刀槍全部一齊嚟，但你望落去唔會覺得亂到嗌救命，反而會覺得有秩序，有一種壓得住場嘅定力。所以今次我用咗好多超慢快門，刻意令沙、光、海浪、背景同身體動作拉出流動感，等張相唔係死硬硬咁交代，而係畀你感受到「佢真係衝緊、爆緊、搏緊」。但同時間，我又想喺呢堆流動入面，凝住運動員最核心嗰一刻，令佢哋喺一片速度同混亂之中仍然定得住。再加上用長焦鏡頭壓縮畫面，將前後景拉埋一齊，令力量更加集中，畫面更加有「動中大靜」嗰種味道。所以今次唔係純粹追求影得清楚。清楚只係基本，真正想做嘅，係用超慢快門、長焦、構圖同現場環境，將速度變成節奏，將混亂變成力量，將一場沙灘比賽影到有少少電影感，唔好浪費咗啲風沙同運動員條命咁搏嘅一刻。16年後再返嚟，對我嚟講唔止係一份工作，而係重新學識點樣睇運動、睇香港運動員。以前可能只係追一個靚位、一個靚動作；而家更加想影到佢哋背後嗰種專注、忍耐、爆發，同埋唔使「大大聲講出嚟」嘅硬淨。我想影嘅，唔止係比賽，而係喺風沙同海浪之間，影到香港運動員嗰份專注、爆發，同埋嗰種「唔出聲」，但你一睇就知佢哋冇諗住退後嘅硬淨。@sfoc_hk#三亞2026亞洲沙灘運動會 #中國香港代表團 #港協暨奧委會 #SFOC #Sanya2026AsianBeachGames
Download
【歸隊】 相隔16年，再返港隊做攝影師，老實講，係興奮嘅，但都幾緊張。16年喎，返到嚟好多嘢都變晒。運動員唔同咗、媒體唔同咗，連攝影都唔再係以前嗰套。以前影到一個靚動作、夠清楚，已經可以拍心口話「得啦！」而家？唔得喇。要諗構圖、諗光、諗節奏、諗情緒，仲要諗張相擺IG、Facebook同新聞，真係諗到頭爆。 今次去亞洲沙灘運動會，我唔想只係影一堆「有出席、有比賽」嘅相。嗰啲唔係唔重要，但如果只係咁，我16年後返嚟做乜Q？我想用返以前讀書時記得嘅一句「靜中帶動，動中大靜」去拍攝今次嘅比賽。「沙運」本身已經好有戲，有風、有沙、有太陽、有海浪，運動員又衝又跳。對我嚟講，呢個唔係普通比賽場，根本係一個片場。 我今次嘅方法，會比較接近黑澤明嗰種影像感。唔係坐喺度扮禪、扮睇透人生嗰種靜，而係喺亂、快、沙塵滾滾之中，搵返一個穩定嘅重心。黑澤明最勁就係，佢可以令風雨煙塵、人馬刀槍全部一齊嚟，但你望落去唔會覺得亂到嗌救命，反而會覺得有秩序，有一種壓得住場嘅定力。 所以今次我用咗好多超慢快門，刻意令沙、光、海浪、背景同身體動作拉出流動感，等張相唔係死硬硬咁交代，而係畀你感受到「佢真係衝緊、爆緊、搏緊」。但同時間，我又想喺呢堆流動入面，凝住運動員最核心嗰一刻，令佢哋喺一片速度同混亂之中仍然定得住。再加上用長焦鏡頭壓縮畫面，將前後景拉埋一齊，令力量更加集中，畫面更加有「動中大靜」嗰種味道。 所以今次唔係純粹追求影得清楚。清楚只係基本，真正想做嘅，係用超慢快門、長焦、構圖同現場環境，將速度變成節奏，將混亂變成力量，將一場沙灘比賽影到有少少電影感，唔好浪費咗啲風沙同運動員條命咁搏嘅一刻。 16年後再返嚟，對我嚟講唔止係一份工作，而係重新學識點樣睇運動、睇香港運動員。以前可能只係追一個靚位、一個靚動作；而家更加想影到佢哋背後嗰種專注、忍耐、爆發，同埋唔使「大大聲講出嚟」嘅硬淨。 我想影嘅，唔止係比賽，而係喺風沙同海浪之間，影到香港運動員嗰份專注、爆發，同埋嗰種「唔出聲」，但你一睇就知佢哋冇諗住退後嘅硬淨。 @sfoc_hk #三亞2026亞洲沙灘運動會 #中國香港代表團 #港協暨奧委會 #SFOC #Sanya2026AsianBeachGames
285 7
17 days ago
【人生真係有幾多個十年】- 入行30年回顧系列十年前我膽粗粗搞咗人生第一次運動員攝影展。依家諗返，其實都幾過癮。嗰陣體路創辦冇耐，阿飛同 Carrie 忙到連抖氣都未必夠時間，我見佢哋根本冇乜空檔影相，就同佢哋講：「不如我幫你哋影運動員啦。」一句講完，就咁開始咗。有時人生就係咁，一時口快快，跟住就認真做咗十年。呢十年，我幾乎將運動員攝影玩到冇乜路好退。上山、落海、玩火、潛水，總之正常人一聽就會問一句「其實有冇呢個必要？」嗰啲，我差唔多都試晒。影運動員，最難從來都唔係撳快門嗰一下，而係你要同場地搏、同天氣鬥、同速度鬥、同燈光鬥。樣樣都要計，計到盡，計到癲。差半秒，成件事就即刻由「神作」變成「收皮」。到今時今日，仲要再加埋後製，真係驚玩你唔死。今次三十年回顧，最後一輯，留返俾自己最鍾意嘅人物攝影。用盡唔同方法、唔同器材、唔同主題、唔同故事。就係將一件本來聽落冇可能嘅事，硬生生整到佢變可能。當然，過程未必浪漫，更多時候係一邊做，一邊懷疑自己點解又要搞到咁複雜。攝影創作最好玩嘅地方，就係呢樣：個世界成日話你唔得，但你偏偏想試下，仲要試到佢得。將冇可能變可能，通常聽落好勵志；實際操作就比較似玩命。#體育攝影界譚玉瑛 #老屎窟 #程詩詩#體壇淘寶 #入行30年回顧系列
Download
【人生真係有幾多個十年】- 入行30年回顧系列 十年前我膽粗粗搞咗人生第一次運動員攝影展。 依家諗返，其實都幾過癮。嗰陣體路創辦冇耐，阿飛同 Carrie 忙到連抖氣都未必夠時間，我見佢哋根本冇乜空檔影相，就同佢哋講：「不如我幫你哋影運動員啦。」 一句講完，就咁開始咗。 有時人生就係咁，一時口快快，跟住就認真做咗十年。 呢十年，我幾乎將運動員攝影玩到冇乜路好退。 上山、落海、玩火、潛水，總之正常人一聽就會問一句「其實有冇呢個必要？」嗰啲，我差唔多都試晒。 影運動員，最難從來都唔係撳快門嗰一下， 而係你要同場地搏、同天氣鬥、同速度鬥、同燈光鬥。 樣樣都要計，計到盡，計到癲。 差半秒，成件事就即刻由「神作」變成「收皮」。 到今時今日，仲要再加埋後製，真係驚玩你唔死。 今次三十年回顧，最後一輯，留返俾自己最鍾意嘅人物攝影。 用盡唔同方法、唔同器材、唔同主題、唔同故事。 就係將一件本來聽落冇可能嘅事，硬生生整到佢變可能。 當然，過程未必浪漫，更多時候係一邊做，一邊懷疑自己點解又要搞到咁複雜。 攝影創作最好玩嘅地方，就係呢樣： 個世界成日話你唔得，但你偏偏想試下，仲要試到佢得。 將冇可能變可能，通常聽落好勵志；實際操作就比較似玩命。 #體育攝影界譚玉瑛 #老屎窟 #程詩詩 #體壇淘寶 #入行30年回顧系列
254 0
1 month ago
【波真係圓㗎】- 入行30年回顧系列話說前幾日，有個網站無啦啦翻炒我五年前賀歲杯系列。我心諗：喂，原來我仲有啲貨可以翻熱？跟住突然靈光一閃，我呢個系列，冇足球？講唔講得通呀大佬。我入行第一日開始就影足球，影到今日，啱啱好三十年。三十年呀，不是三十日。你話我個系列冇足球？咁即係食叉燒飯冇叉燒，玩嘢咩。所以，趁住放完新年假，人仲係半夢半醒、未Ready返工嘅狀態不如同大家開個舊相簿，睇吓我呢三十年影過嘅足球世界。你哋而家睇嗰啲足球名宿，當年都係「當打」到不得了。謝拉特、碧咸、柏金、朗拿甸奴、戴維斯、斯丹、朗拿度……講真，數都數唔晒。個個都係最癲、最爆、最有火嗰段時間俾我影到。嗰陣時冇咁多花巧，冇Filter，冇調色Preset，冇乜所謂構圖美學大龍鳳。純粹——靚動作就係靚動作。快、狠、準。影到就影到，影唔到就返去檢討。三十年前用菲林影足球？你問我係樂趣定痛苦？老實講，我而家都唔係好記得。可能係又愛又恨啦。一卷菲林幾十張，影完先知生死，心臟唔夠強真係唔好玩。之後轉數碼機，兩百萬像素。係呀，2,000,000。而家啲電話都笑緊。嗰陣時連Crop都唔敢，剪一剪張相即刻起格仔。到今時今日，一秒四十格，ISO任你推，黑夜都可以影到似日頭。老實講，今時今日影唔到好相，真係唔關器材事。你哋睇緊回憶，我影緊歷史。趁大家仲未有Mood返工，不如一齊回帶，睇吓我呢三十年嘅足球人生。#體育攝影界譚玉瑛 #老屎窟 #程詩詩#體壇淘寶 #入行30年回顧系列
