NAMIBIA 🔶 PART II
- Etosha Nationalpark (mit unzählige Safarifahrte und de Belohnig: Elefante, Leue, diversi Antilope, Giraffe, Zebras undundund – mis Herzli platzt!!)
- Okonjima Nature Reserve (mit Leoparde, Nashörner und de letschte fantastische Sundowner… und eme tschüss vode allertollschte Reisegruppe womer sich nur cha vorstelle!)
#namibia #africa #etosha #okonjimanaturereserve #offthepath
NAMIBIA 🔶 PART I
- Sesriem (mit de erschte Sundowner und schöne Zmörge)
- Sossusvlei und Deadvlei (s‘erscht mal Wüeschti, usserdem di einzig Übernachtig ime richtige Bett… under freiem Sternehimmel und bi Hyäne-Ghüül)
- Swakopmund und Walvis Bay (s‘einzig mal früüre wegem Atlantik, defür erwärmed Robbe bim Kajake s‘Herz)
- Spitzkoppe (de einzig Camping mit nur eme Plumpsklo… scheissegal, luegemal wo oisi Dachzelt stönd und wie mir Znacht essed!!)
#namibia #africa #holidays #gruppenreise #offthepath
Miteme noie Frisürli bini dur de März – das tönt oberflächlich und wird em Monet überhaupt nöd grecht; de März isch sehr intensiv gsi (de Recap chunnt nöd umesuscht ersch jetzt 😵💫):
1) S‘Frisürli
2) Gad mal emotional agfange hett de Monet wege Babys wo uf d‘Welt cho sind
3) Mine Babys
4) Und sonere chlinegrosse politische Sach wo i dem Land gloffe isch
5) S‘Daily Business hett nie Halt gmacht – ich han «SRF Kids News» moderiert
6) D @veronicafusaro mit ihrem ESC-Song bi «SRF 3 punkt CH» begrüesst
7) Und schöni Full Circle Moment mitem @bligg gha
8) I all dem ine bini zwüschetine use go schnuufe
9) Und es erschts Aperöööli im Früehlig go neh
10) Denn hett de nöchschti Wahnsinn agfange – d @swissmusicawards mit minere @srf3 -BFF @jasminbarbiero
11) Em erschte Mal a some Tisch mit vill z‘vill Getränk druff
12) Eme Wiedersehe mit de @veronicafusaro
13) Und eme chlinneregrössere Kampf druffabe (ebe: di vill z‘ville Getränk)
14) Nonig ganz uskämpft und mitere noie Lieblingstruppe eis wiiter as @m4musicfestival
15) Geg Endi Monet mal wieder s‘Trotti füregnoh (s‘Resultat gitts gli uf srfkids.ch)
16) Und is Tonstudio go umehüpfe (uf das Resultat froii mi bsunders fescht!)
17) Chli Seich gmacht ufem Usgangs-WC hani au no
18) Fremdi Büsi gstreichlet au
19) Und vilicht bitz gigelet abem Kompost
20) Immer schön nach dem Motto
Im Februar hani:
- zeme mit de beschte Arbetsgspöhnli @celinewerdelis und @hanagadze s «SRF3 Best Talent Showcase» moderiert und das nacher natürli au na chli gfiiret - danke @no_e_ll_e für di tolle Bilder! (Slide 1, 2, 3 und 4)
- em König vo Winterthur d‘Hand gschüttlet (5)
- Fondue gesse (6)
- blüetet (7)
- Chatze-Akrobatik gmacht (8)
- zimmli vill Spaziergäng gmacht zum s‘stressbedingte Herzrase i minere Bruscht bitz z‘beruhige und ime wahnsinnig ahstrengende Abstimmigskampf en halbwegs chüele Chopf z‘bewahre (9)
- vill «SRF Kids News» moderiert und seriös tah, während d‘Mensche ide Regie und uf mim Ohr Faxe mached zum Drehschluss (10)
- Spaziergäng plötzli au ide Mittagspause möse mache (11)
- dur leeri Discos… ääääh Büros gloffe (12)
- sitt Jahre wiedermal Livemusig im grosse Stil gnosse - @raye the diamond queen! (13)
- s‘herzigschte Neo-Föteli sitt langem gmacht (16)
- e Livesession vo @wethesouls ghostet bi «punkt CH» (15)
- au d @ginnyloon für e «punkt CH»-Livesession empfange (16)
- schöni Radiomoment gha bi @srf3 (17)
- g‘usgänglet (18)
- bi Früehligswetter uf de Pischte öppis für d «SRF Kids News» dreiht und s‘früehe Ufstah und ville Schwitze miteme geile Zmittag belohnt - s‘Ergebnis gitts bald, danke @plusportschweiz hender ois id Welt vom Parasport mitgnoh! (19)
- en erschte Zmittag uf de Dachterrasse gnosse (20)
März, ich ha chli Angscht vor dir. Bitte mach, dassi en schöne Recap cha poste ime Monet.
