今日飛左過海呀～！因為聽講銅鑼灣有一間氛圍感好好，充滿左70年代懷舊香港氣氛既甜品店，好想去嗰度食吓嘢呀～一去到果然即刻穿越咗返去70年代，仲試埋傳統同中西式融合嘅甜品添，影相都好有懷舊既味道！
❤️🧡💛蘇三甜蜜💛🧡❤️
「蘇三」的名字源於門口招牌公仔——蘇仔同三妹嘅愛情故事，懷舊嘅瓷磚牆身、格仔地磚、波浪形吊燈或是放滿陳舊物品的置物架，都非常適合打卡。甜品方面，更加有多款自家原創嘅布丁同大冰酥。
🍫 杜拜朱古力冰蘇
面頭鋪滿卡達依夫酥絲（Kataifi），咬落脆到「嗦嗦聲」，配埋濃郁開心果醬醉同朱古力覆蓋雲呢拿雪糕球既脆皮層，底層冰蘇冰涼細滑。推介給開心果控，每一啖都好有特色。
🥃 茅台朱古力布丁
布甸面層有塊創意港風朱古力牌，扑開之後加埋咁多樣材料一齊食，都有香濃既茅台香，酒味突出，朱古力布甸苦甜兩味融合。平時飲開茅台，會覺得好過癮；如果你滴酒不沾，建議先細細口試探自己底線。
🧋 珍珠奶茶布丁
穩陣之選。布甸質地滑溜，港式奶茶味突出，黑糖珍珠煙韌度足。對於平時鐘意鍾意飲珍奶既我好滿意，一次過滿足想有珍奶+布甸既胃口。
☕️ 鴦走布丁
布甸係咖啡撞奶茶嘅甘香，煉奶甜味收得啱啱好，好有鴦走的特色，配搭埋好似細個會食餅乾，上面印有「Love」，另外亦有餅乾碎舖喺布丁面上，口感更有層次。
🥥 桃膠紫芋椰奶凍
沉浸喺豐富嘅甜品材料之中，口感由軟滑到煙韌都有，桃膠養顏份量好足，綿密既芋蓉+Q彈嘅奶凍既組合好有驚喜，仲有西米露整體感覺好清新。
📍 蘇三甜蜜
地址：銅鑼灣加連山道15號
@susantianmi
#蘇三甜蜜 #飯後甜品 #銅鑼灣 #銅鑼灣美食 #銅鑼灣甜品 甜品控 香港美食
