Dick.k

- 有一排我喺度諗，話就話考咗個牌返嚟。 但我呢啲筋硬到癲嘅人又憑乜去教人瑜伽。 直到某一次同朋友傾起，佢哋係咁叫我開班， 仲二話不說舉腳要嚟上堂，先知道原來我都唔係想像中咁廢。 / 喺希臘聽得最多最深刻就係Divine呢個字。 我搵唔到一個合適嘅字去表達divine係乜嘢， 大約係冥冥中自有主宰嘅意思。 每次聽到your divine leads you here就覺得好神奇，因為我嘅人生真係好似無形中有樣嘢帶住自己行咁。 作為一個無plan會死嘅山羊座兼究極固執嘅上升金牛，迄今為止人生嘅所有階段都係無plan過嘅事。 唯有輕嘆一句，真有意思。 / Everyone comes for a reason. 我喺度搞個新IG開下班（或者將來仲有其他花臣idk），都唔知會點架。 但無論玩塔羅、做瑜伽乜都好， 如果可以幫到人減輕少少煩惱，個人鬆返少少， 我都會覺得幾開心。 / 特登揀今晚Full Moon, 月圓之夜🌝 聽聞能量都會強啲。 就睇下我可以行幾遠。 中秋節快樂。 29/9/2023

- 2023有好多新嘗試。 有energetic，有倦怠，有方向，有迷失。 到依家都會好疑惑，呢個page要點行落去。 既唔鍾意post啲做到咩pose嘅相， 又唔想post開班嘅live photo。 好猶豫要唔要跟風咁做，唔post又點sell自己呢？ 但，我好唔想sell自己。 我唔想呢樣嘢都變到咁有intention，咁commercial。 一於就將呢度變成一個我嘅修練日記。 將一啲日常屬於我嘅修練放喺度。 我想用呢啲點滴成為我生命嘅養分。 以後會點未知㗎， 不過，至少呢樣係我今年想做嘅事。

- 2025年第一個post! 好耐好耐無教班了!! 長者班真係唔容易， 但大家都有好feedback真係太好了🥹 多謝大家🥹🥹 嚟緊可能會去做翻outdoor yoga🥰 (如果夾到時間的話 sls)

- 近排忙住排練， 無時間無精力去update一下自己嘅生活。 今晚終於有空閑可以寫下字。 以前抄經會好心急想快啲抄完， 今晚突然想靜靜地慢慢寫， 感受下一劃一撇。 以前又會好在意啲字寫得靚唔靚， 頭先寫完， 我覺得每一隻字都係咁靚。 今年有好多意外天災， 可以做嘅唯有保持正念， 希望抄嘅每一篇經文都可以迴向俾呢個世界。 祝願所有人都平安快樂💓

- 記得喺希臘嘅一個月，dorm附近有好幾間咖啡店同雪糕鋪。 通常食完lunch都仲有一個鐘break，我最鍾意就係去買咖啡同雪糕。 有朋友問過我，點解要老遠跑去希臘學瑜伽，明明香港都有得學。 起初我都無為意，以為只係啱暑假時間就去。 慢慢我就知，一切都係有跡可尋。 始終我都係想去世界嘅另一端開下眼界。 . 希臘間Dorm好奢侈(或者係身處香港嘅我太可憐)， 有一個大天台俾我哋做瑜伽。 望去東邊有一座好闊嘅山， 而太陽落山嘅位置係一個大海。 閒來無事我都會上去個天台hea下， 放學唔使溫書我就會同朋友去海灘浸下水。 夜晚煮完飯又會上天台睇下星星。 希臘好似唔會有雲， 個天永遠都開咗4k咁，細心睇真係會見到月亮嘅坑紋。 好幾次我都諗起淑儀上堂講過嘅嗰種闊。 原來唔單止要望到有幾闊， 連心境都要夠寬大先可以容納更多。 . 呢一個月少咗po上堂嘅相或者story。 唔係因為踎墩無班教， 而係我好享受同大家一齊做瑜伽嘅時間。 要有個moment跳出嚟影相， 好似夾硬中斷咗嗰種一齊嘅感覺。 有時會有堂要cancel，有啲同學好耐都無見過， 以前會好在意少咗一堂少一個人會少咗錢，心理會唔平衡， 依家漸漸明白，每個人都有自己嘅進程。 我又何必急住去追呢？ . Hermit 賢者，最初認識佢係叫隱士。 一直將自己放喺一個被動嘅位置， 以為咁樣就可以避開所有錯。 但原來有時做下照亮別人嘅燈都幾好。 我諗，去希臘之前嘅我， 應該講唔出呢番說話。 下次有機會，我想去哂希臘嘅島仔， 睇下愛琴海、地中海到底有幾大。