Download
【波真係圓㗎】- 入行30年回顧系列 話說前幾日，有個網站無啦啦翻炒我五年前賀歲杯系列。 我心諗：喂，原來我仲有啲貨可以翻熱？ 跟住突然靈光一閃， 我呢個系列，冇足球？講唔講得通呀大佬。 我入行第一日開始就影足球，影到今日，啱啱好三十年。 三十年呀，不是三十日。 你話我個系列冇足球？咁即係食叉燒飯冇叉燒，玩嘢咩。 所以，趁住放完新年假，人仲係半夢半醒、未Ready返工嘅狀態 不如同大家開個舊相簿，睇吓我呢三十年影過嘅足球世界。 你哋而家睇嗰啲足球名宿，當年都係「當打」到不得了。 謝拉特、碧咸、柏金、朗拿甸奴、戴維斯、斯丹、朗拿度…… 講真，數都數唔晒。 個個都係最癲、最爆、最有火嗰段時間俾我影到。 嗰陣時冇咁多花巧， 冇Filter，冇調色Preset，冇乜所謂構圖美學大龍鳳。 純粹——靚動作就係靚動作。 快、狠、準。 影到就影到，影唔到就返去檢討。 三十年前用菲林影足球？ 你問我係樂趣定痛苦？ 老實講，我而家都唔係好記得。 可能係又愛又恨啦。 一卷菲林幾十張，影完先知生死，心臟唔夠強真係唔好玩。 之後轉數碼機， 兩百萬像素。 係呀，2,000,000。 而家啲電話都笑緊。 嗰陣時連Crop都唔敢，剪一剪張相即刻起格仔。 到今時今日， 一秒四十格，ISO任你推，黑夜都可以影到似日頭。 老實講，今時今日影唔到好相，真係唔關器材事。 你哋睇緊回憶， 我影緊歷史。 趁大家仲未有Mood返工， 不如一齊回帶， 睇吓我呢三十年嘅足球人生。 #體育攝影界譚玉瑛 #老屎窟 #程詩詩 #體壇淘寶 #入行30年回顧系列
316 2
2 months ago
Happy Lunar New Year 恭喜發財
Download
Happy Lunar New Year 🧧 恭喜發財🧧
205 5
2 months ago
【香港真係好靚】- 入行30年回顧系列其實「香港真係好靚」，呢句我講咗唔知幾多次，講到自己都似旅發局代言人咁滯。連運動員都可以變身做旅遊界立法局議員，呢個轉型，連荷里活編劇都寫唔出。原來旅遊加運動真係有得諗，簡直係少林足球2.0。講到香港，真係奇蹟嚟㗎。咁鬼細笪地，塞到咁多嘢，摩天大廈後面就係山、山後面又係海。呢頭喺中環影完相，轉個頭喺石澳影緊獨木舟，絕對係「人格分裂行程」。中西合璧、新舊交錯？講真，香港就好似一碗車仔麵，咩料都有，想點樣食就睇你咩口味。總之夠晒地道，夠晒香港口味。唔多講啦，等你睇吓我點樣用十幾年時間，將運動加旅遊撈成一碗獨一無二嘅香港車仔麵。#體育攝影界譚玉瑛 #老屎窟 #程詩詩#體壇淘寶 #入行30年回顧系列
Download
【香港真係好靚】- 入行30年回顧系列 其實「香港真係好靚」，呢句我講咗唔知幾多次，講到自己都似旅發局代言人咁滯。連運動員都可以變身做旅遊界立法局議員，呢個轉型，連荷里活編劇都寫唔出。 原來旅遊加運動真係有得諗，簡直係少林足球2.0。 講到香港，真係奇蹟嚟㗎。咁鬼細笪地，塞到咁多嘢，摩天大廈後面就係山、山後面又係海。呢頭喺中環影完相，轉個頭喺石澳影緊獨木舟，絕對係「人格分裂行程」。 中西合璧、新舊交錯？講真，香港就好似一碗車仔麵，咩料都有，想點樣食就睇你咩口味。總之夠晒地道，夠晒香港口味。 唔多講啦，等你睇吓我點樣用十幾年時間，將運動加旅遊撈成一碗獨一無二嘅香港車仔麵。 #體育攝影界譚玉瑛 #老屎窟 #程詩詩 #體壇淘寶 #入行30年回顧系列
