Woh bhi kya dinn the, jab mumbai jaise shahar me aa kar, film industry jaisi unpredictable jagah par kaam karte hue bhi kabhi kisi baat ka koi darr nahi tha, apne aap ko utna hi safe aur confident mahsus hota tha jitna ki ek chota baccha apne pita ki ungli pakad kar chalte hue anubhav karta hai. Kabhi kisi baat ka darr nahi tha, ek baat ka ahsaas tha ki koi hai joh kahin bhi thokar lagi toh mujhe girne nahi dega, sambhal lega. Aaj bhi main bas woh samay yaad kar ke khush ho leta hun ki woh bhi kya dinn the.....