Der «Eurovision School Song Contest» 2026 wartet auf dich! 🎸🎤🎶 @nicklessmusic und ich freuen uns auf viele tolle Schweizer Schulbands – du findest alles zum Mitmachen auf srf3.ch!
.
.
#eurovisionschoolsongcontest #essc #schulband #wettbewerb #srf3
Hach, Januar. Uf de Welt tuesch gad wieder mal recht verruckt. Aber i minere chline Anna-Welt bisch eich recht toll (gsi). Lueg:
1) Endli bitzli Schnee z‘Winti…
2) …und sone Affechälti, dassi i minere Hood cha umeschliefere!
3) Fetti(gi) Zmörge dehei
4) Bitzli Bier zapfe
5) Übertriibe mit de noie Lieblingspasta (Safran for life!)
6) Ziit mit mir selber und en Huufe feine Chai Latte
7) Ziit mit tolle Fründinne und eme Gläsli Amaretto
8) Fetti Uswärts-Zmörge
9) Livemusig im @albaniwinterthur again and again – @sven___amadeus scho lang nüm hani so vill glachet bime Konzert! 🤩
10) Usgang-Spiegel-Selfies
11) Büsi-Schmüselete
12) D‘@aangi_h im 30er-Club willkomme heisse (und dankbar sii um jedes Jahr und jede Moment womer zeme dörfed ha – öb im Job womer ois kenneglernt hend, s‘zweite oder im tolle Trio mit de @giulia_loetscher 👭)
13) Discochugleliebieimalmeh
14) DJs i Clubs ahgeifere und debii Seich mache mit de @jasminbarbiero
15) Jede Sunnestrahl ergattere wo‘s gitt (also fascht keine)
16) De Chind erchläre, was d‘Welt gad so verruckts tuet (aka d‘«SRF Kids News» im Wohlfühl-Outfit moderiere)
17) Fetti Uswärts-Znächt
18) Noii Lieblingsmusig entdecke – danke @mareamusicmarea für din Bsuech bi «SRF 3 punkt CH» und vor allem din hammer noie Song!! 🥲
19) Chatze-Statue bestuune
20) De Sunne z‘Scuol entgege fahre (s‘isch imfall inere ganze Wuche so guet wie s‘einzig mal gsi wo sie gschune hett, muesch gar nöd meine 😉)
Hesch bis da ane gläse? Zeigs mer doch miteme Emoji ide Kommentär, ha s‘Gfühl das alles isch immer chli für d‘Chatz (höhö)! 🙃
«Besser spät als nie» heisst‘s… drum: Dezember-Recap incoming!
1) Uf de letschte Meter vom alte Jahr hani chli umegschöggelet ide Berge mit Fründ:inne und au bitz Me-Time ide Sunne. I dene Silvester-Täg hani denkt: S‘Läbe isch gad mega in Ornig und meints eich gad cheibe guet mit mir 🥰
2) Agfange hett de Monet aber mit unglaublich(!) vill Nebel und Grau – au i mir ine (s‘Selfie vo dem Spaziergang erspari der, ich bi nemmli echt schlecht druff gsi und de Wald isch sehr vill «zeigbarer» gsi)
3) Nach de neblige und graue Täg und de Afangsschwierigkeite hett sich de Monet denn aber doch zume mega schöne Monet entpuppt. Will: Ich han gjöggelet (endlich wieder Saison!)
4) @andryymusic Konzert gnosse
5) @danamusic.ch Konzert gfiiret
6) Discochugle zueglueget
7) Spiegel-Selfies gmacht
8) Wiehnachtschugle-Selfies gmacht
9) Winti-Wiehnachtsbelüchtig inegsoge
10) @carowahl Lesig bsuecht (erschti Lesig i mim Läbe!)
11) Gschenkli vode Lieblingsnachberin verschlunge
12) 5.5 Millione Franke für Chind i Krise gsammlet und so vill Solidarität gspürt 🥲
13) Büsi-Liebi ufgsoge
14) Vill glachet ide beschte Gsellschaft
15) Nach tagelangem grauem Wetter d‘Sunnestrahle gsuecht und gfunde
16) Tönder-Büsi ghebet
17) Nöd z‘wenig Raclette und Fondue gesse
18) Mini Spieli-Sucht mal wieder chli befriedigt
19) Kafi trunke mit Ussicht
20) S‘Jahr 2025 lachend verabschiedet – hallo 2026!
Irgendwie weissi eifach nöd, wie reagiere. Und glich merki, dassi will reagiere. Ich muess reagiere.
Während ich ide Berge nachere churze Usziit sueche und mit es paar Fründ:inne, em eint oder andere Glas Wii und vill luschtige Spiili de Jahreswechsel fiire, erlebed es paar Berge wiiter dutzendi vo junge Mensche e schrecklichi Katastrophe. 40 vo ihne verunglücked tödlich, über 100 landed uf de Intensivstatione ide Schwiiz und im Usland.
Ich finde kei Wort für das. Ich finde kei Haltig. Ich gspüre eifach nur, wie unglaublich fescht weh dasses macht.
Ich bin unendlich dankbar um alli Rettigs- und Iisatzchräft wo während und nach de Katastrophe ihres absolut beschte gebed und en eigentlich unmögliche Job leischted. Und vor allem sind d‘Gedanke und s‘Mitgfühl fescht bide Verletzte und all ihrne Aghörige. Jetzt. Morn. 2026.
A dere Stell chani als Journalischtin au nöd andersch als no z‘betone: Danke au all dene ville Medieschaffende vor Ort wo defür sorged, dass mir überhaupt informiert sind und über d‘Berge und Kantons- und Landesgrenze us chönd mitfühle. Dass mir ois chönd ustusche und mit sachliche und fundierte Informatione füreluege und mitenand lerne für d’Zuekunft.
Ich nimme mit:
- S’Läbe isch unglaublich wertvoll. Und Ziit.
- Mitfühle und zemestah isch das, womer chönd und müend mache ide Katastrophe. Aber au nachher. Und über die Katastrophe us.
- Qualitätsjournalismus und Service Public isch so wichtig.
❤️🩹
Randnotiz: Ich hett a Neujahr eigentlich no en Jahresrückblick welle mache bi mir ufem Profil. Das hett sich für mich aber falsch agfühlt und tuet‘s au immerno. Sicher (oder ämel zimmli sicher) wirdi mal no de Dezember ime Recap zemefasse – das aber zu sinere Ziit. Ich bi trotz allem nemmli doch au de Meinig, dass mir im Chline d‘Glücksmoment müend feschthebe und mitenand wiitergah.
Aso de November find ich ja scho en komische Siech vo Monet, ganz ehrlich. Jedes Mal denksch: «Ah, de wird endlich mal chli chillig!» – und nacher bisch wieder nur am seckle und chunsch nüme hindeher. Bi mir ämel wieder so gsi… wie jedes Jahr. Aber hey; füren Monets-Recap langets! Also let‘s go:
1) Nois Spielzüg bi SRF Kids übercho für di noi Sendig «SRF Kids News spezial» 😉 Di erschti Folg isch sitt hüt duss und die hetts gad in sich: Ich han e superheftigi Reportage bi @essenfueralleschweiz däfe mache… mir reded über d‘Armuet ide Schwiiz. ➡️srfkids.ch
2) De Kontrascht chönt nöd grösser sii: Paar Täg vorher bini no z‘Rhodos am Umeschöggele gsi… (oder sölli ender schriibe «chääsele», @tami_marijke ? 😂)
3) Goldige Herbscht z‘Winti
4) «Homeoffice»
5) Iisvogel!!
6) Giftgrüene Leutschebach… äh hallo?!? What happened?? Chunnt öpper druuuus…? 🤔
7) «Mikado» im Usgang und de eint oder ander Drink (vilicht) mit sehr tolle Mensche (ganz sicher)
8) Büsi im Doppelpack 🖤🖤
9) Spaziergäng am «Tagesliecht» (langsam aber sicher schlaht mer die Dunkelheit ufs Gmüet )
10) Farbig esse gege d‘Dunkelheit
11) «Jogge»
12) Lieblingsmenschinne @giulia_loetscher und @aangi_h
13) @caricarimusic im @salzhaus mit de @jasminbarbiero
14) Abigrööter wo eim vom Schaffe ablenked
15) D‘@nicolebernegger ‘s (😉) bi «SRF 3 punkt CH»
16) Geburtstags-Roséccöööli mitem @crimermusic bi @srf3
17) Nois Frisürli in the making
18) Nois Frisürli am flexe (danke, @mary_coccia ✂️🙏)
19) Ganz ahständigi Wiehnachtsesse mit de Lieblingsmensche vo beid mine Jobs – SRF 3 und SRF Kids
20) November abschlüsse mit mim «punkt CH»-Mami @hanagadze (😘) und knapp 70 @srf3 -Hörer:inne am Konzert vode @lindaelysmusic im @zauberpark_zurichairport ✨
Moll, d‘Ferie sind schön gsi 😂
.
.
Rhodos mit de allerbeschte @tami_marijke (und öppe 70 Büsi, die erspari oi ez aber). 🫶 Ihre ghöred au d‘Credits für d‘Hälfti vo dene Föteli 😉
.
.
#rhodos #rhodes #greece #griechenland #ägäis #ferien #oktober #reload #throwback #holidays #schönwars #rückblick #behindthescenes #herbst #bringmeback