358 7
3 months ago
【我最愛嘅渣打馬拉松】25年嚟，我只想做好一件事，就係為香港人影出最好嘅相。渣打馬拉松係全港唯一一場橫跨港、九、新界嘅賽事，我哋一直用鏡頭記錄住呢個城市嘅美麗，捕捉住每一位香港人揮灑汗水嘅光芒。希望大家會鍾意我哋2026年呢輯渣打馬拉松嘅作品。最後我要喺度感激我25個兄弟，如果冇佢哋就影唔到咁靚嘅香港，就影唔到咁靚嘅香港人。#渣打香港馬拉松 #一起我們跑更遠 #StandardCharteredHongKongMarathon #TogetherWeRunFurther #SCHKM
Download
【我最愛嘅渣打馬拉松】 25年嚟，我只想做好一件事，就係為香港人影出最好嘅相。渣打馬拉松係全港唯一一場橫跨港、九、新界嘅賽事，我哋一直用鏡頭記錄住呢個城市嘅美麗，捕捉住每一位香港人揮灑汗水嘅光芒。希望大家會鍾意我哋2026年呢輯渣打馬拉松嘅作品。 最後我要喺度感激我25個兄弟，如果冇佢哋就影唔到咁靚嘅香港，就影唔到咁靚嘅香港人。 #渣打香港馬拉松 #一起我們跑更遠 #StandardCharteredHongKongMarathon #TogetherWeRunFurther #SCHKM
408 5
3 months ago
【相片係應該講故事嘅】 - 入行30年回顧系列老實講，依家做運動攝影，個個都追求構圖、光影、技術，張張都靚得嚟好有「設計感」。無可否認，呢啲係基本功，係專業。但係，講情感？講故事？坦白講，愈嚟愈少見，真係買少見少。我唔知係咪自己老派，但我始終相信，相片唔淨止係用嚟「影靚」，而係用嚟「講故仔」。運動場上，唔止得輸贏快慢，更重要係——人。係人，就有情緒，就有喜怒哀樂。你話，一張相可能望落去平平無奇，就係一個人企喺度。但你知唔知，佢可能啱啱壞咗架車，痛失全年總冠軍！又或者，身邊嗰個後生，第一次代表香港出賽，就同你一齊攞咗團體金牌！有啲人，係退役前最後一場比賽，搏到盡攞返面銅牌，走得有交代，仲要當場求婚，娶埋老婆！呢啲，就唔單止係精彩畫面，係真實發生過嘅體壇歷史。對佢哋嚟講，係一段人生；對我哋攝影人嚟講，就係一個故事，一個值得用鏡頭記錄落嚟嘅時刻。所以，唔好淨係諗點樣影到靚，諗下你想講咩。相機唔係淨係用嚟影相，係用嚟講故仔。如果想睇返每張相背後嘅故事，就要去返Facebook度睇啦 #體育攝影界譚玉瑛 #老屎窟 #程詩詩#體壇淘寶 #入行30年回顧系列
Download
【相片係應該講故事嘅】 - 入行30年回顧系列 老實講，依家做運動攝影，個個都追求構圖、光影、技術，張張都靚得嚟好有「設計感」。無可否認，呢啲係基本功，係專業。但係，講情感？講故事？坦白講，愈嚟愈少見，真係買少見少。 我唔知係咪自己老派，但我始終相信，相片唔淨止係用嚟「影靚」，而係用嚟「講故仔」。 運動場上，唔止得輸贏快慢，更重要係——人。係人，就有情緒，就有喜怒哀樂。你話，一張相可能望落去平平無奇，就係一個人企喺度。但你知唔知，佢可能啱啱壞咗架車，痛失全年總冠軍！又或者，身邊嗰個後生，第一次代表香港出賽，就同你一齊攞咗團體金牌！有啲人，係退役前最後一場比賽，搏到盡攞返面銅牌，走得有交代，仲要當場求婚，娶埋老婆！ 呢啲，就唔單止係精彩畫面，係真實發生過嘅體壇歷史。對佢哋嚟講，係一段人生；對我哋攝影人嚟講，就係一個故事，一個值得用鏡頭記錄落嚟嘅時刻。 所以，唔好淨係諗點樣影到靚，諗下你想講咩。相機唔係淨係用嚟影相，係用嚟講故仔。 如果想睇返每張相背後嘅故事，就要去返Facebook度睇啦😜 #體育攝影界譚玉瑛 #老屎窟 #程詩詩 #體壇淘寶 #入行30年回顧系列
