EParen sormenean murgilduta, argitaratu gabe neuzkan argazki hauek. Pasa den irailaren 13an @zumaiakobanda -ko kideekin bigarren grabaketa saioa egin genuen. Emaitza asteazkenetik aurrera entzun ahal izango duzue! 🌳💿🔥
Mila esker ZUMBeko kideei eta Joxe Mari Azkueri, moldaketa lanetan hain fin aritzeagatik!
📸 Argazkietan: @joseazkue , Amaia Lisbona flautarekin, Onintza Eizagirre klarinetearekin eta @nagoresanchezmusic saxofoiarekin.
🌳 Basoa.wav proiektua badoa aurrera! Azken hilabeteotan Zumaiako sortzaile asko pasa dira hemendik, eta atzo, Zumaiako Udal Musika Bandako kideak izan nituen estudioan, Joxe Mari Azkue zuzendariarekin batera prestatutako partiturak interpretatzen. Bandako musikariek hiru piezatan parte hartuko dute, musika elektronikoari instrumentu klasikoen soinuak gehitzeko.
🎷🎺📯 Atzoko saioan basoan izan nituen: Iñaki Osa saxo tenorearekin, Intza Martin tronpetarekin, Aser Martin tubarekin, Nagore Aizpurua tronboiarekin, eta Iker Hazas bonbardinoarekin.
Erronka handia da bandako instrumentuak eta musika elektronikoa nahastea, baina ari gara! Eskerrik asko bene-benetan guztioi!
Datorren astean musikari gehiago jarriko ditugu lanean! Egon adi! 😉
Ei! Hilabete batzuk pasa dira basoa.wav proiektuaren berri eman nizuenetik, eta ordutik hemen gabiltza Artadiko zuloan lanean... Egon adi, laster izango duzue gure berri! 🤟🏼🦊
Aupa Zumaia! Basoa.wav proiektuaren berri ematera nator! 🎹🌳✨🎧
Migel Gutierrez (@maitx_musik ) naiz, eta datozen hilabeteotan musika EP bat eta zuzeneko emanaldi bat sortzeko lanetan murgilduta egongo naiz. Ez naiz bakarrik arituko, ordea: nire ondoan izango ditut Zumaiako musikari, talentu eta lagun asko, musika elektronikoa eta Zumaia nahasten. 🤝🎷🎛️🪗🪕
Hau guztia Artadin egingo dugu, eta hortik begiratuko dugu Zumaia, basotik: Zumaia musika elektronikora, eta elektronika Zumaiara ekartzea da asmoa. 🌊🌳
Bide hau zuekin ere egin nahi dut, eta, horretarako, kontu honetan prozesu osoaren jarraipena egingo dizuet. Horrelako zerbait nola sortzen den ikusi nahi? Ba, etorri basora! 🚀