- 秋意漸濃，空氣中彌漫着一種枯燥乏味的格調。 亦是臨近年終，好像要開始為今年作一個總結。 一方面數算着今年完成了什麼， 另一方面盤算着要為未竟之事作個最後衝刺。 . 皇后：愛，滋潤，Fertility。 似乎與這個季節格格不入。 我們談愛，卻又不知從何談起。 正如我一直要下筆為這個主題寫點什麼， 卻一直猶豫不決。 - 抑鬱了一星期， 一直以為這是無來由的情緒。 有一刻我驚覺， 在初秋這個季節的回憶都是悲傷的， 甚至空氣的溫度都在點燃這顆炸彈。 既然過不了， 那就讓它徘徊一下。 總不可以好的全要，壞的全免吧。 - 只要緊記， 更壞的日子都會過去。 寒冬過後便會迎來初春的生機。 若是累了， 便停下來歇一歇吧。

- 記錄下頭一個月教yoga的自己。 少咗panic，少咗語障，少咗左右不分； 多咗察覺，多咗觀照，多咗耐性。 感謝朋友們的信任🫶🏻 望住個海做瑜伽好舒服。 希望遲吓可以開個森林浴瑜伽團🤣🌲 11月繼續多多關照🙏🏻 Namaste🙏🏻

- 今晚分享下關於愚者嘅故事。（少長） / 初初接觸塔羅，係因為自己嗰陣遇到人生最kick嘅感情問題。 但當時我朋友開嘅牌，每一張都講緊我係會心想事成，可以有好結果。 嗰陣當然好爽，明爽嗰隻。不過我其實當時暗底裏係感覺到，事情並不如我所願咁順利，對方未必係嗰回事。 而最後，結果都一如所料。 我當時好好奇，點解塔羅牌會開咁嘅牌俾我？ 牌陣同結果係完全相反，係咪因為塔羅神好憎我😂 但如果無嗰副牌推一推我，或者我未必會咁快下到決定； 無做決定，就唔會下定決心要自己醒。 依家玩咗兩三年，係咪真係有占卜嘅力量我仲未知。 塔羅牌對我嚟講，只係一種揭示內心嘅工具。 成日幫朋友開陣，我都會話：「其實答案你自己知。」 只係在乎我哋敢唔敢去面對。 / 講咗咁耐終於到重點。 有時望返轉頭我問自己，為咩要學塔羅呢？ 答案可能好老套，但如果幫人解下牌可以令佢安心啲， 少啲煩惱，個人鬆啲，我會有種莫名其妙嘅暢快。 唔係為咗出嚟社會多個技能可以擺檔賣100蚊15分鐘， 而係好純粹地想令人個心舒服啲。 講到好偉大咁，不過我從來做呢件事都無ask for任何回報， 只但求心安。 / 愚者，如果用旅程去形容的話，佢就係一段冒險嘅起點。帶住身上嘅法寶，即使前面係懸崖佢都無懼風浪，未會退縮。 就如同我呢幾個月做嘅嘢，老遠走去學瑜伽，報車牌，學日文，開新IG由零開始，仲有一樣嘢籌備緊，所有嘢我都唔知結果會係點。 與其一味為結果而做，不如好好享受呢種好想向前行嘅動力。 / 尋日好意外地開始咗第一次教outdoor。 星期日朝早，我都不敢相信我竟然起到身。 (我喎，擺爛鬥懶比賽我攞開第一） 大自然俾身體嘅能量真係好唔同。 正如朋友話齋， 室內嘅瑜伽係練啲動作嘅精細， 而太陽下嘅瑜伽就係身體同世界嘅對話。 I feel so great with it。 就算得自己一個，我都希望keep到一個星期要咁樣出去一日，同世界傾下計。 / 願我們如愚者般， 敢於擁抱自己，擁抱生命，擁抱世界。 𝑳𝒆𝒕’𝒔 𝑩𝒓𝒆𝒂𝒕𝒉𝒆 𝑻𝒐𝒈𝒆𝒕𝒉𝒆𝒓 𝟐/𝟏𝟎/𝟐𝟎𝟐𝟑