472 3
4 months ago
【Good Old Days】 - 入行30年回顧系列穿越時空真係夠晒癲喇！一眨眼，入行都三十年喇，快到連自己都唔記得點樣開始。最近翻睇返啲舊相，嘩，真係好似時光機咁，一張張相就係一段段青春，大家個個都後生過、癲過、開心過。而家望返轉頭，有啲已經係老竇老母，有啲就做咗教練，有啲做咗明星，甚至做老闆，梗有啲就轉晒行，甚至唔見咗喇……人生就係咁，轉眼就過，但啲回憶，就永遠響你心入面。你話而家睇住啲相，仲認得幾多個出嚟？係咪有啲人變到你都要用AI幫你認樣？哈哈～Ps 如果想睇到詳細嘅Caption就要去返我嘅Facebook專頁度睇啦#體育攝影界譚玉瑛 #老屎窟 #程詩詩
Download
【Good Old Days】 - 入行30年回顧系列 穿越時空真係夠晒癲喇！一眨眼，入行都三十年喇，快到連自己都唔記得點樣開始。最近翻睇返啲舊相，嘩，真係好似時光機咁，一張張相就係一段段青春，大家個個都後生過、癲過、開心過。 而家望返轉頭，有啲已經係老竇老母，有啲就做咗教練，有啲做咗明星，甚至做老闆，梗有啲就轉晒行，甚至唔見咗喇……人生就係咁，轉眼就過，但啲回憶，就永遠響你心入面。 你話而家睇住啲相，仲認得幾多個出嚟？ 係咪有啲人變到你都要用AI幫你認樣？ 哈哈～ Ps 如果想睇到詳細嘅Caption 就要去返我嘅Facebook專頁度睇啦 #體育攝影界譚玉瑛 #老屎窟 #程詩詩
321 16
4 months ago
【回憶殺】最近《尋秦記》hit 到爆，個個都話回憶殺，見到古仔同宣萱再次同框，真係好似見返自己嘅初戀咁。嗰種感覺，好熟悉、好窩心，又帶啲唏噓。原來，香港人真係好鍾意回憶，尤其係啲真正屬於自己嘅時代。一轉眼，我喺呢行已經打滾咗三十年。由菲林、數碼單反，到今日連 AI 都可以幫你執相，攝影世界嘅變化快到連項少龍部時光機都追唔切。但唔變嘅，係我對影像、對光影、對情感流露嘅執著。為咗紀念我逝去嘅青春（同埋證明我寶刀未老），我決定由下星期開始，會連續幾日出 post，精選我過去三十年最心水嘅作品。唔只係影得靚，仲代表住一段段故事、一個時代，甚至一個人嘅人生轉捩點。祝大家新年快樂，願你哋喺回憶入面，搵返初心，展望未來！#體育攝影界譚玉瑛 #老屎窟 #程詩詩
Download
【回憶殺】 最近《尋秦記》hit 到爆，個個都話回憶殺，見到古仔同宣萱再次同框，真係好似見返自己嘅初戀咁。嗰種感覺，好熟悉、好窩心，又帶啲唏噓。原來，香港人真係好鍾意回憶，尤其係啲真正屬於自己嘅時代。 一轉眼，我喺呢行已經打滾咗三十年。由菲林、數碼單反，到今日連 AI 都可以幫你執相，攝影世界嘅變化快到連項少龍部時光機都追唔切。但唔變嘅，係我對影像、對光影、對情感流露嘅執著。 為咗紀念我逝去嘅青春（同埋證明我寶刀未老），我決定由下星期開始，會連續幾日出 post，精選我過去三十年最心水嘅作品。唔只係影得靚，仲代表住一段段故事、一個時代，甚至一個人嘅人生轉捩點。 祝大家新年快樂，願你哋喺回憶入面，搵返初心，展望未來！ #體育攝影界譚玉瑛 #老屎窟 #程詩詩
375 9
4 months ago
View more
Picnob is not affiliated with Instagram. It does not host Instagram content. All rights belong to the original Instagram users.
About Us Privacy policy Remove Contact